Ҳали қай юртларда қорли изғирин,
Иссиқ авж олмоқда яна бир ёқда.
Ҳеч кимга билдирмай, солмасдан шовқин,
Бойчечак чиқибди бизнинг қишлоқда.

Гоҳо ўйлаб биздан ранжишларини,
Ҳали кутмагандик келишларини.
Лекин соғингандик кулишларини,
Бойчечак чиқибди бизнинг қишлоқда.

Аритмоқ истабон дилдан ғуборни,
Курашга келгандай энг сўнгги қорни,
Гўё соғингандай эрка баҳорни,
Бойчечак чиқибди бизнинг қишлоқда...

t.me/sherzod_abdusamadov