Мусиқа – эзгулик ва маънавиятга элтувчи йўл
Ота-боболаримиз инсон камолоти, таълим-тарбияси, гўзал хулқ-атвор соҳиби, гўзал табиатли бўлиб етишишида мусиқа санъатининг катта ўрин тутишига эътибор қаратган. Ибн Сино, Форобий, Алишер Навоий ёки бошқа кўплаб улуғ аждодларимиз нафақат мусиқа санъати сирларидан шунчаки хабардор бўлган, балки бу соҳани кучли билганидан мусиқага оид асарлар ҳам ёзиб қолдирган. Бундан мусиқа кишиларни эзгуликка ундовчи, маънавиятга элтувчи восита деган хулосага келамиз.
Унинг илмий тарафларига бир қур назар ташлайдиган бўлсак, мусиқа психологиясида мия ярим шарлари қарама-қарши ҳаракат органлари фаолиятини бошқаради. Ўнг мия ярим шари чап қўл ва чап оёғимизни ҳаракатга келтиради. Чап мия ярим шари эса аксинча.