Эҳтимол, гаплашгинг келмас мен билан,
Эҳтимол, пинҳона сурарсан хаёл.
Ўткинчи туйғулар этганда асир,
Мен ҳам ўйлаганман сени эҳтимол...

Гоҳо қарши чиқдим истакларингга,
Гоҳо рози бўлдим, топсин деб таскин.
Ногоҳ ҳаётингда кўринмай қолсам,
Қанчалар қидирма... айтмайди ҳеч ким.

Эҳтимол, беҳуда боғладик умид,
Хайрли бўлар, деб балки ниҳоя.
Эҳтимол, шу ерда топади якун,
Бахтсизлик ҳақида энг зўр ҳикоя.

Эҳтимол, қачондир келсанг кўрасан,
Деворда суратинг... турар осиғлиқ.
Бугун чорлай десам, чиқмас овозим,
Қучайин десам гар... қўлларим боғлиқ.

t.me/sherzod_abdusamadov