Биринчи қор 😊😊😊

Эшик қоқиб келаётир қиш,
Ҳадя этиб оппоқ қорини.
Бир-бирига айтмоқда ҳамма
Яхши тилак, қалбда борини...

Биринчи қор, ёққанинг ростми,
Айт, тушмасми, сени кўрганим?
Ёдга тушди болалигимда,
Сени қўмсаб йиғлаганларим...

Севгилимдек соғинчга отма,
Сени интиқ кутганлар қанча?
Бир илиқлик бахшида этар
Парчаларинг юрагимгача.

Хиёбонни кезяпман ёлғиз,
Вужудимни покликка тутиб.
Куч тилагин, менга сен яна,
Яшаш учун келишинг кутиб.

Ранжиб, совуқ нигоҳлардан гоҳ,
Исинаман музнинг тафтидан,
Қўйворгиси келмайди муз ҳам
Яхши кўриб қолган афтидан...

t.me/sherzod_abdusamadov