Заработок с телеграм-канала

С аудиторией от 1500 подписчиков. Подключайтесь!

Доход с телеграм-канала

От 1500 подписчиков. Подключайтесь с Яндексом!

Продам канал с доходом 138090

Всего за 55 000. Срочно нужны деньги.

Статистика Избранное

She'riyat olami.

Гео и язык канала: Узбекистан, Узбекский

Категория: Книги

O'zbek she'riyat olami !
Fikrlaringizni jilovlab oling, ular hamma narsaning boshlanishidir.
Admin bilan bog'lanish: @Sheriyatuz_bot
Muxlis minbari loyihasi uchun
@sheriyatuz_bot

Связанные каналы | Похожие каналы

Гео и язык канала

Узбекистан, Узбекский

Категория

Книги

Статистика

Избранное

Фильтр публикаций

Скрывать удаленные

Скрывать репосты

She'riyat olami.

21 Feb, 21:10

Мен сени олисдан севиб яшадим,
Дилни айтмоқликка топмадим журъат.
Бетақдир йўлларни тамом ташладим,
Англадим, юракка подшоҳдир қисмат.
Йўқ, ҳеч ҳам керакмас ортиқ сийловлар,
Кўздаги ёшимни артаман ўзим.
Тунги бедорликлар, шеърий қийновлар -
Фақат менга тегиш пинҳона рўзим.
Гоҳо узоқлардан келар овозинг,
Кўриниш бергайсан гоҳо бир лаҳза...
Сен - менинг ҳаётда ёлғиз парвозим,
Сен - менинг қалбимда умрбод ларза.
Сен менинг бетўхтов яралишимсан,
Сенсан - сўзга тушса, ёнган инқироз.
Сен менинг дунёга таралишимсан -
Кераксиз умримдан ортиқ эҳтирос.
Не қилай? Кўмакми? Хўш, нима фойда? -
Осон қилолмагай оғир йўлимни.
Юракни узатмоқ зарурат жойда,
Сен мудом узатдинг нозик қўлингни.
қара, йиғлаяпман... қайси томонга
Телба хохиш билан қадам ташладим -
Алмашсам бўлурми лаҳзангни жонга?..
Мен сени олисдан севиб яшадим.

✍️ Усмон Азим

@sheriyatuz

26 0 0 1

She'riyat olami.

19 Feb, 22:05

SOG’INIB

Shu kunlarda bahorga zorman,
Navjuvonlik o‘ti tanda yo‘q.
Kuz singari za’far ruxsorman,
Mevalar ham shoxlardan uzuq.

Shu kunlarda bahorga zorman,
Tanxastalik ezadi ruhim.
Tanho emas, qatorda borman,
Yana neni izlaydi suqim?

Shu kunlarda bahorga zorman,
Shaffof, yorqin kuy tilar ko‘ngul.
Yaxshiyamki, qalamga yorman,
So‘zlab turar bor dilimni ul.

Shu kunlarda bahorga zorman,
O’z bahorim kabi bemisol.
Bahor qaytmas, yonuvchi qorman,
Yo no‘noq qo‘l butagan nihol.

Shu kunlarda bahorga zorman...

✍️ Zulfiya

@sheriyatuz

105 0 2 2

She'riyat olami.

4 Feb, 20:42

SADOQAT

Keksa qarag‘ayning
Ildizin ochib,
Tortdilar qo‘sh arqon solib belidan.
Lekin u tuproqqa panjasin sanchib,
Sira qo‘zg‘almasdi
Ungan yeridan...

Nihoyat, gurs etib yerga quladi,
Butab, so‘ng ko‘tarib ketdilar,
biroq -U o‘z panjasida olib jo‘nadi
Yashagan yeridan Bir siqim tuproq.

@sheriyatuz

339 0 2 6

She'riyat olami.

1 Feb, 21:31

Boʻlmas

Har ahmoqqa aytma dardu soʻzingni,
Hasrat oʻti jisming yoqqancha boʻlmas.
Gʻussa bilan dona-dona koʻzingdan
Achchiq yoshlaringni toʻkkancha boʻlmas.

Qanoatda, izzatda tut oʻzingni,
Tama qilib, sargʻaytirma yuzingni,
Har nomardga hayf aylama soʻzingni,
Soʻzingning binosin yiqqancha boʻlmas.

Magʻrur boʻlib kezma umring guliga,
Duch boʻlarsan bir kun xazon yeliga,
Yuz yil yashab tushsang ajal qoʻliga,
Oʻngingdan chapingga boqqancha boʻlmas.

Koʻngli qora bilan boʻlmanglar ulfat,
Yuqar undan turli-tuman kasofat,
Koʻmirga har necha aylasang izzat,
Manglayga qorasi yuqqancha boʻlmas.

Maxtumquli hargiz topmadi omon,
Yomon tilning zahri tigʻlardan yomon,
Yomon til yonida zahri koʻp ilon
Chaqsa-da, bir chivin chaqqancha boʻlmas.

Maxtumquli

@sheriyatuz

418 0 4 5

She'riyat olami.

19 Dec 2024, 22:19

КЎНГИЛГА ХИТОБ

Нега бунча қайсарсан, кўнгил,
Нима қасдинг бор ўзи менда?
Табиатим бори шу, кўнгил,
Қийнайверма одамни сен-да,

Эзаверма ҳадеб муҳаббат
Деган сўзни ўртага қўйиб,
Сен сўйлаган у сўз бешафқат,
Умрим ўтди шу сўздан куйиб.

Ҳадеб вафо сўзини шеърга
Тиркамагин, у бир йўқ сўздир.
Бевафодан сен бир умрга
Мен учун-да ўзингни уздир!

Кўнглим, хос бўл кўнгил исмига,
Ана, кўздан олгин иқтибос.
Ҳаётимнинг қолган қисмига
Аралашма, сендан илтимос!

✍X. Xamidov.
@sheriyatuz

451 0 7 4

She'riyat olami.

8 Nov 2024, 23:18

KUZGI SOG’INCH

Qarshimda lallayib turgan shu daraxt,
Qushlar kontsertiga sotadi chipta.
Simlar chizig‘ida qushlar notasi,
Umrimiz muallaq omonat ipda.
Quyosh tillasidan qamashdi ko‘zim,
Bog‘lar chayqalganda shamollarda mast.
Suvlar bexush yotar anxor qo‘ynida,
Bodi xazonlardan to‘zg‘in xoru xas.
Suvi qochgan nonday qaqradi yo‘llar,
Kuzgi ko‘priklardan o‘tdim men yakka.
Xazonli bog‘larda seni esladim,
Osmon o‘tovidan o‘tganda chakka.
Shu kecha men seni qilurman ozod,
Shart emas to‘siq yo pardani yirtmoq.
Tortaman tirsillab uzilib ketar,
Siymin badaninga botuvchi sirtmoq.
Axir sensiz tunda qor yog‘ayotgan
Qorong‘u, kimsasiz jim - jit ko‘chaman.
Bu kech yonayotgan gugurt cho‘piday,
Xushbo‘y nafasingdan titrab o‘chaman.

✍ X. Vulqon

@sheriyatuz

811 0 2 6

She'riyat olami.

7 Nov 2024, 21:18

Репост из: She'riyat olami.

Китобхон қизга !

Уйланаман!
Менбоп қиз даркор,
Хоҳи содда, хоҳ бўлсин маккор.
Зарари йўқ қилса кўп пардоз,
Тўпорироқ юрса,
Қайтам соз.
Сўз бермасин мен-чун ўлгани,
Шеър ўқишни суйса бўлгани.
Хуллас,
Битта шеърхон қиз керак...
Ана-а! Менга худди Сиз керак.

✍ Анвар Обиджон

@sheriyatuz

754 0 3 10

She'riyat olami.

15 Oct 2024, 22:35

SHAHAR YOMG’IRI

Chaqmoq lazeridan yorishib ketar,
Olis samolarning gezargan labi.
Yomg‘ir yuvib ketgan gulzorlar aro,
O’ylarim g‘arq bo‘lar "Titanik " kabi.
Yuvilgan maydonda qarsillar yomg‘ir,
O’rmalar loyqa suv iloni selda.
Muz solingan qopday so‘lim Xavolar,
Borliq go‘dak kabi yupangan yelda.
Yodimga tushadi olis bolalik,
Chaqmoq, qasirg‘alar, sellar suroni.
Yomg‘irdan keyingi bog‘lar ustidan
Gurillab esardi chumchuq bo‘roni.
Qoldi uzoqlarda daryo jarlari,
Yulg‘unzor to‘qaylar sog‘ingan do‘stim.
Shoir bo‘lib nazm daryolarida,
Jarlarga tirmashib qiynalib o‘sdim.
Baland jarlar kabi qavatli uylar,
Olmos chiroqlarin ma’yus yoqarlar.
Chiroq marjoniga termular g‘amgin,
Giyoxdonda o‘sgan tungaboqarlar.

✍️ X. Vulqon
@sheriyatuz

810 0 0 9

She'riyat olami.

22 Sep 2024, 20:11

Репост из: Xayrulla HAMIDOV ijodi /official

УЧРАШУВ

Болалигим билан учрашиб қолдим,
Уни мен танидим, танидим аниқ.
Уни жим кўтардим, елкага олдим,
Ҳис қилди танимни, кўзлари ёниқ.

Ҳис қилди, бир лаҳза ўтди ўнгидан,
Неки яшаганман -- барини билди.
Сакраб тушиб кетди елкамдан, сўнгра
Катта бўлмайман, деб хархаша қилди.

Ҳа, орзу йўллари тор келди мангу,
Болалигим, тенги йўқ зар-олтинда,
Бировлардан асло чўчимайману,
Уятлиғман фақат сенинг олдингда.

t.me/Xayrulla_Hamidov_adabiyot

944 0 2 5

She'riyat olami.

4 Sep 2024, 07:50

Ҳеч ким кузатишга чиқмади мени,
Улкан аэропортда ёлғиз бир ўзим,
Чемодан кўтариб совуқ куз куни
Ёлвордим: фош этма кўз ёшим, кўзим.
Учишга ўн минут... титрама таним,
Руҳим боғларида ким ўқ отмоқда?
Биламан, шу маҳал бир ишонганим
Бурқсиган даврада мени сотмоқда.
Ажралиш тош отган аэропортда
Кўнглим синиқларин термоқчидайин,
Негадир сўнгги бор қарадим ортга,
Келмаган одамни кўрмоқчидайин.
Сўнг учдим тақдирнинг баланд-пастидан!
Жону жигаримни тиғлаб учдим мен.
Хиёнат ўқ отган уйнинг устидан,
Ярадор қушчадек йиғлаб учдим мен.

Зулфия Мўминова

@sheriyatuz

1.3k 0 3 6

She'riyat olami.

30 Aug 2024, 08:43

Антиқа хушомад

Александр Дюма ўз даврининг атоқли врачларидан бири Гисталь билан тушлик қилади. Дўхтир ёзувчидан “Мулоҳазалар китоби”га бирор нарса ёзиб беришни сўрайди. Бу китобга кўпинча даво топган беморлар ўз дил изҳорларини битишар эди.

Дюма илк жумласини ёзади:
“Дўхтир Гисталь ҳамма оилаларни даволайдиган вақтдан бошлаб шифохоналарни беркитиш керак”.

Бу гапни ўқиган врач талтайиб кетади:
– Пахтаниям тозасидан қўйдингиз-ку, тақсир!

Шундан сўнг Дюма фикрини шундай тугаллайди:
“Ва иккита янги қабристон ҳам очиш зарур...”

@sheriyatuz

1.2k 0 1 4

She'riyat olami.

29 Aug 2024, 14:19

Юлудузлар
сен учун порлар эҳтимол.

Сен учун эҳтимол
баҳорлар келар.

Эҳтимол бу дунё сен учун
яралган…

Анов, тақдир эса —
Фақат сен учун.

Нега у
ташландиқ уй каби ғариб?

Нечун
тақдирингда
яшамаяпсан?

Уни
бировларга
нечун топширдинг?

✍️ Усмон Азим

@sheriyatuz

1.1k 0 0 7

She'riyat olami.

20 Aug 2024, 00:17

ozodbeknazarbekov-devonaoshiq[ozodbek.uz].mp3

#retro

Ozodbek Nazarbekov - Devona oshiqman.

@sheriyatuz
https://t.me/joinchat/AAAAAD5sz0pDjeFn_IXLJg

1.2k 0 5 7

She'riyat olami.

20 Aug 2024, 00:17

Репост из: She'riyat olami.

SEVGI SADOSI

Gulim, mehr ko`zda degani yolg`on,
Mening dilimda hech o`chmas yolqinsiz,
Qancha ko`rishmasak shuncha qadrdon,
Qancha olis bo`lsak, shuncha yaqinsiz.

Devona oshiqman, men bir devona,
Ayting sizdan bo`lak kimim bor yana?..
Siz yo`q chog`imdagi dunyom begona,
Siz yo`q bog`imdagi gullar yoqimsiz.

Siz achchiq qismatim, siz iztirobim,
Siz shirin dardimsiz, shurin azobim,
Siz mening ko`klardan topgan oftobim,
Yerlarda yo`qotgan ko`zmunchog`imsiz.

Yodimda kechagi sho`xliklaringiz,
Ko`ksimni kuydirgan kipriklaringiz,
Siz o`sha — Orzusi oydan oydin qiz,
Siz o`sha — kulgusi qo`ng`irog`imsiz.

Siz o`sha ko`zimning kiftida turgan,
Siz o`sha ko`nglimga ko`ngli in qurgan.
To`kilay deb tilim uchida turgan
She'rimsiz, bir umr bitmas ohimsiz...

✍️ Muhammad Yusuf

@sheriyatuz

1.1k 0 9 7

She'riyat olami.

18 Aug 2024, 18:16

Сен тонгда уйғондинг. Газга қўйдинг чой.
Бу меҳр мен учун эмас, ҳойнаҳой.

Сен оппоқ кўйлакка урасан дазмол.
Бу ишни мен учун қилмоғинг - маҳол.

Уйни супирасан, поклайсан чангдан.
Супириб отмайсан мени бу ғамдан.

Овқат пиширасан. Мўл-кўл дастурхон...
Овқатингни мақтар ўзга бир инсон.

Болангнинг кўзига боқиб тўймайсан.
Сен менинг боламни ўпиб қўймайсан.

Аммо ёлғиз қолсанг эгилар бошинг -
Кўзингдан сўрамай оқади ёшинг.

Мени соғиндингми? Куйдингми?.. Раҳмат!..
Кўз ёшинг меники, кўз ёшинг фақат...

✍ Усмон Азим

@sheriyatuz

1.5k 3 6 10

She'riyat olami.

14 Aug 2024, 20:30

У на шоир эди ва на машҳур зот,
Лекин дунё билан бир эди дарди.
У ҳам бошқалардай кечириб ҳаёт,
Шошиб ишга бориб, секин қайтарди.
Англарди дунёни у ҳам хўп теран,
Маъюс боқар эди ботгувчи кунга.
Баъзида юраги ёнгани билан
Парво қилмас эди ҳеч қачон бунга.
У қабр устида сўзламади нутқ,
Табрик ҳам айтмади тўйларда хандон.
Ўлим бу - нишонга бориб теккан ўқ,
Туғилиш - шиддат-ла тортилган камон.
Шон-шуҳрат талашган турфа хил ғариб,
Шўрлик кимсаларга кулиб боқади.
Юрмасди ҳар қайда илинж ахтариб,
Қалбида бир дарё гувлаб оқарди.
Бировнинг у билан бўлмади иши,
У ҳам дуч келганда очмади юрак,
Насаб, икир-чикир мол-мулк ташвиши
Уни этолмади зарра жонсарак.
Лоқайдни дўппосла, деса эҳтимол
Унга ёпишарди нокаснинг бари.
Унинг кўзларида ёнарди беҳол
Йироқ юлдузларнинг сирли нурлари.
Оламнинг бу майда ғалваси нечун?
Бари ўтадиган, бари нокерак.
Тариқдай заминнинг устида беун
Яшаб ўтди шундоқ буюк бир юрак.
Қайдан келганди у? Билмади кимса,
Қабрига ҳам жимжит кириб кетди у.
Менимча, дунёнинг устида росса
Мириқиб қаҳ-қаҳа уриб кетди у.

✍️Абдулла Орипов.

@sheriyatuz

1.2k 0 7 12

She'riyat olami.

10 Jul 2024, 21:23

ERKA KIYIK

Erka kiyik, maylimi bir erkalasam,
Majnun bo'lib sahrolarga yetalasam,
Bu dunyoda birday g'arib men ham, sen ham,
Erka kiyik, maylimi bir erkalasam?..

Sening ko'zing qora, mening ko'zim qora,
Sening bag'ring yara, mening bag'rim yara,
Bu dunyoda sen bechora, men bechora!..
Erka kiyik, maylimi bir erkalasam?..

Shamol emas, izing quvib yurdi kamon,
Sayyod mening kulbamni ham qildi vayron.
Sening joning , mening jonim — omonat jon,
Erka kiyik, maylimi bir erkalasam?..

Kel, yig'laymiz birgalashib yantoqlarga,
Sahrolarda qurimagan buloqlarga,
Ikkalamiz yaralganmiz qiynoqlarga,
Erka kiyik, maylimi bir erkalasam?..

Umrimizning barcha yo'li, so'qmog'i cho'g',
Cho'g'dan qo'rqma, beyuz qo'ygan qopqondan qo'rq.
Bu dunyoda senga do'st yo'q, menga do'st yo'q,
Erka kiyik, maylimi bir erkalasam?..

Soch oqardi, dildosh kutib ko'zim toldi,
Yuragimdan to'kilmay ne so'z qoldi,
Yo'l so'ngida, hech bo'lmasa o'lim oldi,
Erka kiyik, maylimi bir erkalasam?..

✍️ Muhammad Yusuf

@sheriyatuz

1.5k 0 8 10

She'riyat olami.

8 Jul 2024, 22:35

Ногоҳ салқин келди август сўнгида,
Ёмғир ёғиб ўтди бугун эрталаб.
Эрталаб - сабрнинг кўзи ўнгида –
Мен сенинг исмингни айтдим эркалаб.

Ногоҳон ўзгариш этдими таъсир,
Ё салқин хотиранг етди – билмадим:
Кўнглимни эрталаб этмадим таҳрир -
Эркалаб исмингни айтдим. Йиғладим.

Тушиндим - тақдиринг ишин юритган
Беюрак ройишлар ҳақлидир, ҳақли.
Ўйладим: - Албатта, мени унитган! -
Албатта, бахтлидир! Албатта, бахтли!

Асли бу мунг нечун? Тақдир ҳал бўлган.
Умрдан неча кун қолди? Билмадим.
Сенсиз ўлмоғимга қисматим кўнган...
Барибир йиғладим.

✍ Усмон Азим

@sheriyatuz

1.6k 2 13 7

She'riyat olami.

6 Jul 2024, 23:37

#sensiz...

***
Nigohim nigohing aksiga tashna,
Bóshliqqa uchadi ruhim qushlari.
Kónikish, armondan ayt ne foyda, dil!
Qalbim qitiqlaydi qismat ishlari.
Kel...

Kel...
Dardim quchoqlab birga yig‘laylik,
Sónggi sabrlarni tortqilaydi yel...
Gullarga o‘raymiz, gullarga o‘rab,
Daryoga sabrni chóktiramiz kel!
Kel...

Sabr arazladi, faqat qolding sen!

Feruza

#muxlisminbari
@sheriyatuz

1.3k 0 6 6

She'riyat olami.

5 Jul 2024, 09:08

JONINGIZ QAYDA?

Ishqning osmonida oyga qo’shilib,
Aylangan boshingga bulutlar qaytar.
Mening quchog’imda kuyday eshilib,
Asta shivirlaysan:
- Joningiz qayda?

O’g’irlaysan barcha kalitlarimni,
Sandiqlar ochilar – senga sir aytar

Izlaysan Qo’ng’irot, Yovmudlarimni,
Horib shivirlaysan:
- Joningiz qayda?

- Shumi? – Qilichimni ko’lga tashlaysan.
- Balki bu? – qo’lingni cho’zasan yoyga.
So’ngra yig’lab-yig’lab so’roq boshlaysan:
- Bir marta ayting-chi,
Joningiz qayda?

O‘zingni qadringni suvga otasan,
Mening izzatimni qotasan loyga.
Bolang o’lgan kabi fig’on tortasan:
- Hamon tirikmisiz –
Joningiz qayda?

Og’ular qo’shasan hamma oshimga,
Har qanday qasoslar tuyilar mayda.
Yalinib turasan yana qoshimda:
- Nega o’lmayapsiz?
Joningiz qayda?

✍ Усмон Азим

@sheriyatuz

1.3k 0 1 6

Показано 20 последних публикаций.

318

подписчиков

Статистика канала

Популярное в канале

Boʻlmas Har ahmoqqa aytma dardu soʻzingni, Hasrat oʻti jisming yoqqancha boʻlmas. Gʻussa bilan ...

SADOQAT Keksa qarag‘ayning Ildizin ochib, Tortdilar qo‘sh arqon solib belidan. Lekin u tuproqqa ...

SOG’INIB Shu kunlarda bahorga zorman, Navjuvonlik o‘ti tanda yo‘q. Kuz singari za’far ruxsorma...

Мен сени олисдан севиб яшадим, Дилни айтмоқликка топмадим журъат. Бетақдир йўлларни тамом ташлади...