Tashrif arafasida tahlil: O‘zbekiston-Kuvayt hamkorligining yangi istiqbollari
Tarixi:
Kuvayt Davlati O‘zbekiston Respublikasining mustaqilligini birinchilardan bo‘lib, ya’ni 1991-yil 30-dekabrda tan olgan. Mamlakatlar o‘rtasida diplomatik munosabatlar esa 1994-yil 8-iyul kuni o‘rnatilgan. 2001-yilda Toshkent shahrida Kuvayt Davlatining elchixonasi va 2004-yil noyabr oyida Al-Kuvaytda Oʻzbekiston Respublikasining elchixonasi ochilgan. Bugungi kunga qadar ikki marta – 2004-yilda Kuvaytga va 2008-yilda O‘zbekistonga oliy darajadagi tashriflar amalga oshirildi.
O‘zaro savdo:
Oʻzbekiston Respublikasi Investitsiyalar, sanoat va savdo vazirligi maʼlumotlariga koʻra, 2019-yildan buyon ikki mamlakat oʻrtasidagi tovar ayirboshlash, birinchi navbatda, oziq-ovqat mahsulotlari, kimyo mahsulotlari va xizmatlar eksporti hisobiga besh baravardan ziyod oshgan va 11,1 million dollarga yetgan. Qayd etish joizki, 2023-yilda Kuvaytning tashqi savdo aylanmasi 164 milliard dollarni, O‘zbekistonniki esa 63 milliard dollarni tashkil etdi. Shuningdek, 2024-yilning 10 oyi davomida o‘zaro savdo hajmi 4,9 million dollar bo‘ldi. Bu esa o‘z navbatida, ushbu davlatlar o‘rtasidagi hamkorlik ko‘lamini kengaytirish uchun hali foydalanilmagan ulkan salohiyat mavjudligini namoyon etadi.
Sarmoyaviy hamkorlik:
Kuvayt katta investitsion potensialga ega. “Quvayt investitsion boshqarmasi” moliyaviy imkoniyatlari bo‘yicha dunyoda beshinchi, Ko‘rfaz mintaqasida ikkinchi o‘rinni egallaydi. Uning hozirgi kundagi mablag‘lari hajmi deyarli 1 trillion dollarga yaqin. Kuvayt arab iqtisodiy taraqqiyot jamg‘armasi (KAITJ) Yaqin Sharq mintaqasida birinchi bo‘lib tashkil etilgan, rivojlanayotgan davlatlarga imtiyozli grant va kreditlar beruvchi nufuzli tashkilot sanaladi. KAITJning moliyaviy va maslahat ko‘magida O‘zbekistonda sog‘liqni saqlash, ta’lim va turli infratuzilma sohalarida yirik ijtimoiy loyihalar amalga oshirilmoqda. Umuman olganda, KAITJ bilan jami 213,2 million dollarlik 10 ta kredit shartnomasi va 2,5 million dollarlik 4 ta texnik yordam ko‘rsatish shartnomasi imzolandi. Ayni paytda KFAED bilan hamkorlikda “O‘zbekistonda maktabgacha ta’limni davlat-xususiy sheriklik asosida rivojlantirish” loyihasini moliyalashtirish masalasi ishlab chiqilmoqda. Alohida ta’kidlash lozim, hozirda O‘zbekistonda Kuvayt kapitali ishtirokidagi 7 ta korxona faoliyat yuritmoqda.
Mushtarak maqsadlar:
Alohida ta’kidlash lozimki, mazkur davlatlar iqtisodiy taraqqiyot strategiyalarida uyg‘unlik mavjud. Zero, Rasmiy Toshkent ham, Al-Kuvayt ham mamlakat iqtisodiyotini modernizatsiya qilish va uning tarmoqlarini diversifikatsiya qilish vazifalarini o‘z kun tartibiga qo‘ygan. Mazkur maqsadlar aynan “Yangi O‘zbekiston-2030” va “Yangi Kuvayt-2035” strategiyalarida o‘z aksini topgan. Bundan ko‘rinib turibdiki, ikki mamlakat ham deyarli bir xil tarixiy rivojlanish bosqichini, ya’ni chuqur transformatsiya davrini bosib o‘tmoqda.
Xulosa:
Sirasini aytganda, O‘zbekiston-Kuvayt munosabatlari izchil rivojlanib bormoqda. Binobarin, joriy yilning 17-18-fevral kunlari O‘zbekiston Prezidenti Shavkat Mirziyoyevning Kuvaytga ilk tashrifi mamlakatlar o‘rtasidagi hamkorlik sohalari yanada kengayib, ko‘lami oshishi kutilmoqda. Chunonchi, bu tashrifni so‘nggi 11 yil ichida amalga oshirilayotgani o‘zaro sherikchilik aloqalarini chuqurlashtirishga doir qator yangiliklar bo‘lishidan darak.
Ijtimoiy tarmoqlardagi sahifalarimiz👇
Telegram | Instagram | Facebook | You Tube | Twitter
Tarixi:
Kuvayt Davlati O‘zbekiston Respublikasining mustaqilligini birinchilardan bo‘lib, ya’ni 1991-yil 30-dekabrda tan olgan. Mamlakatlar o‘rtasida diplomatik munosabatlar esa 1994-yil 8-iyul kuni o‘rnatilgan. 2001-yilda Toshkent shahrida Kuvayt Davlatining elchixonasi va 2004-yil noyabr oyida Al-Kuvaytda Oʻzbekiston Respublikasining elchixonasi ochilgan. Bugungi kunga qadar ikki marta – 2004-yilda Kuvaytga va 2008-yilda O‘zbekistonga oliy darajadagi tashriflar amalga oshirildi.
O‘zaro savdo:
Oʻzbekiston Respublikasi Investitsiyalar, sanoat va savdo vazirligi maʼlumotlariga koʻra, 2019-yildan buyon ikki mamlakat oʻrtasidagi tovar ayirboshlash, birinchi navbatda, oziq-ovqat mahsulotlari, kimyo mahsulotlari va xizmatlar eksporti hisobiga besh baravardan ziyod oshgan va 11,1 million dollarga yetgan. Qayd etish joizki, 2023-yilda Kuvaytning tashqi savdo aylanmasi 164 milliard dollarni, O‘zbekistonniki esa 63 milliard dollarni tashkil etdi. Shuningdek, 2024-yilning 10 oyi davomida o‘zaro savdo hajmi 4,9 million dollar bo‘ldi. Bu esa o‘z navbatida, ushbu davlatlar o‘rtasidagi hamkorlik ko‘lamini kengaytirish uchun hali foydalanilmagan ulkan salohiyat mavjudligini namoyon etadi.
Sarmoyaviy hamkorlik:
Kuvayt katta investitsion potensialga ega. “Quvayt investitsion boshqarmasi” moliyaviy imkoniyatlari bo‘yicha dunyoda beshinchi, Ko‘rfaz mintaqasida ikkinchi o‘rinni egallaydi. Uning hozirgi kundagi mablag‘lari hajmi deyarli 1 trillion dollarga yaqin. Kuvayt arab iqtisodiy taraqqiyot jamg‘armasi (KAITJ) Yaqin Sharq mintaqasida birinchi bo‘lib tashkil etilgan, rivojlanayotgan davlatlarga imtiyozli grant va kreditlar beruvchi nufuzli tashkilot sanaladi. KAITJning moliyaviy va maslahat ko‘magida O‘zbekistonda sog‘liqni saqlash, ta’lim va turli infratuzilma sohalarida yirik ijtimoiy loyihalar amalga oshirilmoqda. Umuman olganda, KAITJ bilan jami 213,2 million dollarlik 10 ta kredit shartnomasi va 2,5 million dollarlik 4 ta texnik yordam ko‘rsatish shartnomasi imzolandi. Ayni paytda KFAED bilan hamkorlikda “O‘zbekistonda maktabgacha ta’limni davlat-xususiy sheriklik asosida rivojlantirish” loyihasini moliyalashtirish masalasi ishlab chiqilmoqda. Alohida ta’kidlash lozim, hozirda O‘zbekistonda Kuvayt kapitali ishtirokidagi 7 ta korxona faoliyat yuritmoqda.
Mushtarak maqsadlar:
Alohida ta’kidlash lozimki, mazkur davlatlar iqtisodiy taraqqiyot strategiyalarida uyg‘unlik mavjud. Zero, Rasmiy Toshkent ham, Al-Kuvayt ham mamlakat iqtisodiyotini modernizatsiya qilish va uning tarmoqlarini diversifikatsiya qilish vazifalarini o‘z kun tartibiga qo‘ygan. Mazkur maqsadlar aynan “Yangi O‘zbekiston-2030” va “Yangi Kuvayt-2035” strategiyalarida o‘z aksini topgan. Bundan ko‘rinib turibdiki, ikki mamlakat ham deyarli bir xil tarixiy rivojlanish bosqichini, ya’ni chuqur transformatsiya davrini bosib o‘tmoqda.
Xulosa:
Sirasini aytganda, O‘zbekiston-Kuvayt munosabatlari izchil rivojlanib bormoqda. Binobarin, joriy yilning 17-18-fevral kunlari O‘zbekiston Prezidenti Shavkat Mirziyoyevning Kuvaytga ilk tashrifi mamlakatlar o‘rtasidagi hamkorlik sohalari yanada kengayib, ko‘lami oshishi kutilmoqda. Chunonchi, bu tashrifni so‘nggi 11 yil ichida amalga oshirilayotgani o‘zaro sherikchilik aloqalarini chuqurlashtirishga doir qator yangiliklar bo‘lishidan darak.
Ijtimoiy tarmoqlardagi sahifalarimiz👇
Telegram | Instagram | Facebook | You Tube | Twitter