Shariy Ruqiya

РАМАЗОН ҲАЙИТИ МУБОРАК БЎЛСИН!🌛

Ассалому алайкум ва роҳматуллоҳи ва барокатуҳ. Азиз мўмин-мусулмон биродарлар ва муслима-опа сингиллар! Барчангизга рамазон ҳайити муборак бўлсин.

تَقَبَّلَ اللهُ مِنَّا وَمِنْكُمْ صَالِحَ الْأَعْمَالِ

“Тақоббалаллоҳу минна ва минкум солиҳал аъмаал” – “Аллоҳ бизу сиздан солиҳ амалларимизни қабул қилсин”.

Барча сеҳрланган, жин ва кўз тегишидан озор чекаётган беморларга Аллоҳ таоло ўзи комил шифо берсин, доимо яхшиликлар устида бардавом этсин, охиримизни хайрли қилсин. Бизни дунёда ҳам, охиратда ҳам ютуққа эришган бандаларидан қилсин.

✍ Муҳаммад Ҳабибуллоҳ

📱 @shariyruqiya

🗓 Рамазон ойида сеҳр, жин ва кўз теккан беморларда ушбу касалликлар аломатлари янада кучлироқ намоён бўлади.

💭 Чарчоқ, мадорсизлик, уйқусизлик ёки аксинча уйқучанлик, кучли ланжлик ва дангасалик кучаяди. Шунингдек, қайғу, зерикиш, умидсизлик, сиқилиш, маъюслик, кўнгил қолиши ҳоллари кўпроқ кузатила бошлайди. Ғазаб ва асабийлашиш ҳам кучайиб кетади. Ўзаро низолар, муаммолар, нафрат, ноқулайлик, ташвиш пайдо бўлади. Қаттиқ иштаҳа бўғилиши, касалликлар, оғриқлар намоён бўлиб, аҳвол ёмонлашади.

🌛 Муқаддас Рамазон ойи давомида хоҳиш-истаклар назоратдан чиқиб кетади ва аксар ҳолларда беморларнинг ҳаёти остин-устун бўлиб кетади.

👿Сеҳрга ходим бўлган жинлар юқорида келтириб ўтганимиз ҳолатларни бир неча сабабга кўра қасддан қилишади:

1️⃣ Доимий равишда, айниқса, Муқаддас кунларда беморларнинг ҳаётини издан чиқариш жинларнинг асосий вазифаси ҳисобланади.

2️⃣ Ходим жинлар Муқаддас кунларнинг барокатидан, улуғлигидан, ажр-савобнинг кўпайтириб берилишидан, нозил бўладиган марҳамат ва неъматларнинг улуғлигидан қаттиқ ғазабланишади.

3️⃣ Улар беморларнинг Муқаддас кунлар баракотидан фойдаланган ҳолда кўпроқ руқия қилдириб, даволаниш, ибодатда, дуо-илтижода бўлишлари учун атайин кескин тўсқинлик қилишади. Агар беморлар бу имкониятни қўлдан бой бермай, ундан самарали фойдаланишса, шайтон-жинлар бундан қаттиқ азобланишади.

📢 Беморлар биз келтириб ўтганимиз эслатмаларга бефарқ бўлмасликлари керак. Бу Муқаддас кунлар барокатини зое қилмаган ҳолда даволаниш, руқия, истиғфор, таҳажжуд намозлари ва зикрларни кўпайтиришда жидду-жаҳд қилишлари керак. Аллоҳ Субҳанаҳу ва таолодан шифо беришини қаттият билан дуо қилиб сўраган ҳолларида, шайтонга бир зум ҳам имконият бермасликлари лозим ва лобуддир.

📱 @shariyruqiya

РУҚИЯДАГИ УСТОЗЛАРИМ ҲАҚИДА

Ассалому алайкум ва роҳматуллоҳи ва барокатуҳ. Азизлар, кўпчилик мендан устозларим ҳақида сўрашади. Шу савол кўп берилгани учун ва мени ҳар хил инсонларга шогирдликка мансуб қилишгани учун, устозларим ҳақида шу ерда қисқача айтиб ўтишни маъқул кўрдим.

Алҳамдулиллаҳ, шаръий руқия илмларини бир қанча устозлардан ўрганганман ва ҳозир ҳам ўрганиб келяпман. Улардан биринчи навбатда, гулистонлик Абдурраҳмон домлани эътироф этаман, у кишини Аллоҳ таоло Ўз раҳматига олсин. Сўнгра, Тошкент шаҳрида Камолиддин домла ва Абдулҳамид домла ҳамда Наманганлик Солижон домлалардан шаръий руқия илмларини ўрганганман. Мен юқорида келтириб ўтганим муҳтарам роқийларни ўзимга устоз деб биламан. Бошқа бирор бир инсонга руқияда шогирд бўлмаганман.

✍🏻 Муҳаммад Ҳабибуллоҳ

📱 @shariyruqiya