Quvasoy shahar Bog‘bon mahallasida "Do‘stlik va hamjihatlikni ulug‘lagan yurt" shiori ostida ma’naviy-ma’rifiy bayram tantanasi ko‘tarinki ruhda nishonlandi.
Bahor nafasi ufurib turgan bir paytda o‘tkazilgan ushbu bayram el-yurtni birlashtiruvchi, mehr-oqibat va birdamlikni tarannum etuvchi haqiqiy tantanaga aylandi.
Bayram tadbirida Respublika ishchi guruhi, viloyat va shahar hokimligi, korxona va tashkilotlar, mahalla faollari, nuroniylar va keng jamoatchilik vakillari ishtirok etdilar.
Bog‘bon mahallasida o‘zbek, qirg‘iz va tojik millatiga mansub xalq vakillari ahil va inoq bo‘lib yashaydilar. Xalqimiz azal-azaldan mehmondo‘st bo‘lib, millatlararo totuvlikni qadrlaydi. Buning yaqqol misoli tariqasida, bugungi tadbirda ham o‘zbek, qirg‘iz va tojik millatiga mansub jamoatchilik vakillari ushbu tadbirni ko‘tarinki kayfiyatda qarshi oldilar.
Bayram doirasida milliy urf-odatlarimiz va an’analarimizni aks ettiruvchi ko‘rgazmalar tashkil etildi. Tadbir avvalidan jonliq so‘yilib, doshqozonlarda osh damlandi, bahoriy kayfiyat ulashish maqsadida sumalak qaynatildi.
Yoshlarimiz tomonidan milliy o‘yinlarimizdan arqon tortish, varrak uchirish, sport o‘yinlaridan shaxmat va shashka bo‘yicha musobaqalar tashkil etildi. Yoshlarning shijoati, oqsoqollarning duolari, ishtirokchilarning shodligi ushbu musobaqalarga yanada fayz bag‘ishladi.
Shahar madaniyat bo‘limi tomonidan tayyorlangan konsert dasturlari bayramga o‘zgacha shukuh va xush kayfiyat ulashdi.
Bu kabi tadbirlar mahalla aholisi o‘rtasida milliy qadriyatlarni keng targ‘ib qilishga, yosh avlodni ajdodlar merosiga hurmat ruhida tarbiyalashga xizmat qilib, hamjihatlik va milliy an’analarimizni yanada mustahkamlashga xizmat qilmoqda.
Ma’lumot uchun: Quvasoy shahri – Farg‘ona vodiysi tekkisligida joylashgan bo‘lib, shimoliy tomoni Farg‘ona viloyatining Quva, Toshloq tumanlari bilan, janubiy va g‘arbiy tomonlari Farg‘ona shahri va Farg‘ona tumanlari, sharqiy hududi Qirg‘iziston Respublikasining Batken viloyati Qizil-qiya shahri bilan chegaradoshdir.
Quvasoy shahrida 31 ta mahalla fuqarolar yig‘ini mavjud bo‘lib, hozirda 103 mingdan ziyod aholi istiqomat qiladi. Shundan, 56,1 % shaharda, 43,9% qishloqlarda yashaydi. Shahrimizda 15 dan ziyodroq turli millat vakillari mavjud bo‘lib, 43% dan ortig‘ini o‘zbeklar, 32,3% tojiklar, 14,5% qirg‘izlar va qolgani rus, koreys, tatar, uyg‘ur, ukrain, qozoq kabi millatlar tashkil etadi. Ushbu millat vakillari ahil va totuvlikda, bahamjihat umrguzaronlik qilmoqdalar.
Quvasoy shahar hokimligi Axborot xizmati
📱Telegram 🌐Quvasoy.uz
📱Facebook 📱YouTube
📞Murojaatlar guruhi
Bahor nafasi ufurib turgan bir paytda o‘tkazilgan ushbu bayram el-yurtni birlashtiruvchi, mehr-oqibat va birdamlikni tarannum etuvchi haqiqiy tantanaga aylandi.
Bayram tadbirida Respublika ishchi guruhi, viloyat va shahar hokimligi, korxona va tashkilotlar, mahalla faollari, nuroniylar va keng jamoatchilik vakillari ishtirok etdilar.
Bog‘bon mahallasida o‘zbek, qirg‘iz va tojik millatiga mansub xalq vakillari ahil va inoq bo‘lib yashaydilar. Xalqimiz azal-azaldan mehmondo‘st bo‘lib, millatlararo totuvlikni qadrlaydi. Buning yaqqol misoli tariqasida, bugungi tadbirda ham o‘zbek, qirg‘iz va tojik millatiga mansub jamoatchilik vakillari ushbu tadbirni ko‘tarinki kayfiyatda qarshi oldilar.
Bayram doirasida milliy urf-odatlarimiz va an’analarimizni aks ettiruvchi ko‘rgazmalar tashkil etildi. Tadbir avvalidan jonliq so‘yilib, doshqozonlarda osh damlandi, bahoriy kayfiyat ulashish maqsadida sumalak qaynatildi.
Yoshlarimiz tomonidan milliy o‘yinlarimizdan arqon tortish, varrak uchirish, sport o‘yinlaridan shaxmat va shashka bo‘yicha musobaqalar tashkil etildi. Yoshlarning shijoati, oqsoqollarning duolari, ishtirokchilarning shodligi ushbu musobaqalarga yanada fayz bag‘ishladi.
Shahar madaniyat bo‘limi tomonidan tayyorlangan konsert dasturlari bayramga o‘zgacha shukuh va xush kayfiyat ulashdi.
Bu kabi tadbirlar mahalla aholisi o‘rtasida milliy qadriyatlarni keng targ‘ib qilishga, yosh avlodni ajdodlar merosiga hurmat ruhida tarbiyalashga xizmat qilib, hamjihatlik va milliy an’analarimizni yanada mustahkamlashga xizmat qilmoqda.
Ma’lumot uchun: Quvasoy shahri – Farg‘ona vodiysi tekkisligida joylashgan bo‘lib, shimoliy tomoni Farg‘ona viloyatining Quva, Toshloq tumanlari bilan, janubiy va g‘arbiy tomonlari Farg‘ona shahri va Farg‘ona tumanlari, sharqiy hududi Qirg‘iziston Respublikasining Batken viloyati Qizil-qiya shahri bilan chegaradoshdir.
Quvasoy shahrida 31 ta mahalla fuqarolar yig‘ini mavjud bo‘lib, hozirda 103 mingdan ziyod aholi istiqomat qiladi. Shundan, 56,1 % shaharda, 43,9% qishloqlarda yashaydi. Shahrimizda 15 dan ziyodroq turli millat vakillari mavjud bo‘lib, 43% dan ortig‘ini o‘zbeklar, 32,3% tojiklar, 14,5% qirg‘izlar va qolgani rus, koreys, tatar, uyg‘ur, ukrain, qozoq kabi millatlar tashkil etadi. Ushbu millat vakillari ahil va totuvlikda, bahamjihat umrguzaronlik qilmoqdalar.
Quvasoy shahar hokimligi Axborot xizmati
📱Telegram 🌐Quvasoy.uz
📱Facebook 📱YouTube
📞Murojaatlar guruhi