Ёз ойлари эди, бир куни ярим кечаси шу атрофда катта жанжал бўлган.
Қирғизлар билан тожиклар уришибди.
Ур тўпалонда икки юздан ошиқ одам қатнашган, полиция, омончилар келиб жанжал бостирилган.
Эртаси куни ижтимоий тармоқларда тарқалган видеоларни кўриб дахшатга тушдик.
Бир неча йигит пичоқланган, бир-бирини аёвсиз калтаклаётган, бақир-чақир қилаётган одамлар.
Шу воқеалардан икки кун ўтди, дўконга бориб келаётган вақтимда уй атрофини тозалаб юрадиган икки юртдошларимизни кўриб қолдим.
Қурилишдан чиққан чиқиндиларни олиб кетиш учун тез-тез ёнимизга келиб туришади, иккови ҳам таниш бўлиб кетган бизларга.
Ҳол-аҳвол сўрашдик.
Ёши ўн тўққиз, йигирмаларда бўлган йигитнинг бир кўзи кўкарган.
-- Ие, кўзга нима бўлди полвон?-- дея сўрадим.
-- Икки кун олдин метро бекати яқинида бўлган жанжални эшитмадингизми?-- саволимга савол билан жавоб берди у.
-- Эшитдим, сизлар ҳам бормидинглар ўша жойда?
-- Бир дўстимизникига туғилган кунига бориб келаётган эдик, метродан чиқсак ур-тўпалон бўлиб ётибди.
Беш олти нафар қирғиз йигитлари ўраб олиб ура кетишди.
Сизлар ҳам тожиксизлар дейди.
Биз ўзбекмиз деб бақира бошладик.
Кўпчиликка кучимиз етмаса, қўлларида пичоқ.-- дейди кўзи кўкармаган йигит.
-- Яхшиям сал нарироқдан бир бақувват қирғиз йигит югуриб биз томонга келди, ўзбекман деяпти нега ураяпсан, тегманглар буларга, дея ажратиб қолди, бу кўз кўкариши ҳеч гап бўлмай қоларди агар,-- дея кўзини кўрсатиб кулади биринчи йигит.
-- Ярим кечаси саёқ юрмаслик керак-да, Аллоҳ асрабди осон қутилибсизлар. Кейин мингга қўйиб қочгандирсизлар у жойдан,-- дея сўрайман.
-- Тезроқ кетайлик десам, бу видеога олиб юрибди.
-- Бояги яхши йигитни таниб қолиш учун видеога олдимда, ўша йигит шериклари билан жанжални бостириш учун роса у ёқдан бу ёққа югурди,-- дейди кўзи кўкармаган йигит.
-- Полиция келиб ҳаммани уриб, қувиб ушлаб автобусларга тиқа бошлагач қочдик.
-- Қани телефонингни олчи, видеони кўрайлик,-- дедим.
Видеода кўринганлар, сўкаётганлар, бақириб кўчада у ёқдан бу ёққа югуриб юрганлар.
Баланд бўйли бир йигит камерга яқин келиб, "кет энди, ҳозир яна калтак еб қоласан, деб нари кетди.
Кўзимга жудаям таниш кўринди.
-- Қайтар шу жойини,-- дедим.
-- Бизга ёрдам берган шу одам.
Қайта кўришда яхшилаб қарадим, наҳотки деб юбордим.
Бу Олмос эди...
Бахтиёр Турсун
17.02.2025
Қирғизлар билан тожиклар уришибди.
Ур тўпалонда икки юздан ошиқ одам қатнашган, полиция, омончилар келиб жанжал бостирилган.
Эртаси куни ижтимоий тармоқларда тарқалган видеоларни кўриб дахшатга тушдик.
Бир неча йигит пичоқланган, бир-бирини аёвсиз калтаклаётган, бақир-чақир қилаётган одамлар.
Шу воқеалардан икки кун ўтди, дўконга бориб келаётган вақтимда уй атрофини тозалаб юрадиган икки юртдошларимизни кўриб қолдим.
Қурилишдан чиққан чиқиндиларни олиб кетиш учун тез-тез ёнимизга келиб туришади, иккови ҳам таниш бўлиб кетган бизларга.
Ҳол-аҳвол сўрашдик.
Ёши ўн тўққиз, йигирмаларда бўлган йигитнинг бир кўзи кўкарган.
-- Ие, кўзга нима бўлди полвон?-- дея сўрадим.
-- Икки кун олдин метро бекати яқинида бўлган жанжални эшитмадингизми?-- саволимга савол билан жавоб берди у.
-- Эшитдим, сизлар ҳам бормидинглар ўша жойда?
-- Бир дўстимизникига туғилган кунига бориб келаётган эдик, метродан чиқсак ур-тўпалон бўлиб ётибди.
Беш олти нафар қирғиз йигитлари ўраб олиб ура кетишди.
Сизлар ҳам тожиксизлар дейди.
Биз ўзбекмиз деб бақира бошладик.
Кўпчиликка кучимиз етмаса, қўлларида пичоқ.-- дейди кўзи кўкармаган йигит.
-- Яхшиям сал нарироқдан бир бақувват қирғиз йигит югуриб биз томонга келди, ўзбекман деяпти нега ураяпсан, тегманглар буларга, дея ажратиб қолди, бу кўз кўкариши ҳеч гап бўлмай қоларди агар,-- дея кўзини кўрсатиб кулади биринчи йигит.
-- Ярим кечаси саёқ юрмаслик керак-да, Аллоҳ асрабди осон қутилибсизлар. Кейин мингга қўйиб қочгандирсизлар у жойдан,-- дея сўрайман.
-- Тезроқ кетайлик десам, бу видеога олиб юрибди.
-- Бояги яхши йигитни таниб қолиш учун видеога олдимда, ўша йигит шериклари билан жанжални бостириш учун роса у ёқдан бу ёққа югурди,-- дейди кўзи кўкармаган йигит.
-- Полиция келиб ҳаммани уриб, қувиб ушлаб автобусларга тиқа бошлагач қочдик.
-- Қани телефонингни олчи, видеони кўрайлик,-- дедим.
Видеода кўринганлар, сўкаётганлар, бақириб кўчада у ёқдан бу ёққа югуриб юрганлар.
Баланд бўйли бир йигит камерга яқин келиб, "кет энди, ҳозир яна калтак еб қоласан, деб нари кетди.
Кўзимга жудаям таниш кўринди.
-- Қайтар шу жойини,-- дедим.
-- Бизга ёрдам берган шу одам.
Қайта кўришда яхшилаб қарадим, наҳотки деб юбордим.
Бу Олмос эди...
Бахтиёр Турсун
17.02.2025