Тошкентда ноқонуний қурилмалар ва реклама конструкцияларини бузиш ишлари бошланди. Хусусан, Яккасарой ва Мирзо Улуғбек туманларида ноқонуний қурилмаларни демонтаж қилиш бўйича рейдлар ўтказилди. Асосан, умумий овқатланиш жойларининг ёзги айвонлари ва ёзувлари, жумладан, «ЧайКоф», Oqtepa Lavash, Bellissimo Pizza жойларига зарар етказилди.

Giotto тармоғи асосчиси Кемаль Кая Spot нашрига 23 январь куни Мирзо Улуғбек туманида жойлашган тармоқ филиалига ўрнатилган реклама конструкцияларининг қонунийлигини текшириш мақсадида маҳаллий ҳокимият ходимлари келганини маълум қилди.

Реклама жойининг паспорти мавжуд бўлишига қарамай, кейинги куни Giotto ёзуви демонтаж қилинди ва ёзги айвонни бузиб ташлаш мумкинлиги ҳақида огоҳлантирилди.

Ўтган ҳафта бошида Тошкент шаҳар ҳокимияти ноқонуний қурилмаларни бузиш бўйича яна огоҳлантирув эълон қилди.


📌 Yangiliklarni kuzatib boring!🏙

👉 Обуна бўлинг
Telegram - qurilish_xabarlari
Instagram - qurilish_xabarlari