Бош прокурор ўринбосари С.Самадов томонидан Қорақалпоғистон Республикасида қурилишга оид давлат дастурлари, бюджет харажатларини оптималлаштириш ва бошқа долзарб топшириқлар ижроси аҳволи ўрганилмоқда.

Хусусан, Президентнинг “2025-2027 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида”ги ПҚ-454-сон Қарорига асосан жорий йилга ўтказилган объектлар кўздан кечирилиб, объектларда ишчи кучи ва махсус техникалар сонини кўпайтириш орқали жадаллаштириш, энергия тежамкор қурилиш материалларидан фойдаланиш, ишларни ўз муддатида ва сифатли якунлаш бўйича топшириқлар берилди.

Бундан ташқари, ҳудуддаги жорий йилдаги Инвестиция дастури объектларининг лойиҳа ҳужжатлари ишлаб чиқилиши қурилиш инспекцияси, эксплуатация ва экспертиза идоралари, буюртмачи ва лойиҳачи ташкилотлар масъуллари иштирокида муҳокама қилиниб, лойиҳа ҳужжатлари ишлаб чиқилишида ортиқча иш ҳажмларини киритмаслик, энергия тежамкор ускуналардан фойдаланиш, лойиҳаларни шаҳарсозлик нормалари қоидалари талабларига асосан ва ҳудуд аҳволидан келиб чиққан ҳолда ишлаб чиқиш бўйича тавсия ва кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook