Солиқ, божхона ва банк ходимлари, ҳоким ўринбосари ҳамда тадбиркорлардан иборат уюшган жиноий гуруҳ фаолияти фош этилибди

Жиноятчиларнинг 17 нафари солиқ идораси ходимлари, 1 нафари божхона ходими, 1 нафари банк ходими, 1 нафари туман ҳокимининг биринчи ўринбосари, 18 нафари тадбиркорлардан иборат бўлган.

Улар 2020—2023-йилларда 8 та сохта корхона ташкил қилган бўлиб, аслида хорижга экспорт қилинмаган, ҳужжатда эса қилингани айтилган мебел маҳсулотлари учун ҚҚС қайтариш схемаси орқали 24,58 млрд сўм бюджет маблағлари талон-торож қилган.

Суд қарори билан 38 нафар судланувчи устидан суд ҳукми чиқарилди. 14 нафари 5 йил 6 ойдан 7 йил 6 ойгача  озодликдан маҳрум қилинган.