Xorazm sudlarida adolat topmagan fuqaro jurnalistlar “eshigini qoqdi”, odatiy hol bu
Xorazmda Oʻzbekistonda deyarli har kuni sodir boʻladigan, koʻplab oʻzbekistonliklarning koʻraverib koʻzi oʻrganib ketgan YTH roʻy berdi. “Oʻpkasini qoʻltiqlagan” Damas haydovchisi tezlikni oshirib, dovdiraganidanmi yoki boshqa sababmi yoʻlida toʻgʻri kelayotgan Trecker’ga urilgan. Haydovchi zoti borki, YTH “isi” keldimi oʻzi tomonni olib qochib, yoʻlovchi oʻtirgan tomonni uradi. Oʻlsa ham yoʻlovchi oʻlsin deydi, shekilli. Bu YTHda ham damaschi xuddi shunday yoʻl tutgan. Oqibatda mashinaning old tomonida oʻtirgan ikki kishidan birining sakkizta joyi sinib, mustaqil oʻzi yurolmaydigan boʻlib qoldi. Birining esa shunchaki boshi lat yedi.
Sudda rulda kim boʻlgan degan savol oʻrtaga chiqdi. Tergov xulosasida sakkizta joyi singan, yurolmay qolgan yigit rulda boʻlgan degan xulosaga kelinganligi uchun mahkama ham shu xulosani ilgari surdi. Suddagi guvohlardan biri, tagʻinam IIB xodimi mashina oldida boʻlganlardan biri mashina “torpeda”siga qisilib qolgani uchun amallab tortib oldik, oʻsha yigit koʻk shim va krossovkada edi desa-da, sud eshitmaslikka, bilmaslikka olibdi. Xullas, sakkizta joyi sinib, yurolmay qolgan fuqaro rulda boʻlgan, YTHning asosiy aybdori deb topilib, jazolanibdi.
Murojaatchi ota esa hayron: Oʻgʻli bunday koʻrsatma bermagan boʻlsa, guvohlar boshqacha gapirgan boʻlsa, tagʻinam YTHdan olingan jarohatlar tergovchi va sud xulosasi bilan toʻgʻri kelmayotgan boʻlsa, nega oʻgʻlim aybdor boʻlib qoldi deb?
Toʻgʻri, Oʻzbekiston sudlarida har ne boʻlishi mumkin. Sud prokurorsiz oʻtishi, sud avvalida sudlov hayʼati va prokuror pichirlashishi, koʻcha sudini yoritgan jurnalist javobgar qilinishi, koʻrilayotgan ish yakuniga yetay deganda sudlov hayʼati tarkibining oʻzgarishi, sud raisini sobiq yordamchisi sudga berishi, viloyat sudi raisi oʻrinbosari birovning uyini soxta hujjatlar bilan sotib yuborishi mumkin.
Xorazmda Oʻzbekistonda deyarli har kuni sodir boʻladigan, koʻplab oʻzbekistonliklarning koʻraverib koʻzi oʻrganib ketgan YTH roʻy berdi. “Oʻpkasini qoʻltiqlagan” Damas haydovchisi tezlikni oshirib, dovdiraganidanmi yoki boshqa sababmi yoʻlida toʻgʻri kelayotgan Trecker’ga urilgan. Haydovchi zoti borki, YTH “isi” keldimi oʻzi tomonni olib qochib, yoʻlovchi oʻtirgan tomonni uradi. Oʻlsa ham yoʻlovchi oʻlsin deydi, shekilli. Bu YTHda ham damaschi xuddi shunday yoʻl tutgan. Oqibatda mashinaning old tomonida oʻtirgan ikki kishidan birining sakkizta joyi sinib, mustaqil oʻzi yurolmaydigan boʻlib qoldi. Birining esa shunchaki boshi lat yedi.
Sudda rulda kim boʻlgan degan savol oʻrtaga chiqdi. Tergov xulosasida sakkizta joyi singan, yurolmay qolgan yigit rulda boʻlgan degan xulosaga kelinganligi uchun mahkama ham shu xulosani ilgari surdi. Suddagi guvohlardan biri, tagʻinam IIB xodimi mashina oldida boʻlganlardan biri mashina “torpeda”siga qisilib qolgani uchun amallab tortib oldik, oʻsha yigit koʻk shim va krossovkada edi desa-da, sud eshitmaslikka, bilmaslikka olibdi. Xullas, sakkizta joyi sinib, yurolmay qolgan fuqaro rulda boʻlgan, YTHning asosiy aybdori deb topilib, jazolanibdi.
Murojaatchi ota esa hayron: Oʻgʻli bunday koʻrsatma bermagan boʻlsa, guvohlar boshqacha gapirgan boʻlsa, tagʻinam YTHdan olingan jarohatlar tergovchi va sud xulosasi bilan toʻgʻri kelmayotgan boʻlsa, nega oʻgʻlim aybdor boʻlib qoldi deb?
Toʻgʻri, Oʻzbekiston sudlarida har ne boʻlishi mumkin. Sud prokurorsiz oʻtishi, sud avvalida sudlov hayʼati va prokuror pichirlashishi, koʻcha sudini yoritgan jurnalist javobgar qilinishi, koʻrilayotgan ish yakuniga yetay deganda sudlov hayʼati tarkibining oʻzgarishi, sud raisini sobiq yordamchisi sudga berishi, viloyat sudi raisi oʻrinbosari birovning uyini soxta hujjatlar bilan sotib yuborishi mumkin.