Sevgi va Suitsid👤 Yaqinda quloqqa yetgan bir og‘ir xabar - meditsina fakultetida o‘qiydigan qizning sevgi tufayli suitsid qilgani, yuraklarni ezib yubordi. Bu kabi voqealar bizni nafaqat chuqur qayg‘uga soladi, balki jamiyatimizdagi sevgi, munosabatlar va ruhiy salomatlik masalalariga bo‘lgan noto‘g‘ri qarashlarni ham ochib beradi.
❓ Bu hodisa ko‘plab savollarni keltirib chiqaradi:
Sevgi qanchalik kuchli bo‘lishi mumkin?
Bu hislar insonni o‘z hayotidan kechishga qanday undaydi?
Bizning jamiyatimizda bunday fojealarni oldini olish uchun qanday chora-tadbirlar kerak?
❗️ Sevgi - insoniyatning eng ulug‘ his-tuyg‘ularidan biri. Ammo, sevgi o‘z mohiyatida hech qachon insonni sinishi yoki o‘z hayotidan voz kechishiga olib kelmasligi kerak. Sevgi insonni ko‘tarishi, yuksaltirishi lozim, uni vayron qilmasligi kerak. Afsuski, biz sevgi tushunchasini noto‘g‘ri qabul qilganimizda yoki yondashganimizda, u zararli shaklga aylanib qolishi mumkin. Sevgi hech qachon insonni o‘z hayotidan voz kechishga undamasligi lozim, aksincha, unga kuch va yashashga umid berishi kerak.
✅ Ko‘pincha bunday fojealarda asosiy sabab sifatida sevgi yoki munosabatlar ko‘rsatiladi. Ammo haqiqat shuki, inson suitsid qaroriga kelguncha ko‘plab omillar ta’sir ko‘rsatadi. Balki bu voqea orqasida sevgi masalasi eng ko‘zga tashlangan bo‘lishi mumkin, ammo uning asl sabablari yanada chuqurroq - oilaviy muammolar, atrof-muhitning bosimi, o‘zini tushunarsiz yoki yolg‘iz his qilish kabi boshqa omillarda yotishi mumkin.
👤 Oilaviy muhit va ijtimoiy bosim ko‘pincha inson ruhiy holatiga katta ta’sir qiladi. Agar inson oilada qo‘llab-quvvatlanmasa, uning hissiyotlariga, o‘zini ifodalashiga e’tibor berilmasa yoki doimiy tanqid va bosim ostida bo‘lsa, u o‘zini ojiz va umidsiz his qilishi mumkin. Jamiyatimizda ko‘p hollarda odamlardan yuqori talablar va kutilmalar bo‘ladi. Ayniqsa, yoshlar uchun oilaviy munosabatlar, o‘qishdagi muvaffaqiyatlar va atrof-muhitning tazyiqi kuchli bo‘lishi mumkin. Bu tazyiqlar insonni ich-ichidan yemiradi, natijada ular chiqish yo‘lini topa olmay, eng og‘ir qarorga kelishi mumkin.
🙋 Bu qizning hayoti yarim yo‘lda to‘xtadi, va bu ko‘ngilsiz hodisa ko‘plab oilalar va do‘stlar uchun katta qayg‘u bo‘lib qoldi. Shuni yodda tutingki, hayot qanchalik og‘ir bo‘lmasin, har doim yordam va yechim bor.
P/s: Inson hayoti bebaho.
