“Dok-1 Maks” иши бўйича навбатдаги суд мажлисида Қорақалпоғистон республикасидан келган жабрланувчилар кўрсатма берибди.

Мажлисда вафот этган болаларнинг соғлом ўйнаб юрган вақтидаги видео ва расмлари ҳам намойиш этилган. Шу болаларнинг қотиллари нима ҳис қилаётган экан тасвирларни кўриб?

Ота-оналарнинг кўрсатмаларидан баъзи жойларини ёзиб олдим. Улар чекаётган ғамни ҳеч нарса билан ўлчаб бўлмайди. Ўзи сабр берсин.

“Энг оғир жазо беришингизни сўрайман. Гўдакларни ўлдириб ўтирибди улар…
Ўғлим вафот этди. Соғлиғимга боғлиқ бошқа фарзандли бўлолмайман…”

“Диализда фильтр аппарат етишмас экан. Россиядаги танишлар орқали олдирдик. Битта фильтрни қайта ишлатган вақтлар ҳам бўлди. Мен ўзим 5 млрд моддий даъво сўрайман. Куладими — бизга фарқи йўқ. Мен бу суммани уларга жазо сифатида сўрайман. Шу пулни топиб беролмай, қийналишини истайман.

“Ҳеч қандай пул болани қайтаролмайди. Айбдорларга қатъий жазо берилсин. Энг оғир колонияда жазони ўташини талаб қиламан…”

“Уч кун боламнинг ҳамма жойидан: оғзидан, бурнидан, қулоғидан қон келди. 12 декабрда вафот этди…”

Шу ишга алоқадор бўлиб судланаётган, судланмаётган ҳамма айбдорларнинг жазосини берсин Худо. Энг ёмон қарғишларим шу одамларга.