PsixoPAT / Psixolog blogi

Maqtanchoqlikni to‘xtataylik

Quyida Angliyada o‘qiyotgan o‘zbekistonlik talabaning ta’lim tizimimiz haqidagi fikrlari bilan tanishamiz.

London haqida qisqacha:
Bu yerda tili burro, tadbir uyushtirib "faol" bo‘lganlar bir tiyin ekan.

Men hindlar va xitoy, koreys va yapon talabalarini ko‘rib maktabdagi olgan bilimlariga tan beryapman.
Xullas, men shunchaki bo‘m-bo‘sh miya bilan magistraturaga kelib qolibman. Masalan, guruhdagi hamma matematikani “yirtvoradi”. Siz o‘ylagan darajada emas, yaxshi biladi degani ham emas, bular rostdan "yirtvoradi". Ular maktablarida shunaqa tenglamalarni o‘rganib kelishganki, men ularga haliyam yeta olmayapman.

Kompyuterni, ofis dasturlarini, har xil programmalar va dasturlashni o‘zimcha yaxshi bilaman desam, butun guruh, ha, ishoning, har biri mendan yaxshi biladi.
Dunyoqarash jihatidan ham biz Markaziy Osiyo talabalari oqsoq ekanmiz. Ular shunaqangi dunyo tanigan brendlarni egalaridan tortib, ular nima ishlab chiqaradi-yu, qaysi mahsuloti yaxshi ekanini bilishadi. Men bo‘lsa haliyam kofe turlarining farqiga bormayman.

Siz o‘zingizni O‘zbekistonda turib "kelajak bizniki, shu turishimda O‘zbekistonni dunyoga tanitaman", demang. Men shunaqa deb xato qilganimni bildim. Biz rostdan yurtimizni yuqoriga olib chiqmoqchi bo‘lsak, rostdan o‘qishimiz kerak.

Londonga kelib bildim. Biz orqada ekanmiz, ko‘p sohada. Davlat siyosati yoki iqtisodiy nuqtai nazardan emas, oddiy maktabdagi asosiy fanlar ko‘nikmalaridan ularni amaliyotga tatbiqigacha.

Bizni yana eng katta aybimiz bu – nomzodlarga katta rag‘batlar berishimiz. Misol uchun: bizning Navoiy, Beruniy va Zulfiyani olayotgan bolalar kelib Nyu-York, London, Tokio yoki shunga o‘xshagan shaharlardagi biznes markazlardan yuqori lavozim tugul qabulxonaga ham ishga kira olmaydi. Nega?

Chunki u yerda bizdagi "faol talaba"dan oldin hind yoki xitoylik ishga topshirib bo‘lgan. Undan ustun bo‘lish uchun "kompaniyam faxrim" degan video yasab kelsangiz ham o‘tmaydi.

Bu yerda, ya’ni Londonda yaxshi ofis ishiga kirishingiz osmono‘par binoda ishlashingiz uchun rostakam yuzma-yuz intervyu bo‘ladi. Ular sizdan yutuqlaringizni umuman so‘ramaydi. Ular sizdan ilm so‘raydi. Ularga sizning ikkita maqola orqali har kimga beriladigan Qozog‘istonning xususiy ko‘krak nishonlari bir tiyin. Ularga ilmli odam kerak.

Xulosa: Bu fikrlar hech kimga qaratilmagan. Lekin ko‘zimizni ochishimiz kerak. Dunyo miqyosida bizning talabalar ancha ortda. Sizdan iltimos, "men eng faol, eng zo‘r talabaman" demang. Angliyada siz-u biz nazarga ilmaydigan mamlakatlardan kelganlarning ilmi ancha yuqori, o‘sha odamlar sizning va bizning kelajakdagi ish joylarimizni egallab, qo‘limizdan olib bo‘lishmoqda.
O‘qing, birodar...

Londondan Ahmadjon O‘rinov

Facebook | Instagram | @vatandosh_tv | Youtube

Rancho o‘z stilida blog yuritishni boshlabdi...

Hozirgi Zakovat Intellektual o‘yinining asosiy figuralaridan biri,  ukam Bahodir Anorov

@hammasiyaxshi_rancho

"Kattalar illatlari qurboni boʻlgan bolalar"

Mixail Shamyakin, 2001.

Kompozitsiya markazida koʻzlari bogʻlangan ikki bola va ularning oyoqlari orasida Pushkinning kitoblari bor. Bolalar figuralari atrofida antropomorfik hayvonlar:

1. Narkomaniya – Qanoti singan shpritsli erkak.

2. Fohishalik – Qurbaqa boshli ayol.

3. Oʻgʻrilik – Qopchada pul olib ketayotgan toʻngʻiz.

4. Alkogolizm – Bochka ustidagi Baxus.

5. Jaholat – eshak.

6. "Soxta" olim – Dubulgʻa kiygan Femida.

7. Zoʻravonlik – qurol sotuvchi.

8. Sadizm – karkidon.

9. Bolalar ekspluatatsiyasi – qush boshli odam.

10. Qashshoqlik – sadaqa soʻragan kampir.

11. Urush – Mikki Maus va bomba ushlab turgan ritsar.

12. Befarqlik – eshitmaydigan va koʻrmaydigan, tanasi sarkofagga oʻxshaydigan haykal.

🎨 ZakovArt

Япониялик ихтирочилар одамлар учун ювуниш машинасини ишлаб чиқишди: Mirai Ningen Sentakuki деб номланувчи кир ювиш машинаси одамни ҳар томондан ювиб, кейин қуритади.

Одам машинанинг ичига кириб ўтирса бас, кейин ҳаммасини автоматика бажаради: тизим тананинг ифлослик даражасини аниқлайди, сувнинг босими ва ҳароратини танлайди, ҳатто ювиш усулини ҳам белгилайди.

Одам зерикиб қолмаслиги учун ичида фильмлар ёки YouTube ни кўриш мумкин бўлган экран ҳам бор.

Айнан шундай келажакни кутиб яшаган эдик 👍😁😁

Феде Вальверде:

Уругвайда ҳаёт бошқача. Қийинчилик қонимизда бор. Биз қашшоқ эдик демайман, кўпроқ ота-онам меҳнаткаш эди, дейман.
Дадам қўриқчи бўлиб ишлаган. Онам эса бозорда кўчма аравада кийим-кечак ва ўйинчоқлар сотар эди. Ҳали ҳам улкан қутилар билан савдо аравасини кўча бўйлаб туртаётганида чиқадиган ғилдиракларнинг шовқини қулоғимда. Буни фақат Халк(Суперқаҳрамон) қилиши мумкиндек туюларди, лекин бу менинг кичик, ожиз онам эди! Менмас, у ҳақиқий жангчи эди. Қайси об-ҳаво бўлмасин — иссиқда, совуқда, ёмғирда — у аравасини бозорга етказар эди.

Баъзан мен у билан бориб, қутиларнинг устида машиналарни кузатар эдим, унинг қандай қийинчилик кўраётганини англамасдим. Энг ёмони, узоқ иш кунидан сўнг кийимларни йиғиш, ҳаммасини қадоқлаш ва аравада уйга қайтиш керак бўларди. Кейин тушлик тайёрлаш, кирларни ювиш… Тасаввур қилинг, онам, у! Ҳақиқий қаҳрамон.

Мен ота-онамнинг 24 соат ишлаганини кўрдим. Бу осон эмас эди. Улар менга яхши пойабзал олиб беришди, энг яхши имкониятларни яратишди, ҳатто такси пули тўлашди, мен машқ қилишим учун, ёмғирда, совуқда қолиб кетмаслигим учун.

Мен улардан жуда миннатдорман!

Онаизор ҳамма жойда бир хил..

📱 @xayrull_hamidov

Сизга телеграмнинг премиум обунаси тақдим этилди — Фирибгарлар

Кўпчилик танишлардан телеграм тармоғи орқали шу маънодаги хабарлар келмоқда.

Хабарни кўрганлар уни ҳақиқий деб ўйлашлари мумкин. Чунки у ерда совғани фаоллаштириш лозим бўлган линкда Telegram Premium канали линки кўрсатилган.

⚠️ Бироқ шошмасдан линкни устинга босиб турсангиз, у ерда аниқ қаерга йўналтирувчи линк эканлиги кўринади (расмда).

Шундай шубҳали хабарлар келганида шошманг. Юқоридаги каби ҳаволаларга киришингиз оқибатида фирибгарлар тўрига илинишингиз ва шахсий маълумотларингиз ўғирланишига йўл очиб беришингиз мумкин.

@bankmijoz

Гайана 18 ёшдан ошган ҳар бир фуқаросига 100 мингдан гайана доллари бермоқчи

Гайана ўзининг улкан нефть даромадлари туфайли ҳар бир 18 ёшдан катта фуқаросига 100,000 гайана доллари (тахминан 5,200,000 сўм) миқдорида бир марталик пул ёрдами беришга қарор қилди. Бу чора аввал эълон қилинган ҳар бир хонадонга 200,000 G$ тўлаш режасини алмаштирди. Сабаби, хонадон тушунчасини аниқлаш мураккабликларига олиб келган ва кўплаб одамларнинг ёрдамдан четда қолиш хавотирлари юзага келган эди.

Гайананинг иқтисодиёти нефть соҳасидаги ўсиш туфайли улкан сакрашни бошдан кечиряпти. 2023 йилда мамлакат ЯИМ 62% га ўсди, бу уни дунёнинг энг тез ривожланаётган иқтисодиётларидан бирига айлантирди. Гайананинг нефть захиралари 11 миллиард баррелга баҳоланяпти, бу уни дунёдаги энг йирик нефть қазиб олувчи давлатлар қаторига қўшади.

Маҳаллий мухолифат бу тўловларни мунтазам қилишни таклиф қиляпти, чунки нефть даромадлари барқарор равишда келиб тушяпти. Ҳукумат, шунингдек, давлат университетлари ва техник коллежларда таълим учун тўловларни бекор қилиш, озиқ-овқат ва бошқа асосий маҳсулотларга ҚҚСни йўқ қилиш ва ёқилғи акцизларини пасайтириш каби чораларни амалга оширяпти.

Президент Ирфон Али бу чоралар фуқароларнинг ҳаётини яхшилаш ва бойликни адолатли тақсимлашга қаратилганини таъкидлади. Бу нафақат иқтисодий ўсиш, балки ижтимоий барқарорликни таъминлашга ҳам хизмат қилиши айтиляпти.

🧠@nurbekalimov