☄️Се нафар бар асари фурӯравии замин дар кони "Фон-Яғноб" ҷони худро аз даст доданд

17-уми январ, дар кони ангишти "Фон-Яғноб"-и ноҳияи Айнӣ, фурӯравии замин боиси ҳалокати се корманд гардид. Дар ин бора Кумитаи ҳолатҳои фавқулода хабар медиҳад.

Тибқи маълумоти расмӣ, ҷабрдидагон 47, 42 ва 41 сол дошта, ҳангоми ҳодиса дар дохили кон кор мекарданд. Айни ҳол маълум нест, ки онҳо аз кадом минтақаи кишвар буданд.

Ҷасадҳои ҳалокшудагон ба беморхонаи ноҳияи Айнӣ интиқол дода шудаанд. Сабабҳои рух додани ин фоҷиа аз ҷониби мақомот таҳқиқ шуда истодаанд.