Шимолий Корея бугун, 14 январь куни Япон денгизи томон бир нечта қисқа масофали баллистик ракеталарни учирди. Бу ҳақда Жанубий Кореянинг “Yonhap” AA хабар берди.
Штаб бошлиқларининг бирлашган қўмитаси (JCS) маълумотларига кўра, учирма маҳаллий вақт билан тахминан соат 9:30 да Чагандо провинцияси Канге шаҳри ҳудудида қайд этилган. Ракеталар денгизга тушишдан олдин тахминан 250 километр учган. Жанубий Корея ҳарбийлари КХДР томонидан учирилган ракеталар сонига аниқлик киритмаган ва ушбу ҳолатни Пхеньяннинг навбатдаги провокацияси сифатида баҳоламоқда.Postfactum.uz | Telegram | Instagram |Facebook