Jondor tuman hokimi Jamshid Xudoevning O‘zbekiston Respublikasi Konstitutsiyasining 32 yilligi munosabati bilan bayram tabrigi
Qadrli tumandoshlar!
Avvalo, Siz azizlarni, Jondor ahlini O‘zbekiston Respublikasi Konstitutsiyasining 32 yilligi munosabati bilan samimiy muborakbod etaman.
Mamlakatimiz bosib o‘tgan g‘oyat murakkab va sharafli yo‘l Bosh qomusimizning hayotbaxsh kuchi va ulkan salohiyatidan dalolat beradi.
Muhtaram Yurtboshimiz Shavkat Mirziyoev tomonidan ilgari surilayotgan xalq bilan doimiy muloqotda bo‘lish, odamlarning tashvish-muammolarini hal etish, ularni rozi qilish-faoliyatimiz mezoniga aylanmoqda.
Boshlagan ulkan islohotlarimizni samarali amalga oshirishda ushbu masalalarning ahamiyati kun sayin tobora ortib borayotganini hayotning o‘zi ko‘rsatmoqda.
Aynan shu sababli Bosh qonunimizni chuqur o‘rganish, anglash, hayotga joriy etish va unga so‘zsiz amal qilish – barchamizning sharafli burchimizdir.
Aziz tumandoshlar!
Asosiy Qomusimizda belgilangan barcha hayotiy tamoyillar mana shu yurtning yorqin istiqboli, fuqarolarning millati, tili, dini, ijtimoiy kelib chiqishidan qat’iy nazar, teng huquqli yashashiga xizmat qilishi bilan dunyo hamjamiyatida o‘zining yuqori bahosini olmoqda. Bu borada, Konstitutsiyamizda fuqarolarning ijtimoiy-siyosiy huquq va erkinliklari mustahkam kafolatlangan.
Mamlakatimizda olib borilayotgan izchil siyosat zamirida jamiyatimizda insonparvarlikka asoslangan tartib-qoidalarning ustuvor bo‘lishi, odamlarning og‘irini yengil qilish, dardiga malham bo‘lish, har bir fuqaroning haq-huquqlarini ta’minlashga qaratilgan ustuvor vazifalar turibdi.
Zero, xalqimizning farovon hayot kechirishi uchun munosib sharoit yaratish – Konstitutsiyamizning bosh maqsadidir.
Qadrli do‘stlar!
Konstitutsiya va qonun ustuvorligi hamda qonuniylik tamoyillarining so‘zsiz ta’minlanishi inson huquq va erkinliklarini himoya qilishning muhim kafolatidir. Biz bu fikrni yanada teran anglab olishimiz kerak.
Shu nuqtai nazardan, Konstitutsiya hamda qonun talablariga og‘ishmay amal qilish ma’naviy saviyamiz, madaniyatimizning asosiy mezoniga aylanishi shart.
Aziz yurtdoshlar!
Sizlarni yana bir bor, Bosh Qomusimiz – O‘zbekiston Respublikasi Konstitutsiyasi qabul qilinganligining 32 yilligi bayrami bilan qutlar ekanman, barchangizga mustahkam sog‘lik, oilangizga tinchlik, ezgu ishlaringiz va tashabbuslaringiz ro‘yobida muvaffaqiyatlar yor bo‘lishini tilayman!
https://t.me/jondortuman
