Oson Marketing

Nega qizil rang sizga CocaCola'ni eslatadi?

Brendbook — bu kompaniyaning brendi va identifikatsiyasini tavsiflovchi hujjat yoki qo‘llanma bo‘lib, unda brendning asosiy elementlari, dizayn qoidalari va korporativ tamoyillari aniq belgilab beriladi.

Tushunarsiz-a? Keling jaydaricha tushintiriman:

Coca-Cola’ni hammamiz bilamiz. Uni har joyda qanday qilib bir qarashda taniymiz? Chunki ular har doim bir xil ko‘rinadi: logotipi qizil va oq, shishasi o‘zgacha shaklda, va reklamalari doimo quvnoq va baxtli odamlarni ko‘rsatadi. Coca-Cola bu narsalarni hech qachon o‘zgartirmaydi.

Brendbuk kompaniyaning "konstitutsiyasi" bo‘lib, Coca-Cola kompaniyasiga har joyda bir xil ko‘rinib turishga yordam beradi. Ular logotip qanday bo‘lishi, qanday ranglardan foydalanishlari va qanday "message" berish kerakligini aniq qilib yozib qo‘yishgan.

Brendbook kompaniyaning marketing materiallarini bir xil uslubda tayyorlashni ta’minlash va brendning bir xillikda saqlanishi uchun muhimdir. Buni ayniqsa, dizayner va kopirayterlar yaxshi tushunadi😉

@oson_marketing - 1000$ lik kursdan yaxshiroq!

Buyuk maqsadlar uchun kechasi 12 gacha ishlasang ham arziydi - o‘zim

*tez orada zo'r yangiligim bor, oz qoldi

Ishni nimadan boshlashingiz kerak?

Marketolog lavozimida ishni boshlaganingizda, kompaniya faoliyatini chuqur tahlil qilib, bozorda muvaffaqiyat qozonishingiz uchun quyidagi bosqichlar ish jarayonining asosiy qadamlaridan hisoblanadi:

1. Marketing tadqiqoti: Bozordagi o‘rningizni, raqobatchilarni va tendensiyalarni o‘rganing.

2. Marketing tahlili (PESTEL, SWOT, BCG): Tashqi omillar va kompaniya ichki kuchli va kuchsiz jihatlarini tahlil qiling.

3. Maqsadli auditoriya: Potensial mijozlarni aniqlab, ularning ehtiyoj va motivatsiyalarini o'rganing.

4. Customer Journey Map (CJM): Mijoz tajribasini tahlil qilish va uni optimallashtirish uchun CJM yarating.

5. Marketing strategiyasi: Aniq maqsad va yo‘nalishlarni belgilash orqali reklama va savdo rejasini ishlab chiqing.

6. Brend platformasi: Kompaniya qadriyatlari va maqsadlarini belgilovchi brend asoslarini yarating.

7. Media reja: Marketing strategiyasiga asoslanib, aniq media-rejani ishlab chiqish kerak. Bu reja bo‘yicha qaysi kanallarda (ijtimoiy tarmoqlar, internet reklama, TV va radio, tashqi reklama) va qachon kontentlar chiqarilishi, ularning ko‘lami va xarajatlari rejalashtiriladi.

Qaysi bosqich sizga tushunarsiz bo'ldi yoki ko'proq ma'lumot olmoqchisiz, izohlarda yozib qoldiring.

@oson_marketing - 1000$ lik kursdan yaxshiroq!

Salkam bir haftadan beri post qo'ymabman. Sababi nima?

Yangi marketing strategiya tuzayotgan edim. Qanaqa proyekt bo'yicha?

7-20 yosh oralig'idagi yoshlarga Londonda 12 kunlik ta'til va sayohat dasturi uchun. O'rtacha chek qancha?

O'rtacha chek har bir bola uchun 4000$ atrofida. Qabul uchun deadline qachon?

Ta'til 27-dekabrdan boshlanadi. O'rtada viza masalalari borligi sababli, qabul muddati 5-dekabrgacha. Hozirgacha mijoz topishda qanday strategiya bilan ishlangan?

Xususiy maktablar bilan shartnoma tuzilgan. O'quvchilar uchun dastur presentatsiyasi o'tib berilgan. Instagram target orqali ham ishlangan.

Mijozlarimizning 95%i hamkor maktablardan, 5%i self ya'ni target yoki boshqa reklamalar orqali kelishgan. Yangi strategiya uchun maqsad nima edi?

Self mijozlarni ko'paytirish. Shu bilan birga yanada ko'plab xususiy maktablar bilan hamkorlikni yo'lga qo'yish. Yangi strategiya qanday bo'ldi?

20 ta 🔥 reaksiyadan keyin yozaman.

Siz qanday strategiya qilgan bo'lardingiz? Izohlarda yozing.

@oson_marketing - 1000$ lik kursdan yaxshiroq!

Ular birgalikda muvaffaqiyatli strategiya yaratadi.

4P kontseptsiyasi yoki marketing miks samarali marketing strategiyasining asosiy elementlari hisoblanadi.

4P deyilishiga sabab, so'zlarning boshi P harfi bilan boshlanishida:
1. Product (Mahsulot)
2. Price (Narx)
3. Place (Joy)
4. Promotion (Reklama)

Mahsulot (Product) – iste’molchilarga nima taklif qilinayotganini anglatadi.

Narx (Price) – mahsulot qiymati va mijoz ega bo'ladigan qiymatni belgilaydi.

Joylashuv (Place) – mahsulotni to‘g‘ri vaqtda va joyda iste’molchiga yetkazish jarayoni.

Reklama (Promotion) – mahsulot yoki xizmat haqida iste’molchilarni xabardor qilish va ularni xarid qilishga undash.

Har bir element alohida ahamiyatga ega, ammo ular birgalikda muvaffaqiyatli strategiya yaratadi.

Undan tashqari 7P, 11P kabi konseptsiyalar ham mavjud. Ular haqida post chiqishini xohlasangiz olovchalarni (🔥) kutaman.

@oson_marketing - 1000$ lik kursdan yaxshiroq!

Menejment – bu kundalik ish jarayonlarini samarali boshqarish va ularning uzluksiz ishlashini ta’minlashdir.

Top menejer vazifalarni to‘g‘ri taqsimlay oladigan va jamoa a’zolarining harakatlari uchun javobgarlikni talab qila oladigan insondir.

Menejer bo'lishingiz uchun qanday sifatlarga ega bo'lishingiz kerak?

Rejalashtirish qobiliyati: jamoangizning ish faoliyatini baholab, zarur resurslar mavjudligini tekshirish va kelajakdagi ehtiyojlarni oldindan rejalashtirishingiz kerak bo‘ladi.

Xodimlarga e’tibor: xodimlaringizning ehtiyojlarini tinglang va ularni hal qilishga harakat qiling. Ularni qaror qabul qilishiga imkon yarating.

Jarayonlar boshqaruvi: tashkilot ichida ish qanday amalga oshirilishi kerakligi bo‘yicha standartlarni ishlab chiqing va ularni joriy qiling.

Lider ajoyib menejer bo‘lishi mumkin, lekin har bir menejer ham yaxshi lider bo‘lavermaydi.

Kimdir yaxshi menejer bo‘lishi mumkin, hatto liderlik qobiliyatiga ega bo‘lmasa ham, lekin yaxshi lider bo‘lish uchun menejerlik qobiliyatlariga ega bo‘lish muhim.

Bu ikki ko‘nikma bir-birini to‘ldiradi: liderlik yo‘nalish va motivatsiya bersa, menejment shu maqsadlarga samarali tarzda erishishni ta’minlaydi.

Keyingi postlarda liderlikni o'zlashtirish bo'yicha keyslar va real misollar berib o'taman. Sizdan esa 🔥 kutaman)

@oson_marketing - 1000$ lik kursdan yaxshiroq!

Lidermisiz yoki menejer?

Liderlar jamoani boshqarish bilan birga ularni ilhomlantiradi hamda ijobiy ish muhitini yaratadi.

Menejerlar esa kundalik jarayonlarni o'z o'rnida yuritib, qilinishi kerak bo'lgan jarayonlarni amalga oshiradi.

Samarali liderlik va menejmentning uyg'unligi biznes o'sishining asosiy omilidir.

Har bir boshqaruvchi ham yaxshi menejer, ham kuchli lider bo'lishi kerak. Bu xodimlarni bir maqsad sari qo'llab-quvvatlashga yordam beradi.

Lider boshqalarni sizning g'oyalaringizni tushunishga, ularga ishonishga va maqsadlaringizga erishishda birgalikda ishlashga undaydi.

Lider boshqalarga motivatsiya beruvchi, qaror qabul qilishda aniq va maqsadli, ishonchli hamda malakali bo'ladi.

Menejer — vazifalarni to'g'ri taqsimlay oladigan va jamoa a'zolarini o'z ishlaridan mas'uliyatli bo'lishini ta'minlay oladigan shaxsdir.

Keyingi postda menejer va liderning vazifalarini birma-bir sanab o'tamiz.

Nima deb o'ylaysiz, siz lidermisiz yoki menejer?

@oson_marketing - 1000$ lik kursdan yaxshiroq!

Ish suhbatidan o'tish uchun oltin qoidalar

• Resumeyingizni did bilan bezating;

• Intizomli bo'ling va suhbatga o'z vaqtida yoki 10 daqiqa oldin yetib keling;

• Chiroyli va estetik ko'rinishga ega bo'ling;

• Hayajonlanmang, asabiylashmang va xotirjamlik bilan aniq va tushunarli gapiring;

• O'zingiz bilan rezyumeyingizni bir nechta nusxasini olib keling;

• Suhbatdan oldin internetdan kompaniya haqidagi ma'lumotlarni o'qing, biling va insaytlar oling;

• Suhbatda kompaniya faoliyati haqida ma'lumotga ega ekanligingizni ko'rsating va qanday g'oyalaringiz bor, qanday yaxshilasa bo'ladi kabi fikrlaringizni bildiring;

• Suhbatdan oldin qancha haq olmoqchiligingiz va minimal ish haqi miqdorini o'zingiz uchun belgilab oling;

• Kompaniyaga qanday foyda keltira olasiz, aytib o'ting;

• Avvalgi ish joyingiz, rahbarlaringiz va hamkasblaringizni tanqid qilmang va ular to'g'risida yomon gaplarni gapirmang;

• Ish bilan bog'liq shartlar sizni qoniqtirsa ham, o'ylab ko'rish uchun, 1 kun muhlat oling. Chunki, ish qisqa muddatli jarayon emas, kamida 2-3 yilni maqsad qiling;

• O'zingizni munosib tarzda tuting, lekin haddan ortiq mag'rur bo'lib ketmang;

Ushbu ko'nikmalar orqali yangi ishli bo'lishingiz aniq!

@oson_marketing - 1000$ lik kursdan yaxshiroq!

Barcha bilishi kerak bo'lgan universal ko'nikmalar (2-qism)

• Biror kimning shaxsan yuziga aytolmaydigan gaplaringizni uning ortidan gapirib yurmang. Aks holda, boshqalarni sizga bo'lgan ishonchini yo'qotasiz.

• Subordinatsiyani saqlang. Ish muhitida qarindoshchilik, do'stlar va yaqinlar kabi tushunchalarni yo'qoting. Vazifangiz va mas'uliyatingizni bajaring.

• Vaziyatga qarab kiyining. Ko'p joylarda aniq bir forma degan narsa yo'q. Lekin, shunga qaramay bank yoki yuqori tashkilotlarga, hamkorlik uchrashuvlariga shunga mos kiyinib boring.

• Ruhsatsiz boshqa odamning ish joyiga, noutbukiga, telefoniga yoki bloknotiga tegmang.

• Biznes tushlik yoki kechki ovqatga kim taklif qilgan bo'lsa, o'sha inson haqqini to'laydi. Mantiqiy olib qaraganda ham shunday bo'lishi kerak.

• Ish bilan bog'liq suhbatlarda siyosat, din, o'zaro munosabatlar va shaxsiy mablag'lar haqida so'z ochmang.

• Shaxsiyatga tegadigan gaplarni gapirmang.

• Suhbatdosh bilan muloqot paytida telefondan foydalanmang.

• Har doim xushmuomalalik bilan salomlashing, xayrlashing va rahmat ayting.

@oson_marketing - 1000$ lik kursdan yaxshiroq!

Barcha bilishi kerak bo'lgan universal ko'nikmalar (1-qism)

• Hamma ishni o'z vaqtida bajaring. Agar bajara olmasangiz, deadlinedan oldin ishingizga ta'sir qiluvchi odamlarni ogohlantirib qo'ying.

• Agar sizga salbiy javob qaytarishsa, darhol ularni rad etib, ketib qolmang. Shunchaki quruq gap emas, gaplaringiz natija va tahlilga asoslangan bo'lsin, shunda sizni rad etish ehtimoli kamayadi.

• Keyinchalik to'g'irlab bo'lmaydigan qat'iy qarorlarni qabul qilmang. Emotsiyaga berilmang va ratsional qarorlar qabul qiling.

• Ish bilan bog'liq sirlarni boshqalarga oshkor qilmang.

• Suhbatdoshingizga halaqit bermang yoki gapini bo'lmang. Gapini oxirigacha eshitib, so'ngra unga fikr-mulohazalaringizni bildiring.

• Har qanday xabarni yuborishdan oldin uni ikki marta tekshirib chiqing. Bu narsaga juda ahamiyatli bo'ling. Xato yozilgan birgina so'z keyinchalik sizni qiyin ahvolga solib qo'yishi mumkin.

@oson_marketing - 1000$ lik kursdan yaxshiroq!

Yozgi/qishki ta’til vaqtida maktab va universitet yaqinida joylashgan oziq-ovqat do‘konlari savdosi pasayadi. Chunki do‘konning asosiy mijozlari unga kirmay qo‘yishadi. Shu do‘konga yangi mijozlarni jalb qilish uchun nima qilish kerak?

🚀 Savdoni oshirish uchun konkret plan, oxirigacha o'qing.

1) Bunday joyda joylashgan do'konlarning asosiy daromadi talabalar va o'quvchilardan bo'ladi. Ta'til vaqtida tabiiyki savdo pasayadi. Uni oldini olish uchun faqatgina ta'til vaqtida emas, doimiy ravishda mahalliy aholi va atrofdagi oshxona va ishxonalar bilan ishlash kerak. Qanday ishlash mumkin?

2) 1-navbatda sodiqlik tizimini yaratish kerak. Bu alohida ilova bo'lishi shart emas. Telegram bot orqali butun programmani yaratsa bo'ladi. Narxi ham qimmat emas 500-1000$ atrofida bo'ladi. Sodiqlik tizimi qanday ishlaydi?

3) Kichikroq do'kon bo'lganligi uchun odatda xaridorlar uncha katta bo'lmagan summaga savdo qilishadi. Shuning uchun keshbek sifatida pul qaytarish xaridorlarni jalb qilishi qiyin. Uning o'rniga har bir savdosini summasiga qarab ball berishi kerak. Ballarni esa sovg'alarga almashtirish mumkin. Kichik sovg'alar pepsidan tortib qiziqtirish uchun Iphonegacha qo'yish kerak.

4) Mahalliy xizmat ko'rsatishlar bilan kollobaratsiya qilish kerak. To'plangan ballarni ishlatish uchun sovg'alardan tashqari, mahalliy servislarni ham qo'shish kerak. Misol uchun: qanchadir ball evaziga mahalladagi "palonchi" oshxonadan 50.000 chegirma, bepulga moyka qilish, bepulga davolanish va hokazo.

* Albatta ballarni pulga ekvivalentini hisoblagan holda sovg'alar beriladi

Kimda qanday fikrlar bor?

@oson_marketing - 1000$ lik kursdan yaxshiroq!

📚 Marketingga doir albatta o'qishingiz kerak bo'lgan kitoblar

Umumiy marketingga doir kitoblar:
1. Allan Dib - Bir varoqli marketing reja
2. Filip Kotler - Marketing A dan Z gacha
3. Jim Kolinz - Yaxshidan buyukka
4. Devid Ogilvi - Ogilvi reklama haqida

SMM menejerlar uchun kitoblar:
1. Damir Xalilov - Ijtimoiy tarmoqlar marketinggi
2. Den Kennedi - Shafqatsiz SMM: ijtimoiy tarmoqlardan maksimum foyda olish
3. Artyom Senatorov - Kontent Marketing: ijtimoiy tarmoqlarda targ'ib qilish strategiyasi

Menejment va jamoa bilan ishlashga oid kitoblar:
1. Den Kennedi - Shafqatsiz menejment
2. Robert Satton - Haddan ortiq donolar bilan ishlamang
3. Itsxak Adizes - Mukammal rahbar

Vaqt ajratib ushbu kitoblarni o'qishni tavsiya qilaman!

@oson_marketing - 1000$ lik kursdan yaxshiroq!

Telefonda muloqot qilish etikasi

• Zarur holatlarda qo'ng'iroq vaqtini oldindan belgilab qo'ying;

• Salomlashing, suhbatdoshni ismni va sharifi bilan chaqiring, o'zingizni tanishtiring;

• Qaysi kompaniya vakili ekanligingizni ayting;

• Suhbatdoshingizdan hozir telefon orqali suhbatlashish unga qulay yoki yo'qligini so'rang;

• Agar qo'ng'iroq orqali suhbatlashish unga qulay bo'lsa, qo'ng'iroq maqsadini qisqacha aytib o'ting;

• Zarur hollarda uchrashuvga taklif qiling yoki boshqa takliflaringizni aytib o'ting;

• Ajratgan vaqti uchun rahmat aytib, suhbatni tugating.

@oson_marketing - 1000$ lik kursdan yaxshiroq!

Har bir marketolog bilishi kerak bo'lgan foydali manbalar va xizmatlar

Marketing va savdo bo'limining ish faoliyatini monitoring qilish uchun CRM tizimlari:
• amoCRM
• Bitrix24
• 1C

Jamoaning operatsion faoliyati samaradorligini monitoring qilish uchun:
• Trello
• Asana
• WorkSection
• Bitrix24

Aniq harakatlar rejasi (MindMapni yaratish):
• Xmind
• MindMeister
• Coggle
• Mind42

Taqdimotlar yaratish uchun:
• Canva
• Crello
• Figma
• Google-Slides

Bozor tendensiyalarini kuzatib borish uchun vebsaytlar:
• Hubspot
• Statista
• Google trends

Malaka oshirish uchun ta'lim loyihalari:
• Udemy
• Coursera
• LinkedIn Learning

Ro'yxatdan 1-o'rinda turgan nomlarni barchasini o'zim ishlatganman va bemalol tavsiya qila olaman.

@oson_marketing - 1000$ lik kursdan yaxshiroq!