Fotima Qodirova | maqola

Biz o'zimizni ahamiyatsiz deb o'ylasak ham yaratgan bizni judayam yaxshi ko'radi. 🥹

Hozir shunaqangi ajoyib holat bo'ldikiy, buni aytishdan meni to'sgan yagona narsa diniy qadriyatlarimni ochiqlash yoki maqtanish bo'lib qolishidan qo'rqish. Lekin, men niyatimni to'g'irlagan holatda yozaman. Bugun, hozir men saharlikkacha yaratgan bilan ko'p-ko'p gaplashib, tafakkur qilmoqchi edim.

Biroq, o'z xonam judayam sovuq, sababi uyimizda gaz o'chgan va kunning ma'lum bir vaqtlaridagina yonayotgan edi.( bizga bog'liq bo'lmagan muammolar tufayli) Xonamga kirar ekanman qalbimda aytyapman.

"Xudojonim shu gaz yonsinda men issiq xonamda o'tiray, bilaman, butun mahallada gaz yonmayotgan imkonsiz paytda buni so'rashim ahmoqlikdir. Lekin, men seni lutfingni kutaman. Agar, hozirgi ish xayrli bo'lmasa o'sha xayrlisi uchun ham senga shukr aytaman, o'zingni ko'rsat Allohim, yana bir bor mo'jizangni ko'rsat.

Xonaga kirdim gazni yoqdim va u yondi🔥 Mo'jizadan vauuuu deb ko'zlarim charaqlab ketdi. 2 minutni ichida meni ichimda nimalar bo'lib ketdi deb lolman. Hozir shu postni yozyapmanu ko'zimda yosh, 🥹 men mo'jizani ko'ra oldim a? Alloh meni chindan ham eshitarkan a? Qalbimda zarracha iymonim bor ekanda a? Aslida mittigina, lekin, mening qalbimda bir dunyo bo'lgan duoyim amalga osharkan aa?

Men bu dunyoda mitti xohishlarigacha amalga oshadigan qadrli insonmanmi deb o'zimga ishonmayapman. Qadrli kanalim kuzatuvchilari hozir qanday ahvoldasiz, qanaqasiz, qayerdasiz men umuman bilmayman. Bil aks, bir narsani bilaman, yaratganingiz sizni judayam yaxshi ko'radi va siz bu olamda mitti xohishlariga amalga oshiriladigan aziz va qadrli insonsiz. Buni menga o'xshab unutgan bo'lsangiz, ich-ichingizdan qayta his qilib ko'ring.

Sizni duolaringizni amalga oshiradigan, o'z mo'jizalarini ko'rsatadigan va qalbingizni pok bo'lishini istaydigan Robbingiz bor.
Nuqta.

@optimistdan

Ramazondagi mening psixologiyam deganda eng sevintiradigan joyi kechalari, kunduzlari umuman jim o'tirib fikrlab olishga juda ko'p-ko'p imkoniyatim bo'ladi. Boshqa paytlardan farqi o'laroq bu oyda miyam tozaroq shaklda deb hisoblayman.

Jim o'tirib, o'zi nima qilyapman? Qayoqqa qarab ketyapman? To'g'ri ish qilyapmanmi? Nimani to'g'ri qilyapman? Nimani xato qilyapman? deb o'zingizni to'liq tahlil qila olasiz.

Ramazon-tafakkur vaqti, yangilanish yangi oy vaqti. Tafakkur qilish ham bir ibodatdir. Ichingizdagi o'zingizni qaysidir darajadan qaysidir bosqichga o'tkaza olish uchun eng eng eng qulay oyni yashayapmiz. Bundan o'z foydangizga ishlatib, ulgib qoling.

@optimistdan

G'iybatmi yoki "dux" yo'qligi?

Men katta-kichik gunohlarda aynan diniy tarafdan emas, psixologik tarafdan davolanishga qiziqaman. Masalan, g'iybatni olaylik. Nima uchun rahbarini go'shini deyarli hamma ishchilar yeydi-ku, ishxonadagi eng oxirgi lavozimdagi ishchini go'shti hech kimga yoqimli emas, u ham bu ham g'iybatchi uchun barobar emasmi?

Gap aynan qo'rquv haqida. O'ylab qarasam avval qilgan deyarli hamma g'iybatlarim aynan qo'rqoqligim uchun bo'lgan. Hozir g'iybat qilish miyamga kelsa "o'sha odamdan shu darajada qo'rqdingmi, qo'rqoq!" deyman va yoqmagan narsani o'sha shaxsni o'ziga aytishga harakat qilaman.

✖️Falonchini o'ziga aytmoqchi edimku, ko'ngli og'rib qolmasin deb ayta olmadim...
✔️ O'ziga ayta olmasdim, chunki undan ( keltirayotgan foydasi to'xtatilishidan) judayam qo'rqaman, bu yerda go'shini yesam nafsim o'zini g'olibdek his qiladi.

@optimistdan

Kecha bitta opam Fotima siz "chinnichi bola"da ishlayapsizmi? Telegram guruh, instagram orqali ovozingizni tanigandim, so'ray deyman, doim esimdan chiqardi deb yozibdilar. Ha SMM menejerlikka o'qib olganimni va ishlayotganimni aytdim, voy zo'rku🤩 deb rosa gapirdilar.

Men esa Ha ha dedimda o'ylab qoldim.
Mobilografiyani, shu SMM kasbimni doim nazarga ilmasdim, birovga shu sohada ishlayman deb faxrlanib aytmasdim ham. Zamonaviy va judayam zo'r hunar ekanini hech qachon o'ylab ham ko'rmapman, qachondir yo'qolib ketadigan vaqtinchalik narsa derdim.

O'zi ichkariroqqa kirsam qachon o'zimni ishimni qadriga yetibman? musiqa ta'limida o'qishimni ham, "najot ta'lim"ni ham, turk tilini o'rganganimni ham, rus tilini o'rganganimni ham, parashutniy sport bilan shug'ullanganimni ham, maktabda ishlayotganimni ham hammasini shunchaki qadrsizlantirgan ekanman. Shu kanalimni ham har doim "keraksiz" bo'lsa kerak deb hisoblaganman.

Bu muammo o'zini anglagan va yoshligida" bu hali hech narsa emas”, “undan ham yaxshisini qilishing kerak” degan gaplarni ko‘p eshitgan hamma insonda bor. Hozirgi vaqtda esa o'zimdagi zarracha muvaffaqiyatni ham judayam qattiq qadrlayman. Buni ko'pchilik "voyboo, shunga shunchami yoki samatsenkangiz pastligini shu mayda ish bilan ko'taryapsizmi?" deb ignor qiladi-ku, menga farqi yo'q, o'zimni baxtli his qilsam bo'ldi.

@optimistdan

Tushunyapsizmi? Men kuchli xarakterli qizman, shuning uchun kuchli erkak kerak.

Shunaqa deb chiqadigan qizlarga "hey bolajonim, erkak kishi tug'ma kuchli bo'ladi, bu tuyg'uni san o'zing shakllantirgan bo'lsang, unga Xudo bergan, muhokama qilinadigan mavzu emas bu, ko'p gapirmasdan tan olgin" degim keladi.

Erkak jismoniy tarafdan kuchli bo'ladi, lekin, hamma erkak ham unday emas deydiganlar diqqatiga: shunchaki ruhiy jihatdan erkakka qaraganda ancha ojiza ekanligingizni unutib qo'ydingiz.

Hamma muammolarimni to'liq o'zim hal qilib, ko'pchilikni havasini keltirayotgan bir vaqtda uyda kuchli bo'lishni xohlamayapman deb yum-yum yig'laganim esimda.

"Kuchli qiz bo'lish, muammolarni faqat o'zi hal qilish" kabi har xil propagandalarni miyamizga quyayotganlarida kuch o'zingizga siylov, biz qiynalib yashash uchun ustanovka qilinmaganmiz deb javob berganimizda edi...
Baxtliroq bo'larmidik deymanda.)

@optimistdan

Kecha Hasanxon Yahyo Abdulmajid ustoz bilan ochiq suhbat haqida post yoza olmadim, chunki, emotsiya bildiraverib, kuchim qolmagandi. Avvalo, taklif qilgan Otabekka kattakon rahmat. Ustozni ilk ko'rishdayoq yuragim qinidan chiqib ketay dedi. Hech qachon hech kimda bunaqa bo'lmagan.

Maruzada o'tirar ekanman, nega hutbalarda yig'lab o'tirishlarini to'liq angladim. Yaxshi hamki, diniy emas, ilmiy suhbat edi. Bilasizlar, diniy ilmi bor ustozdan savolimga javob olaman deb yurgandim. Nasib bo'ldi. Savol beruvchilar juda ko'p edi, ota onalar, maktab o'quvchilari.

Biroq, o'sha minutlarda "Allohim agar, bu qilayotgan kasbim xayrli bo'lsa, ustozga savol berib javob olay, agar, xayrli bo'lmasa mayli nasib etmasang ham roziman, mo'jizangni ko'rsat" deb niyat qildim. Qo'limni ko'targanimni bilaman, birdan tashkilotchi mikrofonni qo'limga tutqissa bo'ladimi, bo'lmasam orqaroqda o'tirgandim, oldimda qo'l ko'tarayotganlar juda ko'p edi.

Mendan oldingi savolga javoblarni eshitar ekanman, qaltirayapman, titrayapman. Hayajonimni oldimda o'tirgan dugonalarim bilishadi. Ustoz bilan suhbat bir tomondan odamni qo'rqitadi, bir tomondan bu yoqimli, qalb nurga to'ladi.

Ko'pchilikni hayotda ko'rganimda o'ylaganimdek emasligini ko'rib yoqtirmay qo'yardim. Ustozga esa muhabbatim ming karra oshdi. Xullas nasib bo'lganimdan baxtiyorman.

@optimistdan

Notabiiy shakarsiz mahsulotlarga qilgan 1 haftalik detoksimga 4 kun bo'ldi. Birinchi kuni energiyamni sug'urib qo'yishgandek bo'ldim. Keyingi kunlari esa farqi bilinmadi.

Biroq, oldin 6-7 soat uxlasam juda holsiz, kayfiyatsiz bo'lardim. Hozir 6 soat bilan ham kunni yengil oxirlab qo'yganimni sezmay qolyapman.

Har kuni soat 4-5 larda uyga qaytayotganimda yo'ldan albatta 10-25 ming oralig'idagi shirinlikni olardim va bir zumda tugardi... hozir o'rniga meva yeyishga o'tganimdan so'ng, meva 2 barobar arzon, to'yimli, mazali va foydali ekanligini tushundim.

Hech qaysi halol ovqatdan butkul vos kechmoqchi emasman, shunchaki shokolatsiz o'laman degan nafsimga ularsiz ham yashay olishini isbotlab bermoqchiman.

@optimistdan

Har kuni ishdan yoki darsdan keyin men uchun xordiq manbayi shirinlik va choy bo'lib qolgandi. Qaysidir kuni uyga shokolat olib kirmasam o'zimni sevmaydigandek, o'zimni ezadigandek va o'zimni hurmat qilmaydigandek bo'lardim.

Shakarni zararlarini vaqtida kooo'p o'qiganman. Lekin, amal qilish uzoqqa cho'zilmagan. Ko'p emas, oz emas naqt 1 hafta shakarli notabiiy mahsulotlarga detoks qilmoqchiman. Keyingi yakshanbada hisobot yozaman. Balkim, orada yaxshi o'zgarish sezsam ham yozib qoldiraman.

Bir hafta "bir" deganda o'tib ketyapti-ku, menimcha bu unchalik ham qiyin emas. Lekin, natija JUDA QIZIQ.

@optimistdan

Baxt standarti

Bugun o'zimni uchrashuvga taklif qildim. Yolg'iz va oldin umuman bormagan joyimda ovqatlansam, o'sha men qidirgan halovatni topaman deb o'ylagandim. Chunki, ko'pchilik yolg'iz kafeda o'tirish "odam qidirgan narsasini beradi" deb tavsiya qilishadi.

Kafeda o'tiribman-ku o'zim qidirgan hissiyotni topa olmadim. Komfort bor, mazali taom bor, sevimli ichimlik bor. Lekin, nimadir yo'q. Va o'sha qidirgan nimadirim shunchaki chuqur nafas olish va o'zim bilan o'zim gaplashish ekanini kechroq angladim.

Bizga ijtimoiy tarmoqlar baxtlilik standardlarini doimiy ulashib borishadi. Biroq, aslida inson qalbini eshitsa baxti qayerda ekanini anglaydi, ammo, bu uchun qalb ochiq bo'lishi kerak. Kim uchundir Cartier olish juda katta baxt bersa, kim uchundir u shunchaki garderobga qo'shilgan yana bir matoh xolos. Bu yerda moddiyat umuman ahamiyat kasb etmaydi.

Qalbni tinglashni ba'zida bor bo'lib ba'zan yo'qolib qoladigan ko'nikmaga o'xshataman. Menimcha, uni doimiy charxlab turmasa ishlamay qo'yadi. Qissadan hissa shuki, baxtli standartlashtirmaylik! Счастье внутри.

@optimistdan

Mendagi eng qiyin, og'ir kunlar ham oxiriga borib bir chashka choy, shirinlik va tinch joyda biroz hordiq olishim bilan o'tib ketadi. Yaxshiyam Alloh tunni yaratib qo'ygan. Odamlarsiz, sukunat, miyam hech narsa haqida o'ylamasdan dam oladi.

Odamlar bosim beradi qandaydir, baribir introvert odamligimga boramanda. Shu asarni tinglab miyam doimgidek maza qildi. Fikret Amirov meni eng sevgan kompozitorim, qadriyatlarimiz mos tushar, balkim. Motsert, Bethoven menga hecham qiziq bo'lmagan.

Fikret Amirov Ozarbayjon musiqasidagi Mustafo Kamol Otaturkdek. Ozarbayjonni birinchi simfoniyasi, operasi, madhiyasi, hamma narsasini u yaratgan. Bir eshitib ko'ring, balkim, sizga ham yoqib qolar.

@optimistdan