#Quwnaqlar_hám_ziyrekler
#NMPI

◾️NMPIde fakultetler arasında «Quwnaqlar hám ziyrekler» tańlawı bolıp ótti

🎭Búgin, 14-dekabr kúni Ájiniyaz atındaǵı Nókis mámleketlik pedagogikalıq institutında studentlerdiń bos waqıtların mazmunlı ótkeriw, qábiletli, ziyrek jaslardı anıqlaw, olardıń ruwxıy dúnyasın bayıtıw hám talantlı jaslardı xoshametlew maqsetinde fakultetler arasında «Quwnaqlar hám ziyrekler» tańlawınıń birinshi basqıshı ótkerildi.

«Jekpe-jek» formatında bolıp ótken tańlawda fakultetler eki komandadan toparlarǵa bólingen halda ózleriniń saxnalıq sheberliklerin kórsetti.

Yaǵnıy:

🔹Tábiyiy pánler fakultetiniń «Arpa ishinde bir biyday» hám Dene mádeniyatı fakultetiniń «Zamdekannıń balaları»;

◾️Túrkiy tiller fakultetiniń «Qarataw» hám Shet tilleri fakultetiniń «Interfak»;

🔹Súwretlew óneri hám texnologiyalıq tálim fakultetiniń «Búgin bar, erteń joq» hám Mektepke shekemgi tálim fakultetiniń «Qarekeńniń qızları»;

◾️Fizika-matematika fakultetiniń «FM» hám Tariyx fakultetiniń «Wa-ha-ha»;

🔹Pedagogika fakultetiniń «Dembermes» hám Baslawısh tálim fakultetiniń «Baslawıshtıń juldızları» komandaları «Institut 90 jasta!» atamasındaǵı shárt tiykarında yumor-satiraǵa bay saxnalıq kórinislerin tamashagóyler názerine usındı.

✅Solay etip, tóreshiler quramı aǵzalarınıń bahalawı menen tańlawdıń birinshi basqıshında tómendegi komandalar jeńimpaz dep tabılıp, final basqıshına jollama aldı:

➖Dene mádeniyatı fakultetiniń «Zamdekannıń balaları»;
➖Shet tilleri fakultetiniń «Interfak»;
➖Mektepke shekemgi tálim fakultetiniń «Qarekeńniń qızları»;
➖Tariyx fakultetiniń «Wa-ha-ha»;
➖Baslawısh tálim fakultetiniń «Baslawıshtıń juldızları» komandaları.

➖Sonday-aq, Pedagogika fakultetiniń «Dembermes» komandası da qosımsha jollama menen finalda qatnasatuǵın boldı.

❗️Maǵlıwmat ushın, tańlawdıń final basqıshı 2025-jıldıń 25-yanvar kúni ótkeriliwi jobalastırılǵan.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2024/12/14/34286/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube