NDPI.UZ

📚NMPI málimleme-resurs orayında jańa kitaptıń prezentaciyası bolıp ótti

◾️Búgin, 4-fevral kúni Ájiniyaz atındaǵı Nókis mámleketlik pedagogikalıq institutı málimleme-resurs orayında ilimiy-metodikalıq maǵlıwmatlar bólimi baslıǵı Zlixa Qaynarovanıń baslaması menen jas dóretiwshi Bayram Qalievtiń «Óz ertegińdi jaz…» atamasındaǵı dáslepki kitabınıń prezentaciya keshesi shólkemlestirildi.

Ilajǵa kitap avtorı hám onıń ustazı, Qaraqalpaqstan xalıq jazıwshısı, filologiya ilimleriniń kandidatı, «Shuhrat» medalı, «Doslıq» ordeniniń iyesi Allanazar Abdiev, málimleme-resurs orayınıń xızmetkerleri, tyutorlar hám ádebiyatqa janı qumar student-jaslar qatnastı.

Kitaptıń prezentaciya keshesinde málimleme-resurs orayınıń direktorı Gúlayım Jiyemuratova sózge shıǵıp, elimizde jas dóretiwshilerdi hár tárepleme qollap-quwatlaw, olardıń shıǵarmaların kitap etip baspadan shıǵarıw, keń jámiyetshilikke tanıstırıw baǵdarında ámelge asırılıp atırǵan jumıslar haqqında aytıp ótti.

Sonday-aq, ilaj dawamında qatnasıwshılar jas dóretiwshi Bayram Qalievtiń birinshi kitabınan qısqa gúrrińler hám ómirde ushırasatuǵın hár qıylı waqıyalar orın alǵanlıǵı jáne olardıń ózgeshe sheberlik hám tereń filosofiyalıq oy-pikirler penen bayan etilgenligin atap ótip, shıǵarmalarınan úzindiler oqıp berdi.

Prezentaciya keshesinde studentler dóretiwshilerge ózlerin qızıqtırǵan sorawların berip, juwaplar aldı.

Ilaj sońında jazıwshı Allanazar Abdiev hám onıń shákirti, kitap avtorı Bayram Qaliev óz qálemine tiyisli «Búrkit shoqqı» hám «Óz ertegińdi jaz…» kitapların instituttıń málimleme-resurs orayına sawǵa etti.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/02/04/37488/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube

#Biz_náshebentlikke_qarsımız
#Tańlaw

🟥Dıqqat, tańlaw! NMPIde studentler arasında «Men náshebentlikke qarsıman!» súreni tiykarında dóretiwshilik jumıslar tańlawı ótkeriledi

◾️Ájiniyaz atındaǵı Nókis mámleketlik pedagogikalıq institutında student-jaslardıń náshebentlik, psixotrop hám kúshli tásir etetuǵın zatlarǵa qarsı gúresiw boyınsha bilimlerin bahalaw, jaslar arasında náshebentlik hám onıń zıyanlı aqıbetleri tuwralı túsiniklerdi úgit-násiyatlaw, sonday-aq, jaslardıń dóretiwshilik jumısları arqalı salamat turmıs tárizin keń en jaydırıw maqsetinde «Men náshebentlikke qarsıman!» súreni tiykarında dóretiwshilik jumıslar tańlawı ótkeriletuǵınlıǵın málim etemiz.

Tańlawǵa institutta oqıp atırǵan barlıq studentler qatnasıwı múmkin.

✅Tańlaw tómendegi eki baǵdarda ótkeriledi:

1) Ádebiyat baǵdarı – bunda studentler tárepinen belgilengen temaǵa baylanıslı jazılǵan qosıq, gúrriń, esse, dramalıq hám basqa shıǵarma jumısları kórip shıǵıladı;

2) Súwretlew óneri hám kórkem óner baǵdarı – bunda studentler tárepinen tayarlanǵan plakatlar, súwretler, grafikalıq islenbeler, akvarel, naǵıs oyıw, qolda islengen buyımlar, sonday-aq, basqa súwretlew hám ámeliy kórkem óner túrleri boyınsha dóretiwshilik jumıslar kórip shıǵıladı.

📆Tańlawǵa dóretiwshilik jumıslar usı jıldıń 15-fevral kúnine shekem fakultet dekanlarınıń jaslar menen islesiw, ruwxıylıq hám aǵartıwshılıq isleri boyınsha orınbasarları tárepinen qabıllanadı.

🎁Tańlawdıń institut basqıshında 1-, 2- hám 3-orınlardı iyelegen studentler shólkemlestiriwshiler tárepinen diplom hám estelik sawǵaları menen sıylıqlanadı.

Jeńimpaz bolǵan hám sıylı orınlardı iyelegen studentlerdiń dóretiwshilik jumısları tańlawdıń kelesi basqıshına jiberiledi.

©️NMPI baspasóz xızmeti.

Tolıq maǵlıwmat 👇👇👇
https://ndpi.uz/qq/2025/02/04/37485/

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube