Навоий вилоят прокурорининг ўринбосари Р.Зайниев томонидан Навбаҳор туманида ижтимоий ва энергетика соҳа объектларида қиш мавсумини беталофат ўтказиш, энергия ресурсларни иқтисод қилиш ҳамда талон-торожликларни олдини олиш бўйича амалга оширилаётган ишлар аҳволи ўрганилди.

Хусусан, туман Тиббиёт бирлашмасининг қиш мавсумига шайлиги, қозонхоналарнинг узлуксиз фаолияти тўғри йўлга қўйилганлиги аҳволи ўрганилиб, аниқланган камчиликларни бартараф қилиш бўйича кўрсатма ва топшириқлар берилди.

Шунингдек, туман прокуратураси ходимлари иштирокида тезкор йиғилиш ўтказилиб, долзарб топшириқлар ижроси муҳокама қилинди.

Бу борадаги ўрганишлар давом этмоқда.