Kopirayting ensiklopediyasi | Namuna Yoqub qizi

Uzoq muddatli loyihalar olishda yoʻl qoʻygan xatolarim

Achchiq bir haqiqatni tan olishim kerak: shu paytgacha eng uzoq davom etgan loyiham 1 yilda nihoyasiga yetgan.

Nega bunday boʻldi? Faoliyatimni tahlil qilish natijasida quyidagi xatolar "oyogʻimdan chalgani"ni tushunib yetdim:

1. Sifatsiz portfolio
Endigina faoliyat boshlagan paytlarim har bitta yozgan matnimni portfoliomga joylardim. Natijada portfolio juda tartibsiz va zerikarli boʻlib qoldi. Portfoliomda eng sifatli matnlarimdan baʼzi namunalar, mijozlarning otzivlari va kerakli maʼlumotlar boʻlsa, uni koʻrgan yangi mijozda menga nisbatan ishonch hosil boʻlardi. Kerakli maʼlumotlar qadalgan xabarlarda turganida, ularni topish men uchun ham, boshqalar uchun ham qulay boʻlardi.

2. Rezyume va prays listim yoʻq edi
Kreativ va toʻliq tayyorlangan rezyume baʼzi hollarda portfoliosiz ham ishga kirishga yordam beradi. Prays list esa mijozga narxlarni moʻljallashga va ishingizga baho berishga koʻmak beradi. Sizni esa "professional kadr" sifatida koʻrsatadi.

3. Natija bilan qiziqmasdim
Matnni yozardim, pulini olardim, tamom. Mijozga qayta bogʻlanish, qanaqa natija olganiga qiziqish, "otziv olish" esimga ham kelmasdi.

4. Kommunikativ qobiliyat "tanqisligi"
Jamoa bilan ishlash, kompliment qilishni bilmasdim. Oʻta ketgan inteovertligim doim pand bergan.

5. Oʻz ustimda ishlamaslik
Yangi bilimlar olish, oʻsish uchun vaqt ajratmasdim. Faqat buyurtmani kutib oʻtirardim. Sohaning yangi qirralarini ochish uchun boshqa turdagi matnlar bilan ishlab koʻrmasdim.

6. Tavakkal qilishdan qoʻrqardim

Avval ishlab koʻrmagan yoʻnalishimda buyurtma tushsa, ikkilanardim. "Qila olmasamchi? derdim. Izlanib, oʻrganib, urinib koʻrmasdim. Osonlik bilan rad etishga bahonalarim koʻp edi: "vaqtim yoʻq", "hozir buyurtmam koʻp", "bu yoʻnalishda avval ishlab koʻrmaganman".

Bularni tan olish oson boʻlmadi)

Tolibi ilmlarim bunday xatolarni takrorlashmasin dedim. 👏 Shunaqa reaksiyangizga arziydi))

@namunayoqubqizi

Korzinka "kalla qoʻydi"mi yoki man iborani toʻgʻri tushunmadimmi?

Bilgichlar aytvoringlar.

Qizgʻansam ham aytaman

Oʻzimda sinalgan va ish bergan ikkita #ish_topish #keysi

1. Agentlik yoki kompaniyalar roʻyxatini shakllantirish. (Esimda yoʻq, balki bu haqda avval ham aytgandirman)
Vakansiya kanallardagi kopiraytingga oid eʼlonlardan boshqa eʼlonlarni ham kuzatib chiqqanman. Ular orasidan SMM menejeri yoki kontent menejeriga oʻxshash sohamga yondosh soha vakillarini izlaydigan agentlik va kompaniya/brend HR lari kontaktlarini yigʻganman. Va har biriga taklif bilan chiqqanman. 10 nafardan  taxminan 5-6 nafar mijoz qiziqish bildirgan (alam qilsa ham aytish kerak: 5 nafari hatto ochib ham oʻtirmaydi). Yaʼni, rezyume va portfolio soʻragan. Shunda keyingi bosqichga ikki nafar mijozgina mani "oʻtkazgan", bu degani, portfolio maʼqul kelgan va manga sinov t/z si berishgan. Keyin esa bittasi bilan 2 haftalik sinov muddati asosida ish boshlaganmiz. Tushungandirsiz: kamida 10 ta agentlikka boshingizni egmasangiz, ishga birdan olib qolishmaydi.

2. Kontakt qoldirish. Keyin vakansiya boʻyicha kimgadir murojaat qildingiz yoki agentlikka oʻzingiz murojaat bilan chiqdingizmi? Anavi boshingizga yarqirab turgan tojchangizni yechib, chetga olib qoʻying. Har qancha magʻrur boʻlsangiz ham sizni eʼtiborsiz qoldirishsa alam yoki jahl ustida yozishmalarni oʻchirib tashlamang. Kelishuv muvaffaqiyatsiz yakunlangan taqdirda ham. Oʻzimda boʻlgan: agentliklarga yozib chiqqan vaqtimda bittasi xabarimni hatto ochmagan. Man esa ochib, javob yozishini bir-ikki kun intiqlik bilan(!) kutganimdan soʻng uni "unutishga" harakat qilganman )) Lekin yozganlarimni oʻchirmadim. Nima boʻldi, bilasizmi? Oradan 7 oy oʻtib, haligi profildan javob keldi 😁 gap nima haqidaligini bilish uchun teparoqqa chiqib oʻqidim va arang esladim.

Ikkinchi hodisa esa bitta mijozim mani ikki marta "chalgʻitib" ketganda ham, unda xafa boʻlsam ham yozishmalarni oʻchirmaganimdan keyin deyarli bir yil oʻtib sodir boʻldi. Bu haqda batafsil yozsam katta bir post boʻladi. Lekin oʻz-oʻzidan jim boʻlib ketgan mijozim oradan 9-10 oy oʻtgandan keyin mani kopirayter izlab yurgan tanishiga tavsiya qilgan edi.

Ana shunaqa, tolibi ilmlar. Oʻrganishdan toʻxtamang ☺️
Keyingi post esa nima uchun oʻzim haligacha uzoq muddatli loyihada ishlay olmaganim haqida boʻladi.

💫 Reaksiyalarni qizgʻanmasdangina bosasizlar degan umidda
@namunayoqubqizi