NAMOZ VAQTLARI ️| Намоз Вақтлари

Боқий неъмат фоний нарсалардан афзалдир

Орифлардан бири бундай деди: “Агар дунё тугайдиган олтин, охират эса завол топмайдиган сопол бўлса ҳам, охират дунёдан афзал бўлар эди. Ҳолбуки, дунё тугаб битувчи сопол ва охират эса битмас-туганмас олтиндир”.
Бу маънони Расулуллоҳ соллаллоҳу алайҳи ва салламнинг мана бу ҳадисларида ҳам ўқишимиз мумкин:
Ибн Мардуя Абу Ҳурайра розияллоҳу анҳудан ривоят қилади: Расулуллоҳ соллаллоҳу алайҳи ва саллам дедилар: “Дунё ҳаёти мато (ўткинчи)дир. Унинг неъматлари орасида қарасанг, қувонтирадиган, (уйда) йўқлигингда ўзини ва молингни сақлайдиган солиҳа аёлдан яхшиси топилмайди” (Имом Суютий, “Ад-дуррул мансур”).
@mehrob_uz

ЎЛИМ ОХИРАТНИНГ ИЛК МАНЗИЛИДИР

Ўлим бир эшик. Барча инсонлар ундан ўтади. Эҳ кошки, бу эшикка киргандан кейин менинг уйим қанақалиги маълум бўлса?!

Биродар! Қаранг, қабрдагилар бир-бирларига жуда яқин ётишибди. Лекин улар сиртдан яқин қўшни. Аслида эса, бир-бирларининг ёнига ҳам бора олмайдилар.

Усмон рзияллоҳу анҳу қачон қабр ёнидан ўтсалар, шу даражада йиғлар эдиларки, соқоллари кўз ёшларидан ҳўл бўлиб кетарди. У кишидан: “Сиз нега жаннат ва дўзахни эсга олганингизда йиғламайсиз. Лекин қабрни кўриб йиғлайсиз?” деб сўрашди. У киши шундай дедилар: “Расулуллоҳ соллаллоҳу алайҳи васаллам: “Қабр охиратнинг илк манзилидир”, деганлар. Шунга кўра, агар маййит қабрдаги азобдан нажот топса, ундан кейинги ҳаёт ocoн бўлади. Агар қабрдаги азобдан нажот топа олмаса, у ҳолда ундан кейинги ҳаёт қийин бўлади. Яна Расулуллоҳ соллаллоҳу алайҳи васаллам: “Мен қабрдан кўра дахшатлироқ бирор манзарани кўрмадим”, деганлар”.

Биз учун бу қабрларда ибрат йўқми? Қаранг, бой ҳам, фақир ҳам, зўравон ҳам, кучсиз ҳам, оқ танли ҳам, қора танли ҳам, подшоҳ ҳам, фуқаро ҳам – барча баробар ётибди. Улар дунёга қайтишни хоҳлайдилар. Бойлик жамлаш ёки қаср қуриш учун эмас, балки, кошки мен бир намоз ўқиш учун муҳлат топсам, кошки бизга бир мартагина “субҳаналлоҳ” дейиш учун фурсат берилса, деб, шу амалларни қилиш учун дунёга қайтишни хоҳлайдилар. Лекин энди иложи йўқ. Номаи аъмол ёпилиб бўлди. Руҳ жисмдан чиққан. Ҳаёт муҳлати тугаб бўлган. Энди ҳар бир маййит ўз амалининг гарови ўлароқ қабрида ётибди...

“Насиҳатлар гулдастаси”дан.
@mehrob_uz

Кимнинг умри узун бўлса, яхши кўрганларини йўқотади.

Изоҳ. Ҳамманинг умри бир хил – узун бўлиши имконсиз. Шунинг учун узоқ яшаган инсонни турли ёшдаги яқинлари, суйганлари бир-бир тарк этади ва у тенгқур замондошларидан, ҳатто ўзидан кичикрок ёшдаги яқинларидан ҳам ажраб, ёлғизланиб қолади. Халқимизда ҳикматли бир гап бор: «Ёлғизлик Худога ярашади». Атрофингда сени тушунадиган, англайдиган кишиларнинг қолмаслиги оғир ғам, бу даҳшатли ёлгизлик! Лекин шундай бўлса-да, инсон фитратидаги узоқроқ умр кўришга бўлган майл ҳеч қачон сўнмайди.

Анас ибн Молик розияллоҳу анҳу Пайғамбаримиз Муҳаммад алайҳиссаломдан ривоят қилади: «Одам фарзанди соч-соқоли оқариб қарийди, аммо икки хислат унда ёшариб боради: дунёни исташ ва орзу-ҳавас».

Яна бир ривоятда: «Икки хислат яшариб боради: мол-дунёга ва узун умрга бўлган ҳирс» (Имом Муслим ривояти).

Демак, узунроқ умрни орзу қилмайдиган инсон йўқ экан, энди бу ёғида яхши кўрганларингизни йўқотишга сабр қилиш ва даҳшатли ёлғизликка кўникишга тайёр туринг. Яна бир синовга ҳозирлик кўринг, сиз эмасми душманингизнинг эгилиб, мағлуб бўлишини, арзимас ёрдамга муҳтож бўлиб қолишини, хорланишини хоҳлаган, шундай экан, умрингиз узун бўлишини орзу қилинг, барчасини ўзингизда топасиз..!

Шеър:
Умри узун бўлишин орзу этса ким
Ясасин ўзига сабрдан қалкон.
Суйганларин йўқотишга сабр этсин,
Аламдан ўртанишга топсин имкон.
Ким узоқ яшаса, ўзида топур,
Душманлари учун соғинганини
Кўзлардан нур кетур, оёқдан мадор
Кўрур қуриб-қақшаб қолган танини.

“Унвонул баён”дан.
@mehrob_uz

ҚАЙГА КЕТЯПМИЗ

Бугун бошқа тилак, бошқа қадамлар,
Ноҳот ўтиб кетди бахтиёр дамлар,
Оқибат, қадрни унутиб бугун,
Қайга кетаяпмиз ўзи одамлар.

Етимни йиғлатиб, кўзларин ёшлаб,
Шайтонга қўл бериб, ошини ошлаб,
Муҳаббат, меҳрни орқага ташлаб,
Қайга кетаяпмиз ўзи одамлар.

Ғийбатга мойилмиз иштиёқлар зўр,
Нафсимиз имонни ўраб олган тўр,
Кўзимиз очиғу қалбларимиз кўр,
Қайга кетаяпмиз ўзи одамлар.

Оллоҳга йўқ дилда нолаларимиз,
Йиғлайди соғиниб оналаримиз,
Кимдан ибрат олсин болаларимиз,
Қайга кетаяпмиз ўзи одамлар.

Дийдалар тош қотган, эримас кўнгил,
Опанинг гапига кирмайди сингил,
Қадрига етмайди отанинг ўғил,
Қайга кетаяпмиз ўзи одамлар.

Дунёга синчковроқ боқмаймиз нечун,
Ҳақ сўзни айтсакда ёқмаймиз нечун,
Шароблар сипқориб келажак учун,
Қайга кетаяпмиз ўзи одамлар.

Меҳрибон туйғулар дилда тош қотса,
Салгина танбеҳ ҳам кўнгилга ботса,
Тонглар ҳам булутлар ортидан отса,
Қайга кетаяпмиз ўзи одамлар.

Тортинмай борамиз ҳиёнатгача,
Руҳимиз етмайди диёнатгача,
Ҳали йўл олис-ку қиёматгача,
Қайга кетаяпмиз ўзи одамлар.

Йўқ кунда қилмаймиз сабр бардошлар,
Кибрли нигоҳлар, мағрурдир бошлар,
Мен ҳам шу йўлдаман кўзимда ёшлар,
Қайга кетаяпмиз ўзи одамлар.

Хуршид Карим

❤️❤️❤️❤️❤️🌹🌹🌹🌹🌹

⚠️ Сўзлашаётганда гапларимизга диққат қилайлик!

❌ "Бўлди, ОК! Есть киламан" — деманг!
✅ "Инша Аллоҳ!" — деб айтинг!

❌ "Вааауув даҳшат! Қойил!" — деманг!
✅ "Субҳаналлоҳ!" — деб айтинг!

❌ "Супер! Гап йўқ!" — деманг!
✅ "Маша Аллоҳ!" — деб айтинг!

❌ "Чўткиман!" — деманг!
✅ "Алҳамдулиллаҳ!" — деб айтинг!

❌ "Спасибочки, раҳмат" — деманг!
✅ "Раҳмат, Жазакаллоҳу хойр" (Аллоҳ сизни мукофотласин) — деб айтинг!

❌ "А, давай, пока! Bye bye!" — деманг!
✅ "Аллоҳнинг паноҳида бўлинг! Кўришгунча!" — деб айтинг!

❌ "Салом, қалесан?" — деманг!
✅ "Ассаламу алайкум ва роҳматуллоҳи ва барокатуҳ" (Сизга соғлик омонлик, Аллоҳнинг раҳмати ва баракаси бўлсин) — деб айтинг!

❗️Ушбу хабарни яқинларингизга улашинг ҳамда Аллоҳнинг раҳматига сазовор бўлинг!

👉 Яқинларингизга улашинг 🙃
✿❀┄┅┅✿❀✿❀┄┅┅✿❀
Энг яхшиси энг яхшилар учун ❤️

Тафсир
НАЖОТ КЕМАСИ

«У (кема) уларни тоғлардек тўлқинлар ичида олиб борар экан, Нуҳ чеккада турган (Канъон исмли) ўғлини чақириб деди: “Эй ўғилчам! Биз билан бирга (кемага) мингин! Кофирлар билан бирга бўлмагин!” У (ўғли) деди: “Мени сувдан сақлайдиган бирор тоққа (чиқиб) паноҳ топарман”. (Нуҳ) деди: “Бугун Аллоҳнинг амридан сақловчи йўқдир. Илло, У Зот кимга раҳм қилсагина уни (сақлар)”. (Шу пайт) иккисининг ўртасини бир тўлқин тўсди ва (ўғли) ғарқ қилинганлардан бўлди» (Ҳуд сураси, 42–43-оятлар).
“У (кема) уларни тоғлардек тўлқинлар ичида олиб борар экан...” ояти каримани Имом Мотуридий раҳимаҳуллоҳ таъвил қилиб: “Гарчи тўлқинлар тоғдек баланд, ваҳимали ва қўрқинчли бўлса-да, Аллоҳ таолонинг яккаю ягоналигига ва Нуҳ алайҳиссалом У Зотнинг пайғамбари эканига иймон келтирган инсонлар кемага мингач, асло хавотирга тушмадилар. Аллоҳ таоло уларнинг қалбига сакинат солиб қўйди. Аммо кофирлар ясаган кемаларга минган кишилар қўрқувдан дағ-дағ титрар эдилар. Чунки улкан тўлқинлар кеманинг сузишига, ҳаракатланишига ғов бўлаётган эди”, дейди.

ШАРЪИЙ ҲУКМНИНГ САБАБИ ҲАҚИДАГИ САВОЛГА ЭНГ ГЎЗАЛ ЖАВОБ

Бир киши Ҳакимул уммат, Мавлоно Ашраф Али Таҳонавий қуддиса сирруҳнинг ҳузурларига келиб: “Аллоҳ таоло фалон нарсани нега ҳаром қилган? сабаби нима? нима ҳикмати ва фойдаси бор?” деб сўрай бошлади. Ҳазрат Таҳонавий қуддиса сирруҳ: “Сиз бир нарсага жавоб беринг. Шунда, мен сизга унинг жавобини бераман”, дедилар.
“Нима нарса?” деди.
Шунда Ҳазрат: “Сенинг бурнинг нега орқага эмас, олдинга қўйилган?” деган савол билан жавоб қилдилар. Шу танбеҳ орқали Аллоҳ таоло ҳар бир ишни Ўзининг ҳикмати билан, Ўзи хоҳлаганидек қилишини, бандаси “нега?” деб сўрашга ҳаққи йўқлигини билдирмоқчи бўлдилар.
Ростан ҳам инсоннинг кўракдеккина ақли Аллоҳнинг бутун ишлари ҳикматини қамраб ололмайди. Бугунги даврда илм-фан тараққий топганига қарамасдан, мана шу кичкинагина ақлни ҳам буткул ўрганиб чиқа олгани йўқ. Шунчалар ожиз бўлишига қарамасдан, банда, фалон нарса нега ҳаром қилинган? бу нарса нега ҳалол? деб, Аллоҳ таолонинг бутун ҳикматларининг тагига етишни хоҳлайди. Ҳолбуки, у ўзининг хилқатидан бехабар... Бу каби саволлар Аллоҳ таолонинг буюклигини англамаслик оқибатида пайдо бўлади. Ҳазрат мазкур савол ила сўровчига ана шу маъноларни уқтирмоқчи бўлдилар.

“Насиҳатлар гулдастаси” китобидан.