NAMANGAN VILOYATI SPORTI

Milliy libos – millat iftixori

Bugungi kunda mamlakatimizda milliylikni targ‘ib etish, milliy madaniyatimiz va qadriyatlarimizni asrashga qaratilgan qator tashabbuslar ilgari surilmoqda. Bu tashabbuslar yoshlarda milliy o‘zlikni shakllantirish, tarixiy an’analarga sodiq qolish va ularni zamonaviy hayot bilan uyg‘unlashtirishga qaratilgani bilan ahamiyatlidir.

Milliy libos – bu shunchaki kiyim emas, balki xalqimizning ruhiyati, tarixi va madaniyatining yorqin aksidir. U ajdodlarimizning hayot tarzi, go‘zallik haqidagi tasavvurlari va san’atidan darak berib turadi. Milliy libosni kiyish – bu millatga hurmat, o‘zligimizga sadoqat va qadriyatlarimizga e’tibor demakdir.

Namangan viloyati Suv sport turlariga ixtisoslashtirilgan sport maktabi jamoasi ham milliy qadriyatlarimizni asrab-avaylash va yoshlar orasida targ‘ib etishga alohida e’tibor qaratmoqda. Maktab xodimlari o‘quvchilarga milliy madaniyatimiz, an’ana va urf-odatlarimizni singdirish, milliy liboslarimizning ahamiyatini tushuntirish yo‘lida doimiy ravishda targ‘ibot ishlarini olib bormoqda.

Ayniqsa, sportchilarimiz xalqaro musobaqalarda ishtirok etar ekan, ular nafaqat yuksak natijalar bilan, balki o‘zining milliyligi, urf-odat va madaniyatini aks ettirgan liboslari bilan ham ajralib turishadi. Bu esa milliy iftixor tuyg‘usini oshiradi, yurtimizni xalqaro miqyosda munosib tanitishga xizmat qiladi.

Namangan viloyati sport  boshqarmasi axborot xizmati

📝Telegram | 📝Facebook | 💻Instagram | 🎞Youtube