Sport vazirligi

Muaytay: Oʻzbekiston milliy terma jamoasi jahon chempionatiga joʻnab ketdi

Joriy yilning 9-19 mart kunlari sportning muaytay turi bo'yicha Bangkok shahrida 20-Jahon chempionati o'tkazilmoqda. Ushbu nufuzli musobaqada O'zbekiston milliy terma jamoasi to'liq tarkib bilan ishtirok etmoqda.

Milliy terma jamoamizga omad va ulkan zafarlar tilab qolamiz!

Web-Sayt | Telegram | Facebook | Instagram | Youtube

Aziz va moʻtabar ayollar, munis onaxonlar, mehribon opa-singillar, dilbar qizlar!

Barchangizni 8-mart - Xalqaro xotin-qizlar kuni umumxalq bayrami bilan chin qalbdan muborakbod etamiz.

Yurtimizda “Sog‘lom inson – sog‘lom millat” g‘oyasining umummilliy harakatga aylanishida Siz aziz ayollarning oʻrningiz beqiyos.

Ushbu quvonchli kunda Sizlarga uzoq umr, mustahkam sogʻlik, baxt-saodat tilaymiz. Oilangizni hech qachon tinchlik va xotirjamlik tark etmasin.

Sportchi xotin-qizlarimizga esa yangi gʻalabalar tilaymiz. Toleingiz hamisha porloq boʻlsin!

Yuksak ehtirom bilan Sport vazirligi jamoasi

Web-Sayt | Telegram | Facebook | Instagram | Youtube

Sport vaziri Adkham Ikramov Qashqadaryo viloyatiga tashrif buyurdi

Dastlab Sport vaziri G‘uzor tumanidagi harbiy qismda bo‘lib, u yerdagi mavjud sport infratuzilmasi, yo‘lga qo‘yilgan sport to‘garaklari va harbiy sportchilar uchun yaratilgan shart-sharoitlar bilan tanishdi. Vazir bundan tashqari harbiylarning sport mashg‘ulotlari bilan shugʻullanish jarayonlarini ham ko‘zdan kechirdi.

Tashrif davomida Sport vaziri Qarshi shahrida yangidan qurilayotgan Kurash mahorat maktabi hamda uning qurilish loyihasini ham ko‘zdan kechirdi. U yerda sportchi-o‘quvchilar uchun yaratilgan shart-sharoitlar, mashg‘ulot hamda o‘quv xonalari, sport zallari holatini bilan tanishdi.

Bundan tashqari Sport vaziri DXShga berish taklif etilayotgan sport obyektlari hamda joriy yilda amalga oshirilishi rejalashtirilayotgan davlat xususiy sheriklik loyihalari faoliyatini yo’lga qo’yish yuzasidan mas’ullarga tegishli topshiriqlar berdi.

Web-Sayt | Telegram | Facebook | Instagram | Youtube

Sport vaziri oʻrinbosari Murad Ismailov Jizzax viloyatining Baxmal tumanidagi mahallarda oʻrganish ishlarini olib bormoqda

O'zbekiston Respublikasi Prezidentining joriy yilning 17-yanvarida qabul qilingan "2025-yilda aholi bandligini ta’minlash va kambag‘allikni qisqartirish chora-tadbirlari to‘g‘risida"gi PQ-12-son qarorining ijrosini ta'minlash doirasida Vazir o'rinbosari Jizzax viloyatining Baxmal tumaniga tashrif buyurdi.

Tashrif davomida Gʻallakon, Sangzor, Davlat Novqa mahallalaridagi ijtimoiy-iqtisodiy masalalar, hududdagi mavjud muammollar o‘rganildi. Shuningdek, Sangzor va Novqa mahallalarda qurilayotgan vorkaut hamda Davlat va Gʻallakon mahallalarida universal sport maydonchalarini bunyod etish jarayonlari ko‘zdan kechirilib, mavjud kamchiliklarni bartaraf etish bo‘yicha mas’ullarga qo‘shimcha topshiriq berildi.

Ushbu sport maydonchalari atrofiga esa "Yashil makon" loyihasi doirasida mevali va manzarali ko‘chatlar ekilishi belgilandi.

Shuningdek, Baxmal tumanidagi Sport maktabi faoliyati ham oʻrganilib, oʻquvchi-sportchilarning natijadorligini oshirish, bu borada sport maktabidagi mavjud sharoitlarni yanada yaxshilash yuzasidan tegishli koʻrsatmalar berildi.

Web-Sayt | Telegram | Facebook | Instagram | Youtube