Vazir oʻrinbosari Qashqadaryo viloyatidagi sport obyektlarini oʻrgandi

🇺🇿O'zbekiston Respublikasi Sport vaziri o‘rinbosari Murad Ismailov Qashqadaryo viloyatida bo‘lib, hududdagi sport obyektlari va u yerda olib boriladigan qurilish- ta’mirlash ishlari holatini koʻzdan kechirdi.

Xususan, vazir oʻrinbosari Nishon tumanidagi Tallimarjon suv ombori hududida qurilishi rejalashtirilgan baydarka va kanoe bazasi loyihasi bilan bilan tanishdi. Mazkur joyda akademik eshkak eshish, baydarka va kanoeda eshkak eshish uchun sportchilarga yanada qulay sharoit yaratish maqsadida mas'ullarga tegishli topshiriqlar berildi.

Tashrif davomida vazir o‘rinbosari Qarshi olimpiya va paralimpiya sport turlariga tayyorlash markazi hududida yangi qurilgan ogʻir atletika va boks zalida boʻlib, u yerda sportchilar uchun yaratilgan qulaylik va shart-sharoitlar bilan tanishdi.

Bundan tashqari viloyat gimnastika sport turlariga ixtisoslashtirilgan sport maktabi hududidagi binolarning isitish tizimlari bilan tanishdi.

Web-Sayt | Telegram | Facebook | Instagram | Youtube