Nafasim islom

Жумҳурият халқ партиясининг Қиличдорўғлидан аввалги раиси Дениз Байкалнинг қизи Асли Байкал Қиличдорўғлини “диктатор” деб атади. Унинг фикрича, Қиличдорўғли президентликка энг нотўғри номзод эди.

Зафар партияси етакчиси Умид Ўздағ мухолифатнинг мағлубияти унинг нотўғри стратетия танлангани билан боғлиқ бўлганини айтди.

Қизиқ гап бўлди. Стратегияси хато бўлса, унда Ўздағ нега Қиличдорўғлини қўллаб-қувватлади?..

ИЙИ партияси етакчиси Мерал Акшенер Эрдоғанни табриклади ва “Умид қиламанки, бу сайловдан катта сабоқ олади” деди.

Камол Қиличдорўғлининг истеъфоси ҳақида чақириқлар янграй бошлади. Хусусан, Болу шаҳри ҳокими Танжу Ўзжан Жумруҳият халқ партиясига Акрам Имомўғли раис бўлиши кераклигини айтди. Лекин Қиличдорўғли истеъфо ҳақида ўйламаётган кўринади.

Камол Қиличдорўғли: “Менга овоз берган 25 миллиондан ортиқ фуқароларимизни кўтаринки кайфиятда, қадларини тик кўришни хоҳлайман. Биз шу ердамиз”.

Камол Қиличдорўғли: “Ҳар куни ҳамма нарсанинг нархи ошар экан, халқимнинг совиткичининг бўш бўлишига рози бўлолмасдим, бўлмадим”.

Уни қўйинглар, буни қўйинглар, эртага доллар қанчага чиқаркин 😁

Туркияда президентлик сайловларининг иккинчи тури якунланди. Сайлов бюллетенларининг 99% ҳисоб-китоб қилинган. Олинган маълумотларга кўра, Эрдоған 52.7% билан олдинда, Қиличдор ўғли эса 47.3% олган. Умумий фарқ – 5% арофида. Бу анча жиддий рақам.
*
Лекин, сайловдан олдин, Эрдоған ва Қиличдор ўғли овозлари ўртасидаги фарқ, анча катта бўлади деб тахмин қилган эдим. Ҳаттоки, фарқ 10%дан ошиши мумкин деб ўйлаган эдим. Бундай ўйлашимга сабаб, ҳаттоки зилзила ва гиперинфляция, иқтисодий қийинчиликлар ва кўп миллионли қочқинлар ҳам, Эрдоған рейтингини тушуриб юбормади.

Айтиш керак, сайловлар ҳаққоний ўтти, лекин адолатли эмас. Бу нима дегани? Овозларни сохталаштириш имконсиз эди. Рақобат ашаддий бўлди. Лекин номзодларнинг ОАВларидаги вақт тақсимоти ўртасида, жуда катта фарқ бор эди. Эрдоған административ ресурсдан очиқ-ойдин фойлаланди. Назаримда, томонлар қора пиардан, яъни оппонент номини бўлғаш технологиясидан ҳам кенг фойдаланишди.

Шубҳасиз, Эрдоған ғалаба қилди. Кучли сиёсатчи эканлигини исботлади. Ўтган йили туркиялик профессорлар Тошкентга келганда, шу сайловларни муҳокама қилган эдик. Улар “Эрдоған кетади” дейишди, мен эса “ишонмайман” дедим. Эрдоған каби кучли сиёсатчилар, сиёсатдан ўзлари кетмайди. Кўпчилик бўлиб, олиб кетишади...

© Камолиддин Раббимов

Сайловнинг дастлабки натижалари

Ҳисобланган овозлар – % 98.64
Эрдоған – %52.09
Қиличдорўғли – %47.91

Энди Марказий сайлов комиссиясининг баёнотларини кутамиз.

Баъзилар мени эрдоғанчи деб ўйлашларини биламан.

Ҳеч қанақанги эрдоғанчи эмасман, бундан менга умуман наф йўқ. Туркияда ўзгаришлар бўлиши керак деб ҳисоблайман: иқтисодда ҳам, сиёсатда ҳам. Шунинг унинг бир постда турк фуқароси бўлганимда, Синан Оғанга овоз берган бўлардим дедим. Айни пайт Туркияда иқтисодий аҳвол чатоқ, бу албатта амалдаги ҳукуматнинг айби.

Қиличдорўғли ютолмайди деб неча ойдан бери айтаман. Буни унинг коалициядаги ҳамкори, ИЙИ партияси етакчиси Мерал Акшенер ҳам айтганди. У ҳақ эди: президентликка Қиличдорўғли эмас, ё Истанбул ҳокими Акрам Имомўғли, ёки Анқара ҳокими Мансур Яваш номзод бўлиши керак эди.

Қолаверса, Қиличдорўғлининг майда-чуйда партиялар билан коалиция тузишига ҳам ҳожат йўқ эди. Миллиятчиларни ўз томонига оғдирса кифоя эди деб ўйлайман.

Мухолифатда ҳокимиятга келиш учун жуда яхши имконият бор эди. Бу имкониятни бой берди.

Фикрларим субъектив. Хато бўлиши ҳам мумкин. Зеро, ҳеч қачон юз фоиз тўғри деб даъво қилмаганман.

Сайловнинг дастлабки натижалари

Ҳисобланган овозлар – % 98.22
Эрдоған – %52.12
Қиличдорўғли – %47.88

Ҳозирга қадар 98,1% овозлар саналди ва бунга кўра:

Эрдўғон: 52,12%

Қиличдорўғли: 47,88%

натижаси қайд этилмоқда.

Натижалар янгиланиб борилади.

© Камолиддин Раббимов