Қазір әлеуметтік желі арқылы қоғамдағы түрлі проблемаларды айтып, көрсетіп қорқыта береді ғой. Бір ақырзаман келгендей жүрекке үрей салады.

Біздің бала кезде де мұндай проблемалар болды ғой. 1991 жылы дүниеге келдім. Балабақшаға да бардым. «Сладкая жизнь» болған жоқ. Оны тек үлкендер, жиырмадан асқан жастар білетін. Ал біз…

Біз бала болған соң бақытты болдық. Бала деген қоғамда не боп жатқанын қайдан білсін?! Аман-есен мектепке де бардық.

Мінеки, ақыл-есіміз дұрыс болған соң қоғамдағы өзгерістерді қиын қабылдаймыз. Салық, айыппұл… Бұдан да аман өтеміз, бұйырса. Кешегі ковидті тіптен ұмытып кеттік. Сондықтан тып-тыныш өмір сүре беру қажет.