☕️📕🌟
Butun kecha oʻychan va sokin,
Xona ichra qolmishdik tanho.
Bir telbalik ruhimga hokim,
Shunday hokim ruhimga sen ham.

Ohang oqar. Devorda surat:
Moviy dengiz ustida kema...
Tanholig-u o‘rtada hurmat,
Va sevgiga o‘xshash bir nima.

Men o‘ylayman, nedan boshlay gap,
Sen o‘ylaysan, ne qilay javob.
Na kuladi, na yig‘laydi qalb,
Qarashlarda yaxlagan sarob.

Butun kecha o‘ychan va sokin,
Xona ichra qolmishdik tanho.
Men demadim: “Sevaman seni”.
“Sevolmayman” demading sen ham.

Rauf Parfi

Rasm muallifi