Кўз очиб юмгунча жума келиб қолибди. Вақт шунақа тез ўтяптики, кўпинча унинг қадрини, ҳаётни англолмай қоласан киши. "Вой, бирпасда жума келибди-я!", деб, жумадан жумагача яшай бошладик.
Ўзимизча тузган режаларимизга улгурдикми, йўқми...
Кимдир бу жумагача етиб келмади. Ўша етиб келмаганлар ҳам эртаси, индини, бир ҳафта ва бир ой кейини учун режалар тузган, эҳтимол. Аммо энди на режа бор ва на унинг ўзи. Бир дақиқадан кейин нима бўлишини билмаймиз.
Қорин ғами ва чиройли ҳаёт ишқини четга суриб, ҳақиқий ва асил қадриятлар ҳақида ўйлаш вақти келмадими? Бошимизни кўтариб, атрофга қараб, англашимиз лозим бўлган нарсаларни англаб, хулоса қилиш учун ҳали ҳам кеч эмас. Эртага кеч бўлиши мумкин.
Бу ўзимга ҳам насиҳат.
Жумъа муборак!
@boburakmalov
