Musayev blogi

Tez bu sekin, ammo to'xtovsiz
2025-yil birinchi chorak hisoboti

Hayotimdagi ko'p jabhalarda motivatsiya ortidan keladigan inersiya bilan harakatlanishdan har qanday holatda ham kichik qadamlar bilan barqarorlik bilan harakatlanishga o'tganimdan beri yuqoridagi gap qanchalik to'g'ri ekaniga ishonch hosil qilib boryapman.

O'tgan 3 oy hayotimning juda ko'p jabhalarida jiddiy o'zgarishlarga moslashish va noaniqliklar davri bo'ldi.
- yangi joyda ish boshlash (butunlay yangicha muhitda)
- ayolimning vizasi javobini kutish va uning ortidagi ba'zi asabbuzarliklar
- dunyodagi birinchi raqamli uy-joy muammosiga uchragan joydan yangi uy topish
- haydovchilik guvohnomasi imtihoniga tayyorgarlik
- va shu o'rinda qadrdon loyihalar faoliyatini ta'minlash

Bularni barini o'ylash o'zi ancha bosim bergan bo'lsada qilishim kerak bo'lgan ishni aniq bilardim:

Shunchaki keyingi kuning va haftani reja qil va uni maksimal o'tkazishga haqida o'yla.

Bu davrda har doimgidek rejalarimni uzog'i bilan 70-80% ga bajarib kelgan bo'lsam ham, yuqoridagi barcha jabhalarda kamida o'zim xohlagandek natijalarga erisha oldim.

— O'zimga 3-3.5 baho bergan bo'lsam ham, menejerim birinchi 3 oydagi faoliyatimni ancha ijobiy baholadi. Ayniqsa shaxsiy vaziyatimni tushungan holatda
— Alloh omad berib, o'zim kutgandan ham yaxshiroq holatda va yaxshiroq narxda uy topa oldim
— Haydovchilik guvohnomasi testini 100% natija bilan yechib o'rganuvchi guvohnomasini qo'lga kiritdim
— Loyihamizda kutgandek o'sish qila olmagan bo'lsak ham hozirgi versiya haqida foydalanuvchilardan ham, mentorlardan ham va investorlardan ham juda ijobiy fikrlar eshitdik. Buyog'iga ana shu fikrlarni raqamlarga aylantirish qolyapti
— Eng muhimi esa 3 yildan beri birinchi marta Ramazon oyi bir qismi va Hayit bayramini oilam bag'rida o'tkazdim va birgalikda "qishlog'im"ga qaytdik

Postni yozishdan maqsad o'zim uchun tahlil va shukronalik bo'lsa, sizlarga sekin lekin to'xtovsiz yurish orqali qanchalik tez harakatlanish mumkin ekanligini yana bir bor eslatish.

Sizda yilning birinchi choragi qanday o'tdi?

#self_report #self_reflection

@Musayev_blogi

☪️ Ramazon Hayiti muborak bo'lsin!

@Musayev_blogi

5 yildan keyin o'zingni qayerda ko'rasan

Shu savolni mendan tahminan 2019-20-yillarda so'rashgani esimda. O'sha vaqtda "To'g'risi 5 yil ichida aniq qayerda bo'lishim va nimalar qilishni xohlashimni bilmayman. Lekin 5 yil keyingi hayotimni tahminan shunaqa tasavvur qilaman" deb bergan javobim aniq esimda:

Samalyotda chet eldan muhim bir biznes kelishuviga erishib uyga qaytyapman. Biroz charchaganman. Samalyot oynasidan tashqariga qarab tez orada meni kutayotgan oilam oldiga borishim haqida o'ylab ketyapman.

Bu gaplarni aytganimda hali o'qishni bitirmagan, kelajakka shunchaki yaxshi umid bilan boqib turgan yigit edim.

Hozir esa 2025-yil. Microsoftda karyeramning eng muhim qadamlaridan birini qo'ygan holda samalyotda uyga qaytyapman. Biroz charchaganman. Samalyot oynasidan tashqariga qarab, meni intiqlik bilan kutayotgan mo'jazgina oilam haqida o'ylab ketyapman...

Uzoq muddatdagi yaxshi niyatlaringizga qisqa muddatdagi aniq rejalaringiz orqali yetiladi.

#justthoughts

@Musayev_blogi

Ramazon chegirmalari

Ha aytgancha, Universal mentorlik kursiga muqaddas oy davomida juda katta bo'lmasa ham chegirma e'lon qilmoqchiman.

Chegirma asosan Essential paketi uchun. Chegirmaga asosan kurs narxi 999,000 so'm o'rniga 749,000 so'm bo'ladi va kurs narxini 2 ga bo'lib to'lash ham mumkin.

Basic paketi uchun 599,000 narxni o'zgartira olmasam ham uni faqat Ramazon oyi uchun 2 ga bo'lib to'lash imkonini bermoqchiman. Birinchi to'lovni qilsangiz, qolganini keyingi oylarda ham qilishingiz mumkin bo'ladi.

Qo'shimchasiga individual yordam sessiyalari narxini hozirgi bir soat uchun 200,000 so'mdan 125,000 so'mga tushiraman. Faqat bir haftada maksimum 3 ta sessiya qabul qilishim mumkin.

Chegirmalar Ramazon oyi va Hayit kuni (31-mart oxirgacha) davom etadi.

#mentorship #sales #news

@Musayev_blogi

Menimcha, erkak kishining ayol kishidan yaqqol ustun jihati — o'z hissiyotlari ustidan kuchliroq nazoratga ega ekanligida. Erkak shu nazoratni yo'qotgan vaqtidan boshlab uning ustunligi ham, hurmati ham tushib ketaveradi. Avvaliga ayol oldida, keyin esa hammaning oldida.

#justthoughts

@Musayev_blogi

Universal mentorlik kursi bo'yicha yangiliklar

O'tgan yili tahminan shu vaqtlarda ishga tushgan va o'zimdagi hozirgacha bo'lgan tajribaning katta qismi jamlangan ushbu kurs bo'yicha ba'zi yangiliklarni aytib o'tmoqchiman.

1. Bundan keyingi maxsus magistratura grantlari kurslari barchasi shu kurs ustiga quriladi. Ya'ni DAAD, Erasmus, Chevening yoki istalgan boshqa grant uchun kurs ochsam, bu videodarslar orqali siz eng asosiy bilimlarni olasiz, qo'shimcha onlayn darslar orqali esa men aynan o'sha grant uchun maxsus bilimlarni beraman. Bu orqali bir xil narsani 2-3 xil kursda takrorlash shart bo'lmaydi

2. Kurs uchun qabul doimiy ochiq bo'ladi. Kurs magistratura grantlari (yoki umuman ta'lim grantlari) haqida eng fundamental bilimlarni bergani sababli siz istalgan vaqtda kursga yozilib, u orqali o'zingizni to'g'ri tayyorlab borishingiz mumkin. Keyinchalik istalgan grant yoki karyera rejalaringizda bu bilimlar sizga foyda beradi.

3. Videodarslar o'zini ham olish mumkin. Kursga "Basic" paket qo'shildi. U orqali siz videodarslar o'zini oldingi 999,000 so'mdan ko'ra ancha arzonroq bo'lgan 599,000 so'mga olishingiz mumkin. Umumiy tayyorgarlik ko'rmoqchi bo'lganlar uchun bu foydali bo'lishi mumkin

4. Agar siz ma'lum grantga topshirish uchun olayotgan bo'lsangiz, unda Essential paketini olishingiz mumkin. Unda videodarslardan tashqari 3 ta individual sessiya ham bo'ladi va sessiyalar o'rtacha 150,000 so'mdan baholangan. Bu esa MentorGOdagi bittalik sessiyadan 50,000 so'm arzonroq

5. Kurs qatnashuvchilariga keyingi magistratura grantlari maxsus kurslari barchasiga chegirma beriladi. Aytganimdek, keyingi maxsus kurslar Universal mentorlik kursi ustiga quriladi. Shu sababli agar siz bu kursni olsangiz, unda keyingi maxsus kurslar barchasiga uchun kurs narxida chegirma taqdim qilinadi. Masalan, kurs o'quvchilari hozirgi Erasmus + GOI-IES kursiga 499,000 so'm chegirma bilan qatnashishi mumkin. Keyingi kurslarga ham huddi shu kabi chegirmalar beriladi. Bu esa siz bitta kontent uchun qayta-qayta pul to'lamasligingizni ta'minlaydi.

6. Narxlar barcha joylarda bir xillashtirildi. Kursni endi Skillupdan olsangiz ham yoki o'zimizdan olsangiz ham bir xilda narxda olishingiz mumkin. Chegirmalar ikkala holatda ham ishlaydi.

7. Kurs kontenti doimiy yangilanib boradi. Kurs eng fundamental bilimlarni bergani va barcha keyingi kurslarda foydalanilgani sababli uning kontentini doimiy yangilab borishni reja qildim. Mart-Aprel oylarida uning katta qismini qayta yozib chiqmoqchiman.

Qo'shimcha savol va takliflaringizni izohlarda qoldiring!

#magistratura #scholarships #mentorship

@Musayev_blogi

Futbol bo'yicha eng faxrlanishga arziydigan terma jamoamiz.

@Musayev_blogi

Tadqiqot va ilmiy ish

Mendan eng ko'p so'raladigan savollardan biri "Maqola yozsam grant yutishimda yordam beradimi?" yoki "Mana bu maqolalarimni qo'shsam imkoniyatim oshadimi?" degan savol. Lekin ulardan "Bu maqola orqali o'zi nimani tadqiq qilmoqchisan?" yoki "Yozgan maqolangdan nimani tadqiq qilib qanday xulosa qilding?" deb so'rasam uyog'i sukunatning 100 yili bo'lib ketadi.

Boshqa tomondan men kurslarda oxirgi paytlarda eng ko'p urg'u berayotgan narsa — bu tadqiqot olib borish.


Ilmiy ish

Bizda ko'pincha ilmiy ish deganda bu faqatgina doktorantura uchun qilinadigan, hech kim nima bo'layotganini tushunmaydigan va egasidan boshqa hech kimga foydasi tegmaydigan qog'ozlar uyumi tushunib qolingan. Maqola ham hisobda uning kichik "ukasi".

Lekin har qanday ilmiy ish ma'lum bir tadqiqot ustiga quriladi. Ya'ni avval nimadir tadqiq qilinadi, har tomonlama o'rganiladi va yakunda aniq xulosalar beriladi. Qisqa qilib aytganda, ilmiy ish tadqiqotning yakuniy hisoboti xolos.


Nima uchun tadqiqot muhim?

Oldinlari o'zimdagi xatlarimda ham "yaxshilayman", "o'zgartiraman", "qayta quraman" kabi liderlik hidi ufurib turgan gaplar juda ko'p bo'lardi. Lekin keyinchalik o'ylab qoldim "Nimani yaxshilayman?", "Qanday o'zgartiraman?", "Aslida kerakmi bu?".

Oddiy va shaxsiy tajribamda eng ko'p uchraydigan misol keltiraman. Juda ko'pchilik bizda hozir tillarni o'rganish eski usullarda qolib ketgani, uni yangilash, yaxshilash va zamonaviy usullarni olib kirish kerakligini aytishadi. Men esa har doim "Eski usullar samarasiz ekanini qanday o'lchadingiz?", "Yangi usullar samarali ekanini qanday bilasiz?" degan savollarni qo'yaman.

Yoki yanayam oddiyroq qilib agar siz ingliz tili o'qituvchisi bo'lsangiz, ikkita deyarli bir xil darajadagi guruh biriga eski (grammatika, so'z yodlash, test ishlash) usulda va boshqasiga zamonaviy usulda (gapirtirib, kino ko'rsatib, o'yin o'ynatib, qiziqtirib) dars o'tib ko'ring va 3-6 oy davomida ulardagi progressni kuzatib boring. Oxiri ma'lum muddatdan keyin (1-2 yil) bir xil darajadagi imtihondan qanday o'tishlarini solishtiring va undan keyin xulosa bering deb taklif qilaman.

"Agar shunday qilsangiz qaysi guruh yaxshiroq natija qiladi deb o'ylaysiz?" desam juda ko'p holatlarda "Birinchi guruh bo'lsa kerak" degan o'z-o'zini inkor qiladigan javob olaman :)

Bu bizga nima xulosa beradi? Birinchi usul aslida ikkinchisidan yaxshiroq ekaninimi? Yo'q — bu biz biror bir narsa ustida to'g'ri tadqiqot o'tkazmasdan turib o'z instinktimiz bo'yicha xulosa qilsak, xato qilishga juda moyil bo'lishimizni bildiradi.


Tadqiqot qilishni o'rganing

Boshidagi savolga qaytadigan bo'lsak. Agar siz nafaqat CVingizda yoki motivatsion xatingizda ajralib turadigan ish qilmoqchi, balki o'z bilimlaringizni chinakamiga o'stirmoqchi bo'lsangiz, u holatda ishni o'z sohangizda kichik tadqiqotlar qilishdan boshlang.

O'zingiz to'g'ri deb o'ylayotgan fikr qanchalik to'g'ri yoki noto'g'ri ekanini sinab ko'rishga intiling. Oldindan nimani o'lchashni, qanday o'lchashni to'g'ri qo'yib oling. U bo'yicha yetarlicha ma'lumot (data) to'plang. Uni tahlil qiling, vizualizatsiya qiling va yakunda xulosalaringizni maqola bo'lmasa ham "oddiy" Medium post qilib yozib chiqing.

Ana shu ish sizga har qanday zo'rma-zo'raki yozilgan maqoladan foydali bo'ladi deb ishonch bilan ayta olaman.

Afsuski bizda hozir "ilmiy ishlar" juda ko'p, lekin tadqiqotlarni topib bo'lmaydi

Ha aytgancha, yuqorida aytgan tadqiqotimni ham hali hech kim qilib ko'rmagan :)

#career_development #academic_life #scholarship_tips

P.S: Postim ikkinchi qismida Toshkent havosi ifloslanishi haqidagi misol haqida aytib o'taman...

@Musayev_blogi

O'zingizni munosib ekaningizni ko'rsatish

Deyarli barcha grant va stipendiya dasturlarida sizdan so'raladigan asosiy narsalardan biri — bu o'zingizni munosib ekaningizni ko'rsatish.

Ko'pchilik bu narsani "Dasturga yoki grantga qay darajada munosib ekanligimni ko'rsatishim kerak. Boshqalardan qanchalik ustunligimni ko'rsatishim kerak" deb o'ylaydida o'zlarining yutuqlarini gapirishga urg'u berishadi.

Lekin uzoq muddatli dasturlarda (magistratura+) men savolni "O'z maqsadlaringizni amalga oshirish uchun o'zingizni qanchalik munosib deb bilasiz? Va bizning dastur yoki stipendiya bunga qanchalik munosib?" deb tushunilishini xohlardim.

Agar siz o'z maqsadlaringizni amalga oshirish uchun o'zingizni munosib ekaningizni ko'rsata olsangiz va boshqa tomondan dastur ana shu maqsadingizga qanchalik munosib ekanini ochib bera olsangiz siz avtomatik tarzda "Men dasturga qanchalik munosibman?" degan savolga javob bergan bo'lasiz.

Eng muhimi bu qarash sizni boshqa nomzodlar haqida to'liq unutib, aynan o'zingiz bilan o'zingiz raqobatlashishga undaydi. Rostdan ham siz hali o'z maqsadingiz uchun munosib bo'lmasangiz, boshqalar bilan kim o'zar o'ynashdan nima ma'no? To'g'rimi?

Bu xulosa esa grantlarga nomzod bo'lib yurgan paytlarimda emas, nomzodlar ishini mentor sifatida baholashni boshlaganimdan keyingi 3 yillik tajribadan keyingi oxirgi 1-2 oyda paydo bo'ldi :)

Tez orada magistratura bosqichi grantlari bo'yicha "Universal mentorlik kursi" bo'yicha ba'zi yangiliklarni ham e'lon qilmoqchiman.

Stay tuned!

#magistratura #scholarships #application_tips #mentorship

@Musayev_blogi

Maqola yozish va chop etish juda ko'pchilik uchun bosh og'riq ekanini bilaman. Bitta maqolani chiqartirishga 200,000 so'mdan ko'proq pul sarflanishi ham hech kimga sir emas.

Lekin ko'p holatda maqola mualliflari o'zi bu jarayon haqida tasavvurga ham ega bo'lmaydi. Bu kurs esa sizga yaxshi boshlang'ich nuqta bo'lib berishi mumkin. Shundan keyin o'zingiz sohaga chuqurroq kirib SCOPUS jurnallarida xalqaro darajada ham maqola chiqarish darajasiga chiqib olishingiz mumkin.

Kurs egasi ham o'zimga o'xshagan perfeksionist va bu kursning 2-mavsumi. Pulingizga yarasha bilim olasiz deb ishonaman.

Qatnashinglar. Tavsyu :)

#tavsyu #ixtiyoriy_majburiy

@Musayev_blogi