Korrupsiyaga qarshi kurashish agentligi direktori Аkmal Burxanov boshchiligidagi Oʼzbekiston delegatsiyasi Ostona shahrida (Qozogʼiston) boʼlib oʼtayotgan BMTning Korrupsiyaga qarshi konvensiyasini Markaziy Osiyoda jadal amalga oshirish boʼyicha Mintaqaviy platforma aʼzolarining yillik konferensiyasida ishtirok etmoqda.

Konferensiyada oʼtgan davr mobaynida amalga oshirilgan ishlarni sarhisob qilish, platforma faoliyatini yanada takomillashtirish masalalari boʼyicha taklif va tavsiyalar ishlab chiqish, kelgusidagi maqsad va vazifalar belgilab olinadi.

Shuningdek, korrupsiyaga qarshi kurashish sohasida xalqaro standartlarni implementatsiya qilish boʼyicha oʼzaro tajriba almashish yuzasidan uchrashuvlar bo’lib o’tadi.

Shu maqsadda Аgentlik direktori Аkmal Burxanov va Gongkong Korrupsiyaga qarshi kurashish boʼyicha mustaqil komissiyasi (ICAC) rahbari hamda Korrupsiyaga qarshi kurashish idoralari xalqaro assotsiatsiyasi (IAACA) prezidenti Denni Ying Ming Vu boshchiligidagi delegatsiya aʼzolari bilan ikki tomonlama uchrashuvi boʼlib oʼtdi.

Uchrashuvda ICAC va Аgentlik oʼrtasida samarali hamkorlikni yoʼlga qoʼyish jumladan, korrupsiyani aniqlash, tergov qilish, moliyaviy nazorat, korrupsiyaga qarshi oʼqitish va boshqa sohalarda hamkorlikni takomillashtirish yuzasidan oʼzaro Аnglashuv Memorandumini imzolashga kelishildi

.

Konferensiya oʼz ishini 1 noyabrgacha davom ettirmoqda.

Каналга аъзо бўлинг 👇👇👇

  🇺🇿 Мудофаа ва Хавфсизлик 🇺🇿