MUDOFAA va XAVFSIZLIK 🇺🇿

Профилактик ҳисобга қўйиш асослари мақбуллашади

Қонунчилик палатасининг  2025 йил 25 февральдаги  бўлиб ўтган мажлисида «Ҳуқуқбузарликлар профилактикаси тўғрисида»ги Қонунга ўзгартириш киритиш ҳақидаги қонун лойиҳаси биринчи ўқишда қонцептуал жиҳатдан қабул қилинди.

Қонун лойиҳасига кўра:

Қонун “профилактик ҳисоб” ҳамда “профилактик ҳисоб ахборот тизими” тушунчалари билан тўлдирилмоқда;

Шахсни профилактик ҳисобга қўйиш асослари янгиланиб қуйидагича белгиланмоқда:

ваколатли орган ёки мансабдор шахснинг ушбу Қонунда назарда тутилган маъмурий ҳуқуқбузарликлар бўйича маъмурий жазо қўллаш тўғрисидаги қарори;
суднинг қонуний кучга кирган айблов ҳукми;
шахснинг жазони ижро этиш муассасасидан озод қилинганлиги тўғрисидаги маълумотнома;
пробация ҳисобидан чиқариш тўғрисидаги қарор;
суднинг маъмурий ҳуқуқбузарликлар учун муайян муддатга транспорт воситаларини бошқариш ҳуқуқидан маҳрум этиш тўғрисидаги қарори.

Бир шахсни профилактик ҳисобга қўйиш учун бир қанча асослар мавжуд бўлган тақдирда, асосларнинг ҳар бири бўйича алоҳида-алоҳида профилактик ҳисобга олиш амалга оширилади.

Шахс профилактик ҳисобга қўйиш учун профилактик ҳисобга олиш ахборот тизимига киритилган кунда ички ишлар органлари томонидан электрон шаклда профилактика иши очилади.

Профилактик ҳисобга олиш учун масъул бўлган шахс шахсни профилактик ҳисобдан чиқариш тўғрисида туман (шаҳар) ички ишлар органи бошлиғи томонидан тасдиқланадиган электрон шаклда қарор қабул қилади.

❌Профилактик ҳисобда юритиладиган шахслар қаторидан қуйидагилар чиқариб ташланмоқда:

шахсга нисбатан суднинг жазо тайинланмаган айблов ҳукми қонуний кучга кирган шахслар;
шахсга нисбатан қамоққа олиш билан боғлиқ бўлмаган эҳтиёт чораси танланган жиноят содир этишда айбланувчиларга;
айбдорлик тўғрисидаги масала ҳал қилинмасдан туриб ўзига нисбатан жиноят иши тугатилган ёхуд реабилитация қилмайдиган асослар бўйича жиноят ишини қўзғатишни рад этиш тўғрисидаги қарор чиқарилган шахсларга.

Каналга аъзо бўлинг 👇👇👇

  🇺🇿 Мудофаа ва Хавфсизлик 🇺🇿

ДХХ : Япония давлатига ишга юбориш билан боғлиқ ноқонуний ҳолатлар аниқланди

Бугунги кунда Жанубий Корея, Германия, Буюк Британия, Туркия каби ривожланган давлатларга бориб, юқори даромадли ишларда меҳнат қилаётган фуқароларимиз сони тобора ортиб бормоқда.
Бу борадаги ишлар самарадорлигини янада ошириш, меҳнат миграцияси тизимини ислоҳ қилиш мақсадида, 2024 йилнинг 17 октябрида Ўзбекистон Республикаси Вазирлар Маҳкамаси ҳузурида Миграция агентлиги ташкил этилди ва ягона миграция сиёсатини олиб борувчи давлат ташкилоти сифатида белгиланиб, унга фуқароларни хорижга хавфсиз, тартибли ва ташкилий тарзда ишга юбориш ҳамда уларнинг чет элда бўлган даврларида қонуний манфаатларини ҳимоя қилиш, уларга ҳуқуқий, ижтимоий ва моддий ёрдамлар кўрсатиш бўйича алоҳида вазифалар юклатилди.
Ҳозирда хорижда ишламоқчи бўлган фуқароларга Миграция агентлиги ҳамда тегишли лицензияга эга 18 та хусусий бандлик агентликлари хизмат кўрсатмоқда.
Лекин, шунга қарамасдан, фуқароларни хорижга ишлаш учун осон ва тез юборамиз дея ишончига кириб, уларнинг пул маблағларини ўзлаштирмоқчи бўлаётган қўштирноқ ичидаги ишбилармонлар ҳам кўпайиб бормоқда.

Жумладан, Андижон шаҳрида яшовчи, 1990 й.т. шахс фуқароларни Япония давлатига ишга юбориш бўйича ижтимоий тармоқлар орқали эълон тарқатиб, кўпчиликнинг ишончига киради.
Аммо, у Тошкент шаҳрида истиқомат қилувчи фуқарони амалдаги тартиб-қоидаларни четлаб ўтган ҳолда, Япония давлатига ишлаш учун юбориш эвазига 7400 АҚШ доллари олган вақтида Давлат хавфсизлик хизмати ва Бош прокуратура ҳузуридаги Департамент ходимлари томонидан ашёвий далиллар билан ушланди.
Унга нисбатан Жиноят Кодексининг 168-моддаси 2-қисми “а” банди билан жиноят иши қўзғатилди.

Бошқа ҳолатда эса Андижон вилоятининг Олтинкул туманида яшовчи, 1995 й.т. шахс ва унинг Тошкент шаҳрида истиқомат қилувчи, 1995 й.т. таниши ўзаро тил бириктириб, пойтахтлик фуқаронинг ишончига киришади.
Улар мансабдор танишлари орқали фуқарони Япония давлатига ишга юбориш эвазига 2500 АҚШ доллари талаб қилишади.
Ҳуқуқни муҳофаза қилувчи органлар томонидан ўтказилган тезкор тадбирда улардан бири – яъни, Тошкент шаҳрида яшовчи, 1995 й.т. шахс сўралган пул маблағини олган вақтида ашёвий далиллар билан ушланди.
Қонунбузарларга нисбатан Жиноят Кодексининг 168-моддаси 2-қисми “а” банди билан жиноят иши қўзғатилди.

Фуқароларимиздан Миграция агентлиги ҳамда тегишли лицензияга эга 18 та хусусий бандлик агентликларидан ташқари, ҳар қандай шахслар ёки тадбиркорлик субъектлари томонидан чет элга ишга юбориш бўйича билдириладиган асоссиз таклифларга алданиб қолмасликларини сўраб қоламиз.
Хорижий давлатларга қонуний тартибда ишлаш учун бормоқчи бўлган ватандошларимиз “xorijdaish.uz” электрон платформасидан зарур маълумотларни олишлари мумкин.
Бундан ташқари, Миграция агентлигининг 1282 ёки 71-200-00-61 рақамларига қўнғироқ қилишлари, шунингдек, унинг ҳудудий филиалларига ташриф буюриб мутахассислардан бепул маслаҳатлар олишлари мумкин.
Чет элда ёрдамга муҳтож бўлиб қолган фуқароларимиз эса 17 та давлат ҳудудидан халқаро чиқиш кодлари орқали 1282 қисқа рақамига тўғридан-тўғри бепул қўнғироқ қилиб, амалий ёрдам олишлари мумкин.

Каналга аъзо бўлинг 👇👇👇

  🇺🇿 Мудофаа ва Хавфсизлик 🇺🇿

Энди «темир Ботир» ФВВда!

Ҳарбий прокуратурада суяги қотгани учун «темир Ботир» дея ном орттирган Қудратхўжаев Ботир Бахромовичнинг карьера йўлини маълумот ўрнида ва ёшларга мотивация бўлиши учун эътиборингизга ҳавола қиламиз:

– 1975 йилда Тошкент шаҳрида туғилган.

– 1997 йилда Тошкент давлат юридик институтини тамомлаган.

– 1997 йили Ўзбекистон Ҳарбий прокуратураси кадрлар бўлими иш юритувчиси сифатида бошлаб, 2000 йилдан Фарғона ҳарбий прокуратураси терговчи-криминалисти, 2001 йилдан Тошкент ҳарбий прокуратураси катта терговчиси, бўлим ҳарбий прокурори лавозимида меҳнат қилган.

– 2003 йилдан Ўзбекистон ҳарбий прокурорининг кадрлар бўйича ёрдамчиси, 2004 йилдан Фарғона ҳарбий прокурорининг ўринбосари, 2006 йилдан Ўзбекистон ҳарбий прокурорининг катта ёрдамчиси лавозимларида фаолият олиб борган.

– 2010–2012 йилларда Шарқий ҳарбий округ ҳарбий прокурори.

– 2012-2014 йилларда Ўзбекистон ҳарбий прокурорининг биринчи ўринбосари.

–2014-2016 йилларда Сурхондарё вилояти прокурори.

– 2016-2017 йилларда Тошкент шаҳар прокурори.

–2017-2020 йилларда Ўзбекистон Бош прокуратураси ҳузуридаги Мажбурий ижро бюроси директори.

–2020-2022 йилларда Хоразм вилояти прокурори.

–2022 йил ноябридан 2025 йил 24 февраль кунига қадар Бош прокурор ўринбосари – Ҳарбий прокурор.

2025 йил 25 февралда Ўзбекистон Республикаси фавқулодда вазиятлар вазири лавозимига тайинланди.

Президент Фармонига асосан генерал-майор ҳарбий унвони берилди.

Каналга аъзо бўлинг 👇👇👇

  🇺🇿 Мудофаа ва Хавфсизлик 🇺🇿