Андижон ҳокими кимга бунчалик ишонади?
Ўзбекистонда вилоят ҳокими президентдан кейинги одамдек гап. Чунки унга топширилган халқ бор.
Бу дегани аслида катта масъулиятдир. Чунки давлат раҳбарининг ишончини оқлаш халқ меҳрини қозонишдан-да оғирроқ. Асло аксинча эмас.
Кимдир бу мансабдан тўғри йўлда фойдаланади (ундай ҳокимлар бор), кимдир эса ўзидан валломат ясаб, кўзини ёғ босиб, бошқаларни яхши кўрмай қолади.
Доимо жамоатчилик эътибори ва эътирози бўйича иккинчи ўринда турган Шуҳрат Абдураҳмонов сўнгги кунларда яна авжига чиқмоқда. (Биринчи ўринда Жаҳонгир Ортиқхўжаев, буни биласизлар.)
У катта пулга дунё юлдузларини чақириб (қанча пул кетганини суриштиряпмиз), унга журналистларни таклиф қилиб, яна камига "қўлингдан ҳеч нима келмайди" деб ҳақорат қилган. (Ҳар қандай журналист учун бу ҳақорат!)
Айтганча, журналистларни ҳақорат қилишда ҳам (Ортиқхўжаевдан кейин) иккинчи ўринга чиқиб олди. (Ишқилиб биринчиликка интилмасин.)
Бу қадар сурбетлик нимадан, биласизми? Ўзига ё ортида турган кимгадир катта ишончдан. Ҳоким ўзига ишонса, аксинча халққа қайишади. Демак, ортида кимдир бор, деб ўйлайди. Юқорида айтдик, ҳокимларнинг ортида фақат президент туради.
Ўтган йили айнан шу ҳоким хурмача қилиқлари билан неча кўзга тушиб, ишдан кетишига бир баҳя қолганди.
Журналистларни истаганича ҳақорат қиладиган ҳокимга эслатиб қўймоқчимиз: Шавкат Мирзиёев журналистларга қарата кўп бор айтган – "сизларнинг ортингизда ўзим турибман!".
Шуҳрат Абдураҳмоновнинг ортида президент турган бўлиши мумкин, аммо буни ҳеч ким айтмаган ва эшитмаган. Ўзидан ўзи хулоса ясаб, ортимда президент турибди, дейишни ёш бола ҳам билади. Чунки халқ ўз юртбошисига суяниши ва ишониши табиий ҳол.
Вилоят ҳокими матбуот котиби, овора бўлиб раддия ёзманг, барибир ўхшатолмаяпсиз.
@media24uz
Ўзбекистонда вилоят ҳокими президентдан кейинги одамдек гап. Чунки унга топширилган халқ бор.
Бу дегани аслида катта масъулиятдир. Чунки давлат раҳбарининг ишончини оқлаш халқ меҳрини қозонишдан-да оғирроқ. Асло аксинча эмас.
Кимдир бу мансабдан тўғри йўлда фойдаланади (ундай ҳокимлар бор), кимдир эса ўзидан валломат ясаб, кўзини ёғ босиб, бошқаларни яхши кўрмай қолади.
Доимо жамоатчилик эътибори ва эътирози бўйича иккинчи ўринда турган Шуҳрат Абдураҳмонов сўнгги кунларда яна авжига чиқмоқда. (Биринчи ўринда Жаҳонгир Ортиқхўжаев, буни биласизлар.)
У катта пулга дунё юлдузларини чақириб (қанча пул кетганини суриштиряпмиз), унга журналистларни таклиф қилиб, яна камига "қўлингдан ҳеч нима келмайди" деб ҳақорат қилган. (Ҳар қандай журналист учун бу ҳақорат!)
Айтганча, журналистларни ҳақорат қилишда ҳам (Ортиқхўжаевдан кейин) иккинчи ўринга чиқиб олди. (Ишқилиб биринчиликка интилмасин.)
Бу қадар сурбетлик нимадан, биласизми? Ўзига ё ортида турган кимгадир катта ишончдан. Ҳоким ўзига ишонса, аксинча халққа қайишади. Демак, ортида кимдир бор, деб ўйлайди. Юқорида айтдик, ҳокимларнинг ортида фақат президент туради.
Ўтган йили айнан шу ҳоким хурмача қилиқлари билан неча кўзга тушиб, ишдан кетишига бир баҳя қолганди.
Журналистларни истаганича ҳақорат қиладиган ҳокимга эслатиб қўймоқчимиз: Шавкат Мирзиёев журналистларга қарата кўп бор айтган – "сизларнинг ортингизда ўзим турибман!".
Шуҳрат Абдураҳмоновнинг ортида президент турган бўлиши мумкин, аммо буни ҳеч ким айтмаган ва эшитмаган. Ўзидан ўзи хулоса ясаб, ортимда президент турибди, дейишни ёш бола ҳам билади. Чунки халқ ўз юртбошисига суяниши ва ишониши табиий ҳол.
Вилоят ҳокими матбуот котиби, овора бўлиб раддия ёзманг, барибир ўхшатолмаяпсиз.
@media24uz