🌷🌷
🌿Фаолиятим муаллимлик бўлганлиги ва касбимни ўта даражада севганим боис, йиллар давомида кўп саволлар туғилар, ва дарслардаги камчиликларни доим ислоҳ қилишга интилардим. Кўп саволларимнинг жавоб-у ечимини Аллоҳ билдирган эди, аммо бир савол яқин-яқингача ҳам ҳеч жавобини топмас эди. "Илм ёлига қадам қўйган, устоз тутган, муъайян ёлига эга ва унга муҳаббати бўлган толиби илм нима сабабдан дарслардан четлашиши мумкин?? Қандай буюк сабаб бўлиши мумкинки илм олиб турган жойини тарк қилиши учун!?.." Ҳеч ўйлаб ўйимга етолмас эдим. Моддий сабаб десалар бу тарафдан ҳеч бир қаттиқ талаб қўйилмаса, устознинг ҳаддан ортиқ қаттиққуллиги ё қўполлигини, дарс материаллари қийинлигини баҳона қилиб бўлмаса, манфаат кўрмаётганини ҳам сабаб қила олмаса, уйдагилари зўрлаб имкониятини тортиб олмаса? Унда қандай буюк сабаб болиши мумкин? дер эдим ўзимга. Шунчалар кўп ўйлаганимдан Аллоҳ ўзи қаршимдан жавобини чиқарди. Юқоридаги Устознинг сўзлари ва бу оятлар кифоя қилди..
أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ
وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ
◀️Одамлар «Иймон келтирдик», дейишлари ила синалмай, тарк этилишларини ўйладиларми?▶️
◀️Ва, батаҳқиқ, Биз улардан олдингиларни ҳам синовдан ўтказганмиз. Бас, Аллоҳ, албатта, содиқ бўлганларни ҳам билажак, ёлғончиларни ҳам билажак▶️
🤎Бу дунё - ғамхонадир, ундан роҳатни, бахтни, сакинатни кутиш хато. Дунё бахт ва роҳат учун яралмаган. Ҳар бир инсон учун синов қилиб берилган бу дунёда иймонини сақлаб қолиш, Аллоҳ учун умрини ибодат, илм ва сабр устида ўтказиш айни ғолибликдир. Иймон неъмати - барчасидан улуғ неъмат. Қилаётганларимизда қалбимизни туб-тубидан қатъият ила собитмизми ёки иймон фақат бўғзимиздан нарига ўтмаганми, буни синаш учун Аллоҳ муҳаббати ила синовлар юборади. Асло ўйламанг-ки иймон келтириб, ибодатларда қоим бўлиб, қалбда фақат Аллоҳни устун қўя олиш осон деб.
🕰 Илм олишда ҳам муъайян ёлни ва устозни тутиб унда мустақим бўлиш осон эмас. Иллоки қилган орзуларини аниқ мақсадга айлантириб, шу ёлда нафсини, шайтонни, дангасалигини енгиш учун Аллоҳдан тауфиқ сўраб курашаётганлар мустасно. Қанчалар муҳаббатингиз кўп, устоз ҳам ўз соҳасида профессионал, ресурс ва имкониятларингиз мўл-кўл бўлмасин, орзуларингиз орзулигича қолиб кетар экан бу ёлда мустақим бўлмаслигингиз аниқ. Менинг ҳаётдаги шиоримни сўрашса "Иймон бўлса - имкон топилади" дейман. Иймон, хоҳиш, ҳаракат, сабабиятлари баъри жам бўлса имкон шубҳасиз дои
м топилади. Ва шунинг акси, агар ҳар нени баҳона қилавериб, фақат ширин орзуларингиз ичида сузиб юрадиган бўлсангиз Аллоҳга қасам уларга ҳеч қачон етишмайсиз. Хоссатан устозларимизнинг илм олишдаги танбеҳларини доим таъкидлайман:
Илмга борингизни бермагунингизча илм сизга ҳеч нима бермайди!
🌺☕️ Илм - ёл-ёлакай, вазиятдан келиб чиқиб, имкон бўлганда, болалар тинчиганда, нафс ва жисм роҳати ила ўрганилмайди, илм фидокорликни талаб қилади! Илмдан луқмага эришиш учун албатта бирор нарсани фидо қилишингиз шарт! Давомли ва қатъиятли бўлмаслик, устоздан устозга сакраш, вазифалар дарсдан бир неча соат аввал бажарилиши, 4-5 ойни кўп санаб қолиб кеттим деб ўйлаш айни илмга ҳурматсизлик, ҳиммат ҳамда иймоннинг сустлигидир.
Жабр кўраётгани нафсингиз эмас дарсларингиз, топилаётганлари имкон эмас баҳоналар, сабаб қилинаётганлари "мотивация" камлиги экан, унда сиз ҳали илмда бирор даражага эришиш учун таййор эмас экансиз, ва илм ҳам сизга арзирли ҳеч нима бермайди. Денгизга бориб фақат бармоғингизни ҳўллаб келгани
нгизни билмай ҳам қоласиз, сизга айтсам.
➡️Ҳа айтганча, мот
ивация тушиб кетиши олаётган илмига қанчалар муҳтожлигини англамаганликдан ва ҳиммат сустлидиган бошқа нарса эмас. Бу ёлда эса, шайтоннинг васвасасига енгилиш кучсизларнинг иши. Шу босқичдан ўтиб олинса илм олишда мустақим бўлиш анча енгиллашади биизниллаҳ.
Ҳарфларнинг ҳам лимити тугади^^ давоми кейинги постда.
