Avtofokus metodi

Ushbu metodni qo'llashda sizga qizil va sariq rangdagi kartochka kerak bo'ladi. Sinfdagi o'quvchilarning har biriga ushbu kartochkalarni tarqatib chiqasiz. Albatta, buni dars boshida amalga oshirasiz.
So‘ngra dars mobaynida to‘satdan savol berib qolasiz, demak savollar quyidagicha:
qizil kartochkasi borlar o‘rnidan tursin va mavzu yuzasidan biror savolni turgan o‘quvchilardan istalgan biriga berasiz. Javob topa olishsa, ushbu kartochkasi bor guruhga bir ball qo‘shib qo‘yasiz.
Keyin yana to'satdan sariq kartochkasi borlar o‘rnidan tursin deysiz va yuqoridagi kabi, sariq kartochkasi bor o'quvchilarga mavzu yuzasidan savol berasiz. Shu daraja darsning so'ngigacha bir necha marta shunday usulni qo'llaysiz.
Natijada dars mobaynida barcha o‘quvchilar hushyorlikda bo‘lishadi. Bu usul o‘quvchilarni harakatga keltirish ya’ni o‘rinlaridan turish jarayonida darsga bo‘lgan qiziqish signallarini orttiradi.
Qolaversa, istalgan o‘quvchiga beriluvchi savollar barchani mavzu yuzasidan diqqat bilan eshitishga majbur qiladi. Bu jarayonda bellashuv ham ketmoqda! O‘quvchilar o‘zaro bellashish orqali ixtiyoriy darsga diqqatlarini qaratishadi.

https://t.me/mahoratlipedagog
https://t.me/mahoratlipedagog
https://t.me/mahoratlipedagog