O'tgan davrlarda yashamagan bo'lsam ham shuncha o'qigan badiiy kitoblarim va o'sha davrlarni ifodalaydigan klassik kinolar bergan tasvirlar bilan hozirgi davrni qiyoslab bitta kichik xulosa qilaman:

Oldingi davrni yigirma yoshlisida hozirgi davrni yigirma yoshlisidek bilim, diniy tushunchalar, ma'lumot bo'lmagan bo'lsa ham oldingilar hozirgilardan ancha mas'uliyatli bo'lgan.

Ular oilani boqa olgan, ro'zg'orni ta'minlagan. Hozirgi diaspora ya'ni siz bilan bizda faqat quruq gap-so'z bor, xolos. Shoshqaloqmiz. Tez qaror qilamiz. Ijtimoiy tarmoqlar bilan yashaymiz. Baxt illuziyasiga aldanamiz.

Ajrimlarga asosiy sabab o'zini hayotini boshqalar bilan solishtirish natijasida hayotidan, turmushidan qoniqmaslik bo'lsa kerak. Avvalgilar nari-borsa mahallasidagi xotinlar bilan raqobatlashgan.

Avvalgilar davrida bo'lgan mahalladagi duv-duv gap bilan hozirgi ijtimoiy tarmoqlardagi trendlarning oilalarga ta'siri yer bilan osmoncha farq qiladi. Global dunyoda hech narsaga cheklov qo'yib bo'lmaydi.

Umumiy qoida: filtrlashni va fikrlashni o'rganing, kadr ortini ko'rmasdan xulosa qilmang, baxtli oila illuziyasiga aldanmang, orzular o'zingizniki bo'lsin, blogerlar bilan yashamang, ularga havas qilmang.

@legal_mind