LEGAL MIND

O'n sakkizdan keyingi har bir yosh yoqmay qolarkan odamga...

Erkaklarning kechqurun uxlamasdan futbol ko'rishi — ayollar uchun, ayollarning esa shoshilib turgan tig'iz vaqtda soatlab makiyaj qilishi — erkaklar uchun erish tuyilsa kerak:)

@legal_mind

Shunchaki, ko'rgim keldi seni shunchaki,
Garchi sevging yolg'on bo'lsa hamki,
Yana ko'rgim keldi shunchaki...

Diqqat bilan o'qib chiqib fikringizni bildiring:

O'zbekiston qachon rivojlanib ketadi degan savolga, qachonki talabalar o'z sohasiga oid kitoblarni bir necha karrasiga ko'p o'qishni boshlasa deb javob berish mumkin.

Bizda talabalar tabiiyki, badiiy adabiyotlarni ko'p o'qiydi. Sababi, ilmiy kitoblar deyarli yo'q. Juda eski kitoblar qolgan. Sohasiga oid kitobni topa olmaydi.

Shuning uchun, davlat tarjima adabiyotiga qattiq e'tibor qaratishi kerak. Hatto tarjima markazi ochilib, u yerda eng yaxshi tarjimonlarga baland maosh belgilab, doimiy faoliyatni yo'lga qo'yish kerak.

Ishoning, dunyoda siz hozir universitetda o'tayotgan har bitta faningizning har bitta mavzusiga oid kitoblar, researchlar chiqadi. Bizda salohiyatli tarjimonlar ham yetarli.

Xullas, shunaqa gaplar. Fikrimga qo'shilsangiz bitta olovcha: 🔥

@legal_mind

Shu kungacha ozmi ko'pmi kitob o'qigansiz, diqqat savol: o'qigan barcha kitoblaringiz ichida sohangizga oid kitoblarni ko'proq o'qiganmisiz yoki nosohaviy ya'ni badiiy, har xil yo'nalishdagilarnimi?

Blog yuritinglar. Bloger bo'lish uchunmas. Kimgadir taqlid qilish uchunmas.

Eng kamida yozish orqali fikrlar tiniqlashadi, aniq bitta qolipga tushadi. Xotira qoladi. Besh yil oldin nimalarni o'ylaganingizga qaraysiz.

Kommentda hamma o'zini kanaliga link tashlab ketishi uchun post:

Matritsa degan kinoni ko'rmaganman-u lekin bu so'zni tahminan qanday ma'nolarda ishlatilishini bilsam kerak. Yoshlar fikrlashida uch xil daraja bo'lsa kerak.

Birinchisi mahalliy daraja. Bu viloyatidan, tumanidan chiqmasdan yurganlar darajasi. Ular bilan kamroq summalarni, ko'proq odamlarni, G'ishmat qancha pul topayotganini muhokama qilasiz.

Ikkinchisi o'rta daraja. Ko'proq Toshkentga o'qish uchun kelib, shu yerdagi atmosferaga moslashganlar, shaharlikdek yashashni boshlaganlar darajasi. Ular bilan karyera, yuqori summalar, g'oyalar, rejalar haqida gaplashasiz.

Uchinchisi yuqori daraja. Bunga ko'proq o'ta rivojlangan davlatlarda o'qish yoki ishlash bahonasida yurganlar kiradi. Masalan, AQSH, G'arbiy Yevropa, Koreya yoki Yaponiyadagi tanishlaringiz yaqqol misol bo'la oladi.

Inson muloqotlardan iborat. Muloqotlarsiz inson inson bo'la olmasdi. G'or odamlari suhbatlashmagan. Bahslashmagan. Natijada fikrlamagan. O'z-o'zini, atrofini savol ostiga qo'ymagan.

Aytmoqchi bo'lganim, matritsadan yorib chiqish uchun eng yaxshi usul — bu musofirlik bo'lsa kerak. Turfa xil madaniyatlar, jamiyatlar bilan tanishuv insonning darajasini oshiradi.

Uzoq sayohatlarga chiqqanda TOP jamiyatlar fuqarosi kitob yoki gazeta o'qib ketadi. O'sha jamiyatlardagi o'rtacha inson bizdagi eng ziyoli qatlamlardan ham yaxshiroq bo'lsa kerak.

Shu futbol transferi asnosida qiziq qiyoslash: o'zbekistonlik Husanovda ingliz tili bilan muammolar mavjud lekin uning jamoadoshi shvetsariyalik Akanji nemis, fransuz, italian va ingliz tillarida bemalol gaplashadi.

Bu oddiy sportchilar o'rtasidagi farq. Qolgan sohalarda ham shunga o'xshash tafovutlar bor. Xullas, inson ko'lmakdan chiqishi rivojlangan jamiyatlarni ko'rish va muloqot qilish orqali bo'ladi, manimcha))

@legal_mind

♾ Tashkent Law School o’quv markazi o’z jamoasiga yangi xodimlarni ishga taklif qiladi:

1. Huquq o’qituvchisi (o’zbek tilida )
2. Huquq o’qituvchisi ( rus tilida )
3 . Tarix o’qituvchisi ( rus tilida )

✅ Talablar:
Yosh: 20 +
Tajriba: 1 + ( 4- 5 oy ham bo’ladi )

📌 Qo’shimcha talablar :  abituriyentlarga yetarlicha bilim bera olishi, ishiga ma’suliyatli bo’lishi kerak.

🕒 Ish vaqti: tushlikdan keyin!
🤩 Maosh: (2 milliondan 8 milliongacha)

✍️ Murojaat uchun : @tashkentlawadmin
Tel: +998 93 239 28 60

📌Manzil: Chilonzor metroga 3 minutlik yo’l. Do’mbirobod karzinka yonida ( Malika shop 3-etaj )

Mahallamiz yangiliklarida bir kun qayerdandir kurka kelib qoladi, boshqa kun kimnidir mushugi yo'qolib qoladi, orada namoz vaqtlari tashlanadi, xullas, odamlar yashayapti.

@legal_mind

Qiziq ish bo'ldi. Kecha oyim telefonda gaplashayotganlarini eshitib qoldim. Instagramdagi Qahramon degan tabibni dorisini sotib olmoqchi edilar. Sotuv menejeri dorini barcha kasalliklarga davo ekanligini aytdi.

Manipulatsiya qildi, xullas, sotdi. Keyin oyimga bular mashennikku, qanaqasiga bitta dori barcha kasallikka shifo bo'ladi desam jahllari chiqdi. Doriga pulni san bermayapsan-u dedilar.

Ha, mayli deb qo'ydim. Hozir uyga kelib qanday qilib «uxlatib» ketishganini aytib beryaptilar-da))
Xullas, instani rekomendatsiyasida o'sha tabibni videosi va ostiga nomer qo'yilgan, o'sha nomerga buyurtma berganlar.

U tabib aslida qanday, firibgar yoki boshqaligini bilmayman. Bilganim, instagramda bir necha million obunachisi bor ekan. Mashenniklar uni nomidan foydalanib, u sotayotgan dorini karrasiga maydalab, boshqalarga pullayotgan ekan.

Qissadan hissa shuki, bitta dori yoki bitta silab qo'yish (qo'qonlik tabib) barcha kasallikka shifo bo'lmaydi...

@legal_mind

#layfhak

Masalan, sevishganlar uchun har xil bayramlar mavjud: 14-yanvar, 14-fevral, 8-mart, tug'ilgan kun. Agar sevgan qizingiz, yigitingiz, eringiz, xotiningiz yurisprudensiyada o'qisa, unga uchta jilddan iborat jinoyat kodeksiga sharhni, kodekslar to'plamini sovg'a qiling.

Ishoninglar, bizga turk yozuvchilarining hissiyotga to'la yoki amerikaliklarning bestsellaridan ko'ra, Monteskiyening "Qonunlar ruhi", Gobbsning "Leviafan", o'zimizning kodekslar yoki ularga Rustamboyev tomonidan yozilgan sharhlarni berish — haqiqiy syurpriz sovg'a bo'ladi:)

@legal_mind

O'zbek blogosferasini uch xil davrga ajratish mumkin:

2017-2019 — yillar: tanqidlar mavsumi, tanqidiy yo'nalishdagi blogerlar avjiga chiqdi, odamlar qiziqdi;

2020-2022 — yillar: motivatorlar davri, butun internet biznes trenerlar, infosiganlarning chiqishlari bilan sug'orildi;

2023-yildan hozirgacha: kurs sotuvi davri, deyarli barcha sohada sharlatanlar sotuv yo'lga qo'ydi, milliardlab pul aylandi.

@legal_mind