Nisora va Latofat. Asqaralibekning xotinlari. Birisi sevikli, ikkinchisi sevilmagan ayol. Birisining tomirida xoinlar, ikkinchisining tomirida mardlar qoni oqadi. Birisi oʻlsa ham, eri qoʻlida oʻlishni, ikkinchisi "sotqin" er bilan yashagandan koʻra uni oʻldirishni afzal koʻruvchi ayol.

Qissani oʻqish jarayonida oʻquvchi bevosita voqealar ishtirokchisiga aylanib ketadi. Jumlalar mohirlik bilan qurilganidan asar oralab bir-biridan goʻzal oʻxshatishlar, aforizmga teng fikrlar bilan qarshilashadi. Mana ulardan bir nechasi:

Gʻoyalar misoli qopqonga qoʻyilgan xoʻrak.

Dorbozni langar emas, koʻz asraydi, darvozni koʻz avraydi. Dor—oʻyin, dor–oʻlim.

Muhabbatdan, ibodatdan non topib yeb boʻlmaydi.

Anglashning oʻzi oʻlim, oʻlim Haqqa yetishish.

Ulamolari sotqin yurtning dushmani boʻlmaydi, dushmani boʻlmagan yurt xarob boʻladi.

Sukunat ham katta shovqinning doyasi ekan.

Hukm—tigʻ, bir qaytsa, keyin boshqa hech narsaga yaramaydi.

Qon koʻrmaganlar sotadi, sotiladi. Qon koʻrganlar otadi, otiladi.

Omad ketsa, soyang ham kichrayar ekan.

Tiriklik—soya, oʻlim—asl, neki mavjud —u beqadr

@kuhinur_kundaligi