Joriy yilning 16-18-dekabr kunlari Qoraqalpog'iston Respublikasi Nukus shahrida joylashgan Olimpiya va paralimpiya sport turlariga tayyorlash markazida sportning belbog‘li kurash turi bo'yicha o‘g‘il bolalar va qizlar o‘rtasida O‘zbekiston kubogi bo‘lib o‘tdi.

Musobaqaga Toshkent shahri va viloyatlardan 200 nafardan ziyod sportchilarimiz 10 ta vazn toifasida gilamga tushib, g‘oliblik uchun bahs olib borishdi.

Qizg‘in bellashuvlarga boy bo‘lgan musobaqa yakuniga ko‘ra jamoaviy hisob bo‘yicha:
🥇1-o‘rinni Qoraqalpog‘iston Respublikasi,
🥈 2-o‘rinni Toshkent viloyati,
🥉3-o‘rinni esa Andijon va Namangan viloyatlari jamoalari egalladi.

Musobaqa yakunida g‘oliblar tashkilotchilar tomonidan diplom, medal va qimmatbaho sovg‘alar bilan taqdirlandi.

Web-Sayt | Telegram | Facebook | Instagram | Youtube