So'nggi paytlarda ilmli, ledir yoshlar, sohasining yetuk vakillari bo'lgan, shu bilan birga muammolarni tahlil qilib ayta oladigan insonlarni tez-tez "idora"ga chaqirib, nimalardir qilishyotgani dilni xira qiladi.

Bugun dunyoga hukronlik qilish yo'lida borayotgan GEGIMOND davlatlar qanday bu darajaga erishganiga nazar tashlansa, ular har bir sohaning eng yaxshi mutaxassislarini jamlab erishyapti bunga. Aniqroq aytsak, ilm egalarini rag'batlab, kerak bo'lsa boshqa davlatdagi ilmli insonlarini ham o'ziga chaqirib olmoqda, "tortib" olmoqda. Bu rivojlanishga tez ta'sir qiladi. Chunki davlatni, ilm rivojlantiradi. U harbiy qudratni ham, iqtisodiy qudratni ham ilm bilangina yuksaltirish mumkin. Birgina AQShni kuzating. Dunyodagi barcha davlatlar yoshlari, ilm egalari uchun turli grandtlar o'ylab topgan. Yoshlar IELTS oladi, grant yutadi va AQSHga yo'l oladi. Natijada u yerda yashab, mehnati qadrlanganida, bor ilmu salohiyatini shu davlatni rivojlantirishga sarflaydi, hissa qo'shadi.

Endi buning teskarisini ko'raylik. Biz mamlakatimizni rivojlantirishni istayotgan< buning uchun to'siq bo'layotgan kamchiliklarni aytib, taklif berayotgan ilmli kadrlarning yo'lini to'sak, ularni "idoraga" chaqirib, "og'zingni yopib yur, tizimdagi muammolardan so'z ochma" desak, natija nima bo'ladi? Chirigan tizim, chiriganicha qolaveradi. Uning ortidan manfaat ko'radigan 5-10ta insondan boshqa hammaning hayoti yomonlashsa yomonlashadiki, oldinga siljimaydi.

Vatanini sevishni istaydigan, rivojlantirishni xohlaydigan, bor ilmu mehnatini shu yo'lda sarflaydigan kadrlarga yo'l beraylik. Ularga begona yurtni emas, o'z yurtini rivojlantirishga, ota onasiga, odamlarga xizmat qilishiga imkon beraylik.

Millat ziyolilariga qarshi kurash, mamlakatni qullikka olib kelganini (o'tgan asrda) ko‘rdik. Xulosa chiqarish uchun qancha vaqt kerak, bizga?

______
© @komiljon_aslonov