Komiljon Aslonov | Rasmiy

Pokiston safaridamiz. Lahor, Karachi va Islomobod shaharlarida bo‘ldik. Lahor va Karachi haqida qisqacha:

1. Eng ko‘p transport motosikl. Bu xuddi arini iniga tekkaningizda to‘zg‘ib, ketadiku, shunaqa taassurot uyg‘otdi menga. 😁 (qisqa videoda ko‘ring) "Taksi"chilik ham qilarkan u bilan.))

2. Yo‘llarda bizdagidek, chap emas, o‘ng qo‘l qoidasi asosida harakat. Tranport ruli o‘ng tomonda. Lekin qarama-qarshi ham haydab yuboruvirisharkan.

3. Radar yo‘q.Shunchun qoida buzaman, jarima keladi degan qo‘rquvi yo‘q haydovchilarini. O‘zbekistonga kelsa, bir kunda xonavayron bo‘lsa kerak. 😉

4. Ularda ham signal chalib, kayf qilish bor ekan. Sababsiz ham chaluvirarkan...

5. Gigiyenaga "tupurib" qo‘yganlar hamma taomini yeyishlari mumkin.) Ayniqsa, ko‘chadagi ovqatlanish joylaridagi ovqat tayyorlanish jarayonini ko‘rib...)

6. Ko‘chasida, mehmonxonasida, xonalarida, ovqatlarida hid bor. Hid sezmaslik sizga yaxshilik uchun xizmat qiladi. Taomlarining deyarli barchasida achchiq qo‘shiladi.

7. Plastik kartadan pul yechib olishga cheklov bor.

8. Yegulik, oziq ovqat, mevalar narxlarini taqqoslasak, o‘zimizdagi bilan deyarli bir xil.

9. Ko‘chada har qadamda avtomat ko‘tarib yurgan nazorat qiluvchi tegishli organ xodimlarini uchratdim.

10. Eng ko‘p banan sotilarkan. Arzon. Lekin, boshqacharoq ekan. Kichkina, ayrim joylari qoraygan doim. Yeyolmadim.)

11. O‘zbek oshxonasi ochilsa, egasi boyib ketib, Ilon Maskni ortga qoldirishi aniq. Aytishlaricha, mahalliy aholi ham, boshqalar ham, juda yaxshi ko‘risharkan, taomlarimizni. Maʼlumot uchun, birorta ham o‘zbek oshxonasi yo‘q.

12. Taomlarni qo‘li bilan idishga solib berish, ovqat idishni qo‘li bilan tutgan holatda turib, yurgan holda yeyish oddiy holat ekan.(Qoshiq, vilkasiz).

13. Ko‘chalari, transportlari, binolari eski hind kinolaridagi muhitni eslatadi. Lekin, aholisi hayotdan, turmush tarzidan rozi kayfiyatda doim.

14. Supermarket, dorixona topish qiyin ekan. Boshqa joylarini bilmadim, biz borgan eng aholisi ko‘p hududlarda shunaqa ekan.

15. Bizga bergan maʼlumotga ko‘ra, Pokistonda yashaydigan jami o‘zbeklar soni 70 nafarga yetmaskan.

16. Mahalliy aholi pushtu tilida muloqot qiladi, ammo inglizcha gaplasha oladi.

📹📹💬@komiljon_aslonov