SENGA UYQU SHIRIN

Senga uyqu shirin...
Senga tush - ezgin...
Men esa uyg‘oq qalb istayman ko‘proq.
Uyqum ko‘p beayov, vahimachidir,
Ko‘rgan tushlarim ham negadir qo‘rqoq.

Men seni uxlashing ilg‘ayman qalban
Sochingni silayman nafasim bilan.
Sening bu osoyish lahzalaringga
Qarayman beg‘ubor havasim bilan.

Bilaman, sog‘inchni quvmoqlik uchun,
Dildirab, enzirab, shoshib uxlaysan.
Shunchaki kechani o‘tkazmoq uchun
Bilaman, ko‘zingni ochib uxlaysan...

Xurshid Abdurashid

@kitob_ombori