Kitoblar ombori

Mashina kompaniyalari sotilgan avtomobillarida nuqsonlar topilsa barcha mashinalarni zavodga qaytaradi. Yetkazilgan zarar uchun uzr soʻrab, uning zararini isteʼmolchiga ortigʻi bilan qaytaradi.

Appleʼda sotilgan telefon va gadjetlari bilan muammolar boʻlsa, ular ham mijozlardan uzr soʻrab, mahsulotlarini qaytarib oladi yoki boshqa mahsulotlariga almashtirib beradi.

Ammo toʻliq tarjima qilinmagan kitobni sotib, keyin uni "toʻldirilgan holatdagi ikkinchi nashri"ni hech narsa boʻlmagandek yana sotayotgan kitob bizneschilari negadir jim.

@kitob_ombori

Bu xabarni hozir oʻqiyapsizmi?
Qulay joylashib olib koʻzlaringizni yuming.

Hozir 2070-yil deb tasavvur qiling. Boʻgʻimlaringizda ogʻriq bor, koʻzlaringiz hiralashgan, tinmay yoʻtalasiz, erkin harakatlangani qiynalasiz. Ayni paytda esa bir oʻzingiz toʻrtburchak va boʻm-boʻsh xonada, yolgʻiz oʻtiribsiz.
Qani endi yoshligimga qaytsam edi deb orzu qilayapsiz...

Endi koʻzlaringizni oching va qoʻllaringizga qarang. Ular naqadar chiroyli, tiniq. Hech qanday chandiq va ajinlar yoʻq, burishmagan. Siz yoshsiz!

Vaqtingizni va umringizni qadriga yeting.

Hayotingizni 6 oy ichida butunlay o‘zgartirishingiz mumkin. Agar...

Faqat va faqat barcha shovqinli narsalarni chetga surib, bor e'tiboringizni ishingizga qaratsangiz.

Shovqinli narsalar? Shovqinli narsalar deganda nimani nazarda tutyapman?

Shovqinli narsalar - bu vaqtingizni, e’tiboringizni va aqliy quvvatingizni o‘g‘irlaydigan har qanday narsalardir.

Instagram - bu shovqin.
YouTube - bu shovqin.
Netflix - bu shovqin.
"Do‘stlar" - bu shovqin.
Bildirishnomalar - bu shovqin.

Agar hayotingizni bu chalg‘ituvchi narsalardan tozalamasangiz, umringiz davomida hech narsaga erishmasligingizni kafolatlagan bo'lasiz.

Bu shovqinlarni bartaraf qilganingizdan so‘ng nima sodir bo‘ladi? Diqqatingiz jamlana boshlaydi. Hozirda ongingiz parokanda. Shuning uchun ham vaqtingizni behuda narsalarga sarflayapsiz.

Ammo shovqinlarni bartaraf qilib, diqqatingizni jamlagan zahoti hayotingiz chindan ham o‘zgarishni boshlaydi.

Hozirgi asrda eng qimmatli narsa - bu e’tibor.

E’tibor - bu pul.

Hamma sizning e’tiboringiz uchun kurashmoqda.

Nima uchun?

Chunki e’tiboringiz qimmatli.

Muvaffaqiyatingiz e’tiboringizdan qanday foydalanishingizga bog‘liq.

Buning yechimi juda oddiy.

Butun e’tiboringizni ishingizga qarating.

E’tibor va vaqtingiz borasida xudbinroq bo‘ling.

Har kuni uyg‘onganingizdan to uxlagunigizcha, har bir daqiqani o‘zingizni rivojlantirish, yangi ko‘nikmalar o‘rganish va sohangiz bo'yicha qo'shimcha bilimlar o'rganishga hamda doimo o'z ustingizda ishlashga sarflang.

Vaqt va e’tiborni haqiqiy pul deb hisoblang (aslida ham shunday).

Pulingizni hammaga shunchaki berasizmi?

Albatta yo'q!

Ularni o‘zingiz uchun sarflang.

Men shuni aytmoqchi edim, xolos.

Bu postni o‘zim uchun yozdim.

Umid qilamanki, u sizga ham tegishli.

@kitob_ombori

Qani imkon boʻlsa (yaʼni koʻpchilik oʻqisa) katta-katta narsalarni joʻnatsam. Ular ichida tarjimalar, xulosalar, maqolayu hikoyalar bor.

Menimcha ularni kitob holatida taqdim etganim maʼqul degan xulosaga tobora koʻproq ishonyapman.

Ammo mendek faqat matn ulashadigan kanalni shu paytgacha kuzatayotganingiz uchun tashakkur ☺️

Endi biz hech qachon bu yoshda bo‘lmaymiz.

Xohlaymizmi yoki yo‘q, baribir qarib bormoqdamiz. Biz hech qachon hozirgi yoshimizda qolmaymiz.

Vaqt o‘tishi bilan atrofimizdagi hamma narsa o‘zgarib borishi bir qarashda ajablanarlidek ko‘rinadi. Biz ko‘pincha atrofimizdagi hamma narsa avvalgidek qolishini istaymiz, ammo ular tabiiy ravishda rivojlanadi va oxir-oqibat so‘nadi.

Ilgari kiygan sevimli kiyimlarimiz endilikda bizga to‘g‘ri kelmaydi. Bolaligimizdagi sevimli o‘yinchoqlarimiz endi shunchaki xotiralarga, eng katta tashvishimiz ko‘chada o‘ynash va ovqatlanishga bo‘lgan davrlarimiz bolalikning ramzlariga aylanadi. Bir paytlar biz uchun qadrli bo‘lgan ba’zi qadriyatlar kun kelib parchalanib ketgandek tuyilishi mumkin, ba’zilari esa uzoqdagi aks-sadodek butunlay yo‘qolib ketadi. Biz borgan joylar ham o‘zgaradi. Ular boshqacha ko‘rina boshlaydi yoki bizni tasavvurimizdan farq qila boshlaydi. Biz tushirgan suratlar sayohatlarimiz va ulg‘ayib borayotganimizni eslatuvchi achchiq-shirin xotiralar bo‘lib, go‘yoki boshqa bir hayotning lahzalaridek tuyila boshlaydi. Har bir rasm biz kim bo‘lganimiz va o‘sha paytlarda bizlar bilan birga bo‘lgan odamlar haqida hikoya qiladi, ammo ular vaqtning muqarrar o‘tishini ham ko‘rsatadi.

Hamma narsa rivojlanadi, biz ham xuddi shunday. Hayotimizning hozirgi qiyinchiliklari va quvonchlari bilan to‘lib-toshgan bosqichi tez orada shunchaki xotiraga aylanadi. Bu o‘zgarishlar doimiyligini va har bir o‘tgan kun bilan biz qarib borayotganimizni eslatadi.

Biz hammamiz vaqt o‘tishiga bog‘liqmiz, bu yoshlik o‘tkinchi ekanligini va o‘zgarish yagona doimiylik ekanligini eslatib turadi.

Vaqt hech qachon to‘xtamaydi. Har bir soat, daqiqa va soniya bizning harakatlarimiz yoki istaklarimizdan qat’i nazar, oldinga siljishda davom etadi. Majoziy ma’noda, bizning Yerdagi vaqtimiz cheklangan va u har qanday lahzada tugashi mumkin. Biz hech qachon bu qachon sodir bo‘lishini aniq ayta olmaymiz.

Vaqt bizga dushman bo‘lib tuyulishi mumkin. Biz istasak ham, u tinimsiz davom etaveradi. Bu xuddi quyosh botishini kuzatib, tun yaqinlashmasligiga umid qilish yoki lahzalarni to‘xtatib, ulardan yanada ko‘proq lazzat olishni istashga o‘xshaydi. Ammo haqiqat shuki, dunyo aylanishda davom etadi va vaqt hech qachon to‘xtamaydi. U oldinga harakatlangani sayin, biz muqarrar ravishda qarib boramiz va har bir o‘tkinchi lahza qadrlanadigan xazina ekanligini eslaymiz.

Buni o‘qiyotgan kishiga ushbu post hayotdan zavqlanish uchun eslatma bo‘lsin. Bilaman, har kimning vazifasi har xil - ba’zilar o‘qish bilan band, boshqalar ishlaydi, lekin dam olishni unutmang. Sevimli narsalaringizga vaqt ajrating.

Do‘stlaringizni sog‘inyapsizmi? Ular bilan vaqt o‘tkazing. Sevgan insoningizni uchrashuvga taklif qiling. O‘zingiz ko‘rishni istagan filmni tomosha qiling, yangi joylarga boring, yaxshi kitoblarni o‘qing. Mas’uliyatingizni sizga quvonch keltiradigan ishlar bilan muvozanatlashtiring. Fikringizni aytishdan qo‘rqmang va eng muhimi, o‘zingizni sevishni o‘rganing.

Bizning sayyoramizda vaqtimiz cheklangan va biz hech qachon yosharmaymiz. Har bir kun qadrli, shuning uchun uni eslashga arziydigan kunga aylantiring. Iloji boricha ko‘proq xotiralar to‘plang va hayotni chinakamiga boricha qabul qiling. Chunki bir kun kelib ortga qayrilib, o‘sha lahzalarni yanada ko‘proq qadrlash kerakligini tushunasiz. Shunday ekan, hali vaqtimiz bor ekan, keling, hayotdan lazzatlanamiz. Hozirgi daqiqalarda yashaylik, erkin bo‘laylik va yoshligimizdan unumli foydalanaylik. Chunki biz faqat bir marta yosh bo‘lamiz.

@kitob_ombori

Faqat baxtsizlik kishi aqlining yashirinib yotgan boyliklarini ochib tashlaydi, harakatga solib yuboradi.

Aleksandr Dyuma "Graf Monte Kristo"

@kitob_ombori

Bosh miya tanadagi hamma a’zolarni yig‘ib majlis o‘tkazdi. Ko‘z, bosh, qo‘lni qattiq koyidi. Oyoq, qorin, tishlarga hayfsan berdi. Ichakka o‘zingni o‘ngla deb uch oy muhlat berdi. Oshqozonga ko‘p go‘sht yeb yuborgani uchun ogohlantirish e’lon qildi.

Faqatgina jig‘ildonni yaxshi ishlayapsan, deya maqtadi. Bunday noo‘rin maqtovdan tinim bilmaydigan o‘pka qattiq o‘pkaladi va yurakka shikoyat qildi. Yurak adolatli ekan, tomirlarga qat’iy tayinlab, Miyaga qon yetkazib berishni to‘xtatdi. Jig‘ildon Yurakning huzuriga yugurib kelib: "Bosh miyaga qon o‘tkazishni to‘xtatmang, xizmatni ayting, sadoqatli qulingizman, u mening pochcham", dedi. Ammo yurak ko‘nmadi.

Qarindoshchiliging uyingda bo‘ladi, bu yerda butun tanani sog‘lom ushlash kerak, dedi. Shu tarzda bosh miya insult bo‘ldi. Tovba qildi va bundan keyin ishini bilib qilishga va’da berdi. Ammo uning bugungi gapi ertangi gapiga to‘g‘ri kelmasligiga, va’dabozligiga hech qaysi a’zo ishonmay qo‘ygani bois voz kechishdi. Tanadagi a’zolar miyasi ham maromida ishlab ketdi.

Demak, hamma gap miyada emas, balki uni o‘z vaqtida to‘xtatishda ekan.

Izoh: bunday qurtlagan miyalar hamma joyda bor. Ana shundaylarning kasriga o‘sish yo‘q, o‘zgarish yo‘q. Bunday miyaning bahridan o‘tgan yutadi.

@kitob_ombori

Hozir Sema Marashlining "Quloq oshiq bo‘larmish ko‘zdan avval" nomli kitobini o‘qiyapman.
Ushbu kitobning "Erkaklar hissizmi?" nomli bobida quydagi gaplar bugunning dolzarb masalalaridan ekan.

Ya'ni: Oilaviy hayotda ko‘pchilik ayollar erlarining ishidan ortmasdan, oilalariga juda kam vaqt ajratayotganidan shikoyat qilish holatlari juda ko‘p uchraydi.
Bu savolga erkaklar "men nima ish qilsam ham mana shu oilamning ta'minoti uchun, yanada yaxshiroq sharoit yaratish uchun ishlayapman" deb o‘zlarini oqlamoqchi bo‘lishadi.
Ushbu bahsga javoban muallif yozuvchi juda chiroyli boylik formulani taklif qilibdi.
Bu formulani olamlar sarvari Muhammad Mustafo Sollallohu alayhi vassallam biz ummatlar uchun taklif etgan.

"Alloh erkak ayoli bilan suhbatlashishidan rozi bo‘ladi, buning uchun har ikkalasiga ham savob yozadi. Va rizqlarini orttiradi".

Ey ahlini moddiy ehtiyojini qondirishga intilayotgan birodar! Bu so‘zlarni aql tarozingga solib tafakkur qil amal qilishga shoshil. Ham savobga ham oilaviy baxtga erishasan inshaalloh!

@kitob_ombori

Sizlarga ilmiy-fantastik kinolarni tavsiya etmoqchi edim-a?
Koinotga oid kinolardan boshlashga qaror qildim. Chunki bu yo‘nalish eng sevimli janrim.

1. Interstellar

Rejissiyor Kristofer Nolan tomonidan 2014-yilda katta ekranlarga chiqqan ilmiy-fantastik film. Unda siz kvant fizikasi, micro va macro olam haqida tasavvurlar, yerdagi apokalipsis, 3-o‘lcham, vaqt, nisbiylik nazariyasi, Qora tuynuk, ekzosayyoralarni o‘zlashtirish kabi mavzular bilan tanishasiz.

2. Passengers (Yo‘lovchi)

Bir nafasda ko‘riladigan ilmiy-fantastik-sarguzasht film. Insonlar boshqa sayyoralarda hayot kechirishni boshlashadi va sayyoralar aro sayohatlar boshlanadi. Bu sayohatlar uzoq yillarni oladi. Bu vaqt ichida kema ichidagi yo‘lovchilar chuqur uyqu holatida bo‘lishadi. Ammo bosh qahramon tizimdagi xatolik sabab manzilga yetmasdan uyg‘onib ketadi. Kemada faqatgina u uyg‘oq. Manzilga yetishga esa bir necha 10 yillar bor....

3. The Gravity (Tebranish)

Film ilk soniyasida oxirgi soniyasigacha intrigaga ega. Kino ko‘ruvchiva haqiqiy adrenalin bera oladi. Xalqaro Kosmik Stansiyasiyada ish olib borayotgan fazogirlar kosmik chiqindilar yomg‘iri ostida qolishadi va kemalari orbitadan tashqarida portlab ketadi. Butun ekipaj halok bo‘ladi faqat birgina olimdan tashqari. U yerga qaytish uchun Xitoyliklar yasagan kapsulaga borishi kerak ammo yolg‘iz o‘zi buni uddalay olarmikan?
Kino yashab qolish, muhim qarorlarni tezkorlik bilan chiqarish, yashashdan ma'no haqida.

4. The Martian (Marsda yolg‘iz)

Shunchaki gap bo‘lishi mumkin emas. Men qayta-qayta ko‘radigan kam sonli filmlardan biri. Hali to‘liq o‘rganilmagan, insoniyat endigina qadam bosgan bu qizil sayyorada naqt 3 oy yolg‘iz qolib ketish.... o‘ylashni o‘zi daxshatli. Ammo insonni eng katta va kuchli quroli bor. Bu qurol yordamida u har qanday xavfni qaytarishi, har qanday joyni zabt etishi mumkin. Bu albatta inson ongi, bilimidir.
Bosh qahramonni ham ilm-fan bu "yovvoyi sayyora"da kun kechirishiga yordam beradi, unga najot bo‘ladi.

5. The Wandering Earth (Sargardon zamin)

Xitoylik kinoijdkorlar va NETFLIX hamkorlikda suratga olgan apokalipsist va post-apokalipsist janrdagi fantastik film. Uzoq kelajakda Yerda Muzlik davri hukm surmoqda.
Insonlar yer ostidalari katta shaharlar qurib o‘sha yerda kun kechirishmoqda. Yer ustida daxshatli sovuq. Mahsus kiyimsiz soniyalarda qotib qolish aniq. Bir tarafda yanada kattaroq xatar mavjud. Quyoshning tortish kuchi oshib u Yerni yutib yuborish arafasida.
Insoniyat yo‘q bo‘lib ketish bo‘sag‘asida turibdi.
Ammo odamzot tabiat kuchlariga qarshi turishga harakat qiladi. O‘zlarini bunday tanazzuldan qutqarish uchun olamshumul reja tuzishadi. Butun sayyorani ko‘chirib ketish! Ha, bu aqlga sig‘mas voqelik bo‘lib tuyilishi mumkin lekin bu haqiqat. Bu qanday amalga oshiriladi? Buni filmni o‘zingiz ko‘rib xulosa chiqarishingiz mumkin.

Yuqoridagi barcha filmlar koinotga aloqador bo‘lib qoldi😅 Lekin ilk hayolimga kelganlari shular bo‘ldi.
Barcha kinolar o‘zbek tiliga tarjima qilingan. Qiziqishingizni susaytirmaslik uchun spolyer qilmadim.

Siz ro‘yxatdagi qaysi filmlari ko‘rgansiz? Qay biri ko‘proq yoqqan? Fikrlaringizni izohlarda qoldiring.

@kitob_ombori

Bu post, kanalga yangi kelgan obunachilar kanal haqida fikr-mulohazalarini yozishi uchun...

Mayli, eskilar ham yozishinglar mumkin

Ha, hamma dardlarimni bugunga olib qoʻygandim...
Yangi haftaga oʻtmasin, bu avvalo oʻzimga zarar.

Bir qoʻlimda "Anna Karenina" yana birida "Aka-uka Karamazovlar" turibdi. Agar ikkalasini ham berkitib qoʻymasam bir oy ichida aniq bir narsa boʻlib qolaman.
Bir hayolim 🪲 ni qayta oʻqishda😅

Bu hafta Robbi bilan Patni qayta dafn qildik. Ogʻir, nihoyatda ogʻir hislarni boshdan kechirdim.
Qahramonlarni his tuygʻularini teranroq his qila boshlayapman. Bir paytlar anglamagan, men uchun xatto bemaʼni koʻringan narsalar endilikda juda ham maʼnoli, falsafiy koʻrina boshlayapti.

Qariyapman shekilli...