Jizzax viloyati prokurori o‘rinbosari Alisher Mirzoev hamda Jizzax viloyati hokimligi "Yagona buyurtmachi xizmati" IK DUK direktori Dostonbek Qoplonov tomonidan kompaniya buyurtmachiligi asosida yangidan qurilayotgan Mirzo Ulug‘bek nomidagi O‘zbekiston milliy universiteti Jizzax filialining 1000 o‘rinli o‘quv binosida amalga oshirilayotgan qurilish-montaj ishlari ko‘zdan kechirildi.

Obyektning pudrat tashkiloti “Global trans qurilish-montaj" MCHJ bo‘lib, loyiha tashkiloti "O‘zshahrsozlik Liti" DUK hisoblanadi.

Hozirgi kunga kelib, 6 qavatli o‘quv binosida tashqi pardozlash ishlari, eshik va derazalarni o‘rnatish va boshqa qurilish ishlari jadallik bilan davom ettirilmoqda.