Мен адвокат бўлишни танладим, чунки менга имконият берган мамлакатга хизмат қилмоқчи эдим. Демократлар кампанияларини ҳимоя қилишга ихтисослашганман, чунки мен бу партияга ишонаман. Овоз бериш ҳуқуқини ҳимоя қилиш ишларини олиб бораман, чунки сайлов ҳуқуқи бизнинг демократиямизнинг асосидир. Эркин ва адолатли сайловлар ҳақида сўзлайман, чунки улар таҳдид остида.
Энди сизнинг твитингизга ўтаман.
Сиз жуда бой ва таъсирли инсонсиз. Сиз Дональд Трампни қўллаб-қувватладингиз. Уни бошқара олишингизга ишонасизми ёки унинг авторитар қарашларига қўшиласизми, билмайман. Мен учун бу муҳим эмас.Аммо шуниси аниқки сиз ва у
биргаликда ҳукуматимизни емирмоқдасиз, қонун устуворлигини заифлаштирмоқдасиз ва жамиятимизнинг энг заиф қатламларига зарар етказмоқдасиз. Мен эса фақат адвокатман. Менда сиз каби бойлик ёки платформа йўқ. Мен федерал ҳукуматнинг катта кучини бошқармайман ва менинг миллионлаб тарафдорларим йўқ, улар рақибларимни қўрқитмайди ёки таъқиб қилмайди. Балки менда авлодий жароҳат бордир.
Лекин сиз мен ҳақимда бир нарсани билиб олишингиз керак. Мен оиласини кичик шаҳарчадан бошқа юртга яхшироқ ҳаёт излаб олиб чиққан одамнинг невараси ва уруш босқинчилигидан қочган уч ёшли боланинг набирасиман. Менинг инглизча исмим Марк, лекин яҳудийча исмим Эльханан (אֶלְחָנָן) – Довуднинг армиясидаги буюк жангчи, у қудратли девни енгган.
Мен Трампдан мамлакатимизни ҳимоя қилиш учун қўлимдаги барча воситаларни ишга соламан. Овоз бериш ҳуқуқини ҳимоя қилиш ишларини охирги иш қолмагунича давом эттираман. Авторитаризмга қарши охирги нафасимгача курашаман.
Мен чекинмайман. Мен тиз чўкмайман ва тавба қилмайман. Мен ҳеч қачон бўйсунишни қабул қилмайман.

Чин эҳтиром билан,
Марк Элиас

Махмет Талзак