Ixtiyor Xo'ja - Avstraliya 🇦🇺 | Shaxsiy blog

💊 💊

Siydik yo’llarining infeksiya eng ko’p uchraydigan infeksiyalardan hisoblanadi. Bu yildan boshlab Avstraliyadagi farmatsevtlarga ya’ni “aptekar”larga dorixonadan aynan shu kasallikka antibiotik yozib berishga ruxsat berildi.
Bu bilan bitta antibiotikni shifokorni ruxsatisiz bemorga berishga izn berildi. Bu albatta 10-15 daqiqalik konsultatsiyadan keyin va aynan shu kasallik uchun beriladigan yagona antibiotik – trimetoprim – uchun berilgan ijozat. Bu antibiotik “birinchi liniya” antibiotik hisoblanadi. U ta’sir qilmasa “ikkinchi liniya” antibiotiklarga o’tiladi. Ularni shifokor yozib beradi.
Farmatsevtlar boshqa antibiotikni shifokor retseptisiz berolmaydi.

O’zbekistonda ham antibiotiklarga cheklovlar o’rnatilishi kerak. Sababi bakteriyalarning “antibiotikka qarshiligi” shunchalik oshib ketganki, oddiy penitsillin O’zbekistonda hech kimga ta’sir qilmaydi. Hammaga o’ta kuchli antibiotiklar dorixonalardan oddiy holday berib yuboriladi. Bu aholining umumiy sog’liq darajasini tushib ketishiga va immunitetning zararlanishiga olib kelyapti.

🙂 @ixtiyor_avstraliya

Bugungi tong! Mutolaa va tabiat.

☀️ https://t.me/ixtiyor_avstraliya

🔖
OYOG’IM UZUN, BOSHIM KICHIK…


Avstraliyada 16 yoshdan kichkinalar uchun ijtimoiy tarmoqlar, xususan, Instagram va Tiktokni taqiqlash haqida qaror chiqdi.

Yoshlarni tarmoqlarga kirmaslik va ularga a’zo bo’lmasligini ta’minlashni esa ijtimoiy tarmoqlarni o’zlariga yuklab qo’yildi.

Ijtimoiy tarmoqlar sabab yoshlarni juda ko’pida psixologik buzilishlar yuzaga kelmoqda.

Ijtimoiy tarmoqni bilasiz. Kirgan odam zerikmaydi. Butun dunyodan boxabarsiz va oldi-qochdi videolarni ko’rib o’tiraverasiz. Bolalarda diqqat yo’qolyapti. Boshqa har qanday narsaga zerikish kuchayyapti. Telefon bo’lsa boshqa hech kimni keragi yo’q. Chunki zerikmaydi. Kalla esa bo’m-bo’sh! Oyoq bilan ijtimoiy tarmoqlarda kirmagan joyi qolmaydi. Shuning natijasida, mubolag’a bilan aytadigan bo’lsak, “oyog’i uzun, kallasi yo’q” yoshlar o’sib kelyapti.

Marhum Abdulla Avloniy aytadi: “Tarbiya biz uchun yo hayot – yo mamot, yo najot – yo halokat, yo saodat – yo falokat masalasidir”


☑️ @ixtiyor_avstraliya

🔖Qora choy qondagi temir moddasini tushirib yuboradi. Ko'k choy har qanday holatda foyda.


Charchoq, lanjlik, uyquni istayverish va g'ijg'anaklik bo'laversa, "qoningiz tushib ketgan" ya'ni qondagi temir moddasi tushib ketgan bo'lishi mumkin.

Buning sabablari ko'p. O'zbek xalqimiz uchun eng katta sabab va balki zararli sabab bu qora choydir. Ko'p qora choy ichamiz. Foydadan ko'ra zarari ko'p buning. Ishonmasangiz o'zingiz izlanib ko'ring.

Ko'k choydan foydalaning. Faqat maydalangani emas, balki barglisi bo'lsin. Maydalangan choyning ichida yana qanday o'tlar borligini bilmaysiz. Ko'k choyning eng foydalisi barglisi bo'ladi.

☑ @ixtiyor_avstraliya

QON SUYULTIRGICH.

Bu hamma biladigan aspirin.

Uni o’n olti yoshdan kichik bolalar qabul qilishi qat’iyan taqiqlanadi. O’n olti yoshdan kichik bolalarda Rey sindromini keltirib chiqaradi. Rey sindromi miya va jigarni jiddiy zararlaydi.

Yoshligimizda biron joyimiz og’risa yoki isitmamiz chiqsa, “aspirindan bering, yaxshi bo’lib ketadi,” deyishar edi. Zararini hech kim bilmagan, nazarimda. Qizig’i, Toshkentda tibbiyot oliygohining ikkinchi yilini bitirganimizda ham aspirinning bolalar uchun qanchalik zararligi haqida lom-mim deyilmagan yoki kamina eshitmay qolib ketgan.

Avstraliyaga kelib tibbiyot yo’nalishlariga boshimni siqib kirib olibman-ki, aspirin haqidagi jumla bot-bot takrorlanadi. Shunchalik ko’p aytilganidan yod bo’lib ketdi. Endi sizga ham aytsam. Aspirinni yoshlarga umuman maslahat bermang. Ota-onalar bolalariga “aspirin ichib ol”, deyayotganini eshitsangiz, darrov bundan qaytaring. Hech kimga sir emas, jigar yallig’lanishi bo’yicha O’zbekiston oldingi o’rinlarda turadi. Xalqimizning juda ko’pida jigar muammosi bor. Yoshligidan har qanday og’riqqa aspirin ichaverishi ham bunga sabab bo’lgan bo’lishi mumkin.

Bizning maqsadimiz o'zbek xalqining savodini oshirishda biroz bo'lsa-da hissamizni qo'shish bo'lgani uchun, keraksiz tuyilgan kichik ma'lumotlarni ham bo'lishib bormoqchimiz. Imkoningiz bo’lsa, siz ham yaqinlaringiz bilan bo’lishib qo’ying.

☑️ @ixtiyor_avstraliya

NAVBATDAGI KITOB.

Bir tarixiy kitobni yopishimga to’g’ri keldi. Uch yuz varoq o’qidim, olganim oz bo’ldi va juda zerikarli bo’lib ketdi. Ayni shu muallifning galdagi kitobi qo’limda. Bu ayol tarixni shunday bitadiki, kitoblarini o’qimayman, deyolmaysiz. Lekin Kromvel to‘g‘risidagisi uncha qiziqarli bo’lmapti, meni nazarimda.

Bir. Angliya qirollik oilasining uzoqroq a’zosi bo’lgan bir tarixchini bilaman. Rossiya-Chechen urushida Angliya telekanali uchun reportaj qilib yurgan, keyinchalik bankda ishlagan va kitobga bo’lgan qattiq muhabbati sabab va tarixga kuchli qiziqishi bilan hozir juda katta tarixchi olim va o’ta olamshumul kitoblar muallifi. Uning bir kitobini Rossiya prezidenti Putin ham o’qib chiqqanligi va kitob haqida fikr bildirganligini unga Putinning atrofidagilar yozma bildirishadi. Xullas, shu yozuvchi bitta kitobini yozishi uchun kamida to’rt-besh yillab juda chuqur izlanish qiladi. Stalin haqida kitob yozganida unga Rossiyadagi hali hech kimga ko’rsatilmagan maxfiy arxiv ochib beriladi va unga kirib oylab arxivlarni o’rganish imkoniga ega bo’ladi. Yozuvchiga maxfiy arxivlar saqlanadigan inshootga kirish va arxivlarni ko’rib o’rganishni shaxsan Putindan yigirma yillar ilgari Angliyaning hozirgi qiroli Charlz so’rab beradi.

Ikki. 2016-yillar oralig’ida sulton Sulaymon haqida yozilgan kitobni juda maroq bilan o’qigan edim. Bu siz kinoda ko’rgan sulton emas, balki, haqiqiy faktlarga asoslangan va ko’p muammolarga botgan shox va uning yechimi yo’lidagi og’ir hayot. Kitob haqida fikrlarimni bir platfomada qoldirsam, Turkiyada yashayotgan bir singlimiz, siz chet elliklarni kitobini o’qib, sulton Sulaymon haqida nato’g’ri xulosaga kelibsiz, deb tanbeh bergan ham edi. Uning aytishicha, g’arbliklar uni xotinboz, qo’lidan bir ish kelmaydigan yalqov sulton qilib ko’rsatmoqchi bo’lar ekan. Vaholanki, men undan oldin ham Usmonlilar halifaligi haqida bir-ikki kitob mutolaasini bitirgan edim va g’arbliklarni faktlarga mukkasidan ketib yopishib olganligini va bor gapni boriday yozishga intilishini ko’rgan edim. G’arbliklar kitobida sultonni saroy ichidagi g’alvalari, vazirlar orasida kurash kushandasi sifatida ko’rsatib, saroydagi ayollar o’yinlariga e’tibor bermagan edi yoki shunga harkat qilgan edi. Meni aybim esa, Turkiya tarixini o’zimizdagi manbalardan o’rganmaganim edi. Lekin shunday manba bormidiki men o’rgansam?

Uch. Men bu gaplar bilan aytmoqchi bo’lganim, o’zingda yo’q bo’lgandan keyin boshqanikini o’qiysan-da, demoqchiman. Bizda shu kitoblar yo’q-ku. Yozg’uchi ko’p. O’zini ustida ishlab izlanuvchi va izlanganini xulosalab qog’ozga tushiruvchi yo’q. Imkoniyat yo’q. Sharoit yo’q. Yozuvchini yo’lini ochib berishga, qo’llab yuborishga, moddiy yordam berishga tayyor turgan “katta odam”lar yo’q. Bo’lsa o’zimiznikini o’qirdim-da. Bo’lmagani uchun g’arblik yozgan kitobni o’qishga majburman. Tarixni - shuning uchun - g’arbliklar yozayapti. Bir ixlosmand, menda juda katta g’oya bor, menga tarixni yozishdan boshqa ish qiziqmas, desa unga kimsan mana-man, degan Angliya qirolligidagi oila boshining o’zi yo’llarini ochib berishga harakat qilgani uchun ham tarixni g’arbliklar yozyapti…

Bizda-chi? Biz boshqalar yozgan tarixni o’qiymiz. Yuqoridagi amaldorlarni yordam bermayotganini qo’ya turing. Pastdagi avomni ham dardi boshqa. Bizdagi hammaning dardi to’y qilish, uy qilish. Orttira olsa mashina olish. Shu bilan hayotda bir narsaga erishgan hisoblaydi o’zini. Siz to’y qilib, uy qilib, mashina olib qullikdan qutilgan kuningiz, sizdan keyingi avlod qullikka kirib kelayotgan bo’ladi. Ilmga rag’bati yo’qolayotgan xalq qullikdan-qullikka o’tib yashaydi. Uning tarixini esa boshqalar yozib beradi…


☑️ @ixtiyor_avstraliya

Juma muborak, aziz Yurtdosh. 🙏

☑ @ixtiyor_avstraliya

Jeymz Bond nonushtasi.

Mukammal nonushta qanday bo’lishi kerak, bilasizmi?

Jeymz Bond kinosini ko’pchilik ko’rgan. Kino bo’lib chiqishidan oldin, u avval kitob bo’lib yozilganini ham ko’pchilik bilsa kerak. Bir nechta qismlardan iborat kitoblarni angliyalik Yan Flemming ikkinchi jahon urushidan keyin yozadi. Men bu kitoblarni 2013 va 2014-yillar oralig’ida o’qigan edim. Aytgancha, bu kitoblarni o’qishni umuman maslahat bermiman. Xullas, 1953-yilda Flemming Jeymz Bondning (to’qima obraz) navbatdagi qismini yozayotganida nonushtasi haqida aytib, o’z xalqiga bunday maslahat beradi:

“Uchta tuxumni chaqib, idishda aralashtirasiz. Ikki osh qoshiq sariyog‘ni kichikroq tovada eritib, unga tuxumlarni qo’shib juda past haroratda davomiy aralashtirib pishirishni boshlaysiz. Tuxum pishishiga oz qolganda, issiq tovadan olasiz-da unga yana bir osh qoshiq sariyog’ qo’shib 30 soniya davomida qattiq aralashtirishda davom etasiz. Tayyor bo’lgan taomga maydalangan ko’katlarni qo’shib issiq sariyog’li tost (isitilgan non)ni ustiga qo’yasizda nonushtadan bahra olib iste’mol qilasiz.”

Nonushtaga oqsilga boy tuxum va tuxumli taomlar iste’mol qilish yoki sut va sutli taomlarni kiritish eng maqbul yo’l, deb aytiladi. Siz esa, “hamma topganini yeydi-da”, deyishingiz mumkin. Bu gapingiz to’g’ri. Lekin boshqa millatlar o’z xalqini yomon ovqatlardan ogohlantirayotganida, kitoblarida, kinolarida va jurnallarida odamni tetik, ishchan qiladigan va uzoqroq umr ko’rishiga sabab bo’ladigan yeguliklarga tinmay targ’ib qilayotganida, nega biz jim turishimiz kerak?

Men “idealdagi nonushta”ni bilmayman. Menimcha, buni hech kim bilmaydi. Lekin men sizni o’zbek xalqini uzoq yashamay, 60-65 yoshida yurak muammosi bilan o’lib ketishiga sabab bo’layotgan narsadan ogoh qilmoqchiman. Bu – sariyog’.

O’zbek oilalarining ko’pi kunini sariyog’ iste’moli bilan boshlaydi. Uzoq yashamay ko’pini yuziga dog’ tushadi, yuzi qorayadi (qon yaxshi aylanmayotganidan dalolat), qorin soladi, hansirab qolishni boshlaydi, va qon tomirlariga xolesterin (yomon yog’) moddasi to’lib qolishidan boshqa xalqlar uchun o’rta yosh bo’lgan yoshida, ya’ni 60-65 yoshida “yuragi to’xtab qolipti”, degan tamg’a bilan hayotdan ko’z yumadi.

Siz aytishingiz mumkin, “unda nonushtaga nimani yeymiz?” Men aytaman, kam yeb hech kim o’lmagan. Ko’p yeyish o’limga sabab bo’lgan. Sariyog’ni kunlik taomingizdan chiqarib tashlasangiz, och qolasiz, degani emas. Non bilan choyni ichib ketsangiz ham yashayverasiz. Lekin sariyog’ bilan ko’pga bormaysiz.

Endi sariyog’, deganda qaysi sariyog’ni nazarda tutayotganimni ham aytib qo’yay. Gap sariq rang berilgan, o’ta zararli va tanaga kirsa chiqishni xohlamaydigan aslida sariq emas, balki oq yog’ haqida. Bu deyarli hamma do’konda sotiladigan sariyog’.

“Kuvi bilan pishilgan” sariyog’ juda foyda. Do’kondan oladiganingiz o’ta zarar. Nonvoydan oladigan noningizga qo’shiladigan “margarin” ham o’ta zarar va sizni ko’p sog’lom yashatmaydi. “Kuvi bilan pishilgan” sariyog’ esa sizga quvvat berib, uzoq umr ko’rishingizga yordam beradi.

Agar mendan so’rasangiz, do’kondan umuman sariyog’ olmang va hech qanday taomingizga, hatto somsaga ham, sariyog’ qo’shmang va ko’chada qo’shilgan taomlarni iste’mol qilmang, degan bo’lar edim. Onalarimiz “kuvi bilan pishgan” sariyog’dan esa ko’proq qo’shing, degan bo’lar edim… Kunni toza taomdan boshlang va o’zbek xalqini saqlang.


Ixtiyor,
Avstraliya.
- 29. VIII. 2024.

☑ @ixtiyor_avstraliya

Bu magniy.

Buni biz oyog'i og'rib uxlolmaganlarga yoki, yotganda oyoqda mushaklari tortishib qoladiganlarga tavsiya qilamiz.

Bilsangiz, uxlashga yotganingizda ba'zan oyoqlaringiz bir joyda turmay hech uyqu bermaydi. Shu holatlarda ham magniy tavsiya qilinadi.

Umuman olganda tanada magniy miqdorininig kamayib ketishi juda ko'p kasalliklarni boshida turadi. Hozirgi kunda magniyni yetarli miqdorda qabul qilish deyarli imkonsiz. Deyarli hammaga bu elektrolit kerak.

Uning boshqa va aslida eng kerakli foydalari haqida keyinroq yana yozamiz.


☑️ @ixtiyor_avstraliya

🔖
851 va 852 - yillar.


Xitoyning oliy qiroli har o‘n oyda bir omma oldida ko’rinish beradi. Buni u shunday izohlaydi: "Agar odamlar meni tez-tez ko‘rsalar, menga kamroq hurmat bilan qarashadi. Muvaffaqiyatli boshqaruv qirollik g‘ururini ko‘rsatishni talab qiladi: oddiy xalq hukmdorda adolat haqida tasavvurga ega emas, shuning uchun ularning nazarida bizning ahamiyatimizni oshirish uchun ularga nisbatan takabburona munosabatni ko’rsatishimiz kerak.”


Davomi bor...


PS: Sakkizinchi asirda ikki arab sayyohi dunyoni har tomoniga qarab yo'l olishadi. Ko'rganlarini qog'ozga tushurib qaytib kelishadi. Bu dengizchilarning og'zidan eshitilgan to'qimalar emas, balki faqat haqiqatdan iborat ro'y-rost yozilgan bitiklar edi...


Ixtiyor,
Avstraliya.
27. VIII. 2024

☑️ @ixtiyor_avstraliya

PARRANDANING HAYOLI DONDA... 


Bir yaqin do‘stimiz-ukamiz., "Aka, tasavvur qiling, yigirma ikki yoshsiz. Qaysi xatolarni qilmagan bo‘lardingiz?" deb savol qo‘ydi. 

Bu savolga javob berishning qiyin tomoni shundaki, siz xato deb bilgan ishni boshqalar o‘zi uchun to‘g‘ri, deb bilishi mumkin. 

Shunday bo‘lsa-da, kamina uchun xato bo‘ldi, deb o‘ylagan ishlarimni aytsam. 

Men ikkita narsada juda ehtiyot bo‘lar edim va iloji boricha xato qilmaslikka harakat qilar edim. Qolgani shu ikki ishning ustiga qurilsa, ne ajab! 
Birinchisi, vaqtimga juda e’tiborli bo‘lar edim. Men vaqt borasida yutqiziqda bo‘ldim. Keraksiz kitoblarni o‘qidim. Keraksiz kinolarni ko‘rdim. Keraksiz odamlarga vaqt ajratdim. Qiymatsiz matolarning ortidan yurdim. Natijada, kerakli kitoblarning mutolaasi ortga surildi. Kerakli odamlarning ko‘pi endi hayot emas. Kino, futbol, ko‘ngil ochar dasturlar, g‘iybatga botgan yig‘ilishu-o’tirishlar va hokazolar vaqtni zavoliga aylandi. Inson holi qolib, tabiatda bir o’zi o’tirib yaxshilab o’ylasa, bularning barchasi bir pulligini tushunadi. Bir kun o’lasiz va sizdan hech kim nega shu kinoni ko’rmading, nega futbolchilaru-mashhurlarni ismlarini yoddan bilmading yoki nega o’tirishga bormading, deb so’ramaydi.


Ikkinchisi, sog’lig’imga juda e’tiborli bo’lar edim. Kamroq taomlangan, ammo vitaminlarga boyroq taomlar iste’molida bo’lgan bo’lar edim. Uyquni bir vaqtda yotib, bir vaqtda turishga odatlantirgan bo’lar edim. Tabiat qo’ynida ko’proq yurgan va sog’liqqa zararli ishlarni qilmagan bo’lar edim.
Qolgani shularning ustiga quriladi.


Biz xuddi parrandalarga o’xshaymiz. Boshimizni quyi solib, faqat don (dunyo) g’amida bo’lamiz-da, sheriklarimizdan birini oramizdan olib, nariroqda so’yganiga (o’lim olib ketganiga) bir bosh ko’tarib qarab qo’yamiz-da, yana boshni quyi solib don terish (dunyo yig’ish) g’amida davom etaveramiz. Yaqinda bizni ham olib ketishini o’ylamaymiz. Dunyodagi narsalarga mukkasidan ketishimiz, hech narsani to’xtatib qololmaydi. Vaqt oz. Demak, har bo’sh vaqtni ibodatga sarflash eng to’g’ri yo’l (Ichingizda zikr qilib yuravering). Yesangiz ham to’ymaysiz, ichsangiz ham to’ymaysiz. Maishat ham yetmaydi. Kulgi ham qoniqtirmaydi. O’lim esa aniq keladi. Eng dono odam, o’limga tayyorlangan odam.

Yuqoridagidan xulosa qilsam, birinchi xatoim vaqtimni ahmoqlarcha keraksiz sovurganim. Ikkinchi xatoim, har doim shunday sog’lom bo’lib turaveraman, deb ibodatni ortga tashlaganim.

☑ @ixtiyor_avstraliya

Shoshmang – chaynang.

Taomni necha marta chaynab yeyish kerak, bilasizmi? 
Luqma qaymoqday oʻtishi lozim. Shunda hazm yaxshi boʻladi. Siz keraksiz vazn qoʻymaysiz. Uzoqroq umr koʻrasiz. 
Luqma qaymoqday oʻtishi uchun esa taomni o’n besh marta chaynashingiz kerak bo’lar ekan. Eng to’g’ri sanog’i 10-15 marta. Sababi ba’zi yeguliklar yumshoqroq bo’ladi.

Ovqatlanganingizda shoshmasdan, yaxshilab chaynab keyin yutishingiz juda muhim.

☑️ @ixtiyor_avstraliya

Ko‘z shifokorlarida 20-20-20 qoidasi bor. Buning ma’nosi ekranga qarab 20 daqiqa vaqt sarflasangiz, 20 soniya dam olib va shu soniyalarda 20 qadam uzoqlikdagi narsalarga qarashingiz kerak degani. Ko‘z toliqishining oldini olish uchun muhim qoida.


☑️ @ixtiyor_avstraliya

1875 – yil angliyalik zodagon ayol Elizaveta sharqga qarab sayohatga chiqadi. Gretsiya, Turkiya orqali Rossiyaga va Qrimga ham kirib keladi. U o’sha paytning eng qudratli hukmdorlari qatorida bo’lgan Rossiya Qirolichasi va Potemkin bilan nonushta qiladi, Usmonli xalifaligidagi Turkiyada Katta Pasha bilan tushlikda birga o’tiradi, Hindistonni egallagan turk mo’g’ullarining xoni bilan kechki ovqatni birga qiladi.

Uning ayniqsa musulmon Turkiyasi haqidagi fikrlari juda qiziq. O’sha paytdagi turk ayollari haqida Elizaveta xususan ularni ortiqcha pardozlanishda ayblaydi. Turk ayollarini semiz, qora tishlarga ega va bejirim qomatdan yiroqda deb yozadi. U shuningdek, turk ayollarining yelkalari yumaloq va issiq vannalarda ko’p o’tiraverganliklaridan ajin bosgan, yomon teriga ega bo’lib qolganligini aytib o’tadi.


Mutolaa qilish davomida boshqa qiziq ma’lumotlari bilan ham bo’lishib boraveramiz.

☑ @ixtiyor_avstraliya

Bu hozirgi kunda eng ko‘p uchrayotgan ko‘z qurishiga qarshi vosita.

Hozir hammada telefon va kompyuter borligi uchun, dry eye [dray ay] ya’ni ko‘z qurishi (simptomlari: ko‘z qurib ketishi yoki ko‘p yoshlanishi, qizarishi, ba’zan ko‘p qichishi, va nimadir borday tuyulishi) ko‘p kuzatilyapti.

Buning uchun maxsus ko‘z tomizgichlari ishlab chiqilgan. Undan kuniga bir martadan 3-4 martagacha foydalanishingiz va ko‘zingizni uzoqroq sog‘lom saqlab qolishingiz mumkin. Bo‘lmasa yaxshi ko‘rmaydigan va shunga o‘xshash kasalliklarga uchrashingiz mumkin.


☑️ @ixtiyor_avstraliya

🔖
851 va 852 - yillar.


"Shuningdek, ular dengizda qisqichbaqaga o‘xshash bir jonzot borligini va agar u suvdan chiqib ketsa, toshga aylanishini xabar qilishdi; ma’lum bir ma’lumotchining aytishicha, bu jonzotdan malham olinadi va turli ko‘z shikoyatlarini davolash uchun ishlatiladi.

Ular, shuningdek, al-Zabaj yaqinida "Olov tog‘i" deb nomlangan toshli orol borligini va uning yaqiniga borib suzishning imkoni yo'qligini aytishdi.

Undan kunduzlari tutun chiqadi, kechalari o‘t purkaydi. Uning tubida bir buloqdan sovuq chuchuk suv, yana bir buloqdan issiq chuchuk suv oqib chiqib turadi.


Davomi bor...


PS: Sakkizinchi asirda ikki arab sayyohi dunyoni har tomoniga qarab yo'l olishadi. Ko'rganlarini qog'ozga tushurib qaytib kelishadi. Bu dengizchilarning og'zidan eshitilgan to'qimalar emas, balki faqat haqiqatdan iborat ro'y-rost yozilgan bitiklar edi...


Ixtiyor,
Avstraliya.
21. VIII. 2024

☑️ @ixtiyor_avstraliya

🟦 IYMON YOKI INSOF? 🟦

Avstraliyaga keldim. Shayton va jinlar bosib ketgan davlatligini tezda payqaysiz. Buni ko‘pchilik payqamas. Balki, mubolag‘a qilayotgandirman.

Masalan, oilalarida yo‘q joydan falokat bo‘ladi. Yo‘q joydan yiqilib qo‘li yoki oyog‘i sinadi. Yaxshi yurgan ayolidan saraton chiqadi. Yugurib yurgan o‘g‘li birdaniga hech kimga gapirmaydigan, o‘z-o‘zi bilan ovora, yopiq odamga aylanadi. Qoqilgan, yiqilgan, turtilgan, boshi qotgan. Xullas, tushuntirib berish juda qiyin. Iymoni yo‘q, oxiratni borligiga ishonmaydigan odamga tushuntirish undan-da azob.

Ishda ko‘pchilik bemorlar kelib dardini aytadi. Tashvishlarni eshitib lol qolasiz. Aniq jin yoki shaytonning ishi ekanligini bilib turasiz. Yo‘q, deganda nazar teggan. Qani buni ularga tushuntira olsangiz. Nazar tegishini bilmaydi. Yer yuzida faqat insonlar emas, balki jinlar ham borligini inkor qiladi. Shayton esa latifalariga aylangan.

O‘zbekistonga bordim. Hayot og‘ir. Odamlardan insof ko‘tarilganday. Lekin iymon bor. Insof yo‘q, lekin jumaga shoshgan odamlar bor. Hayot qiyinday tuyuladi, lekin tang qilib qo‘yilmagan. Ya’ni bugun bor, ertaga yo‘q bo‘lib yashab yuraverasiz. Hayot tang qilib qo‘yilsa, Avstraliyaliklarga o‘xshab qolasiz. Hamma narsangiz bor, lekin halovatingiz bo‘lmaydi.*

Hamma narsa bor, biroq tinchlik yo‘q.

Hamma narsa bor, ammo xotirjamlik yo‘q.

Hamma narsa bor, lekin bolasiga rahmat yo‘q.

Hamma narsa bor, lekin ota-bola o‘rtasida rishta yo‘q bo‘ladi.

Bu ikki dunyo egalarini uzoq yillar kuzatishdan hosil bo‘lgan xulosa. Boy davlat, puli ko‘p odamlar, oson hayot, hamma narsa joyida va hokazolar bu mayda solishtirishlar. Bu narsalar hayotni yuqoridan turib qaraganda rol o‘ynamaydi. Buni kambag‘al davlatlar ham vaqti kelib bajara oladi. Lekin dunyo boshqachasiga aylanadi... Dunyoda siz shaytonga sig‘inasiz yoki Allohga va u shuni atrofida aylanadi. Tanlov o‘zingizdan! Siz tanlagan yo‘ldan avlod ketadi. Avloddan millat va shu millat keyin yoki jin-u-shaytonlarning makoniga aylanadi yoki Allohning sinovida sobitqadam turadigan yurt egalariga aylanadi.



☑️ @ixtiyor_avstraliya

🔖
851 va 852 - yillar.


"Xitoyliklar gigiyenaga e’tibor qilishmaydi. Katta hojatga chiqqanidan keyin orqalarini suv bilan yuvmaydilar, balki faqat o‘zlarining xitoy qog‘ozi bilan artishadi. Ular xuddi sehr-jodu bilan shug‘ullanuvchi kishilarga o‘xshab o‘liklarni va shunga o‘xshash narsalarni yeydilar. Balki ularning millati sehrgarlarning millatiga o‘xshar. Ularning ayollari boshlarini ochib yurishadi. Ammo sochlariga taroqlar qo‘yishadi. Yolg‘iz ayollar ko‘pincha yigirmatagacha fil suyagidan bo‘lgan taroq va boshqa shunga o‘xshash materiallarni kiyishadi. Biroq ularning erkaklari boshlarini qalpoqqa o‘xshash narsa bilan yopib olishadi. O‘g‘rilar bilan ishlashda ularning amaliyoti - agar u qo‘lga tushsa - o‘g‘rini o‘ldirishdan iborat."


Davomi bor...


PS: Sakkizinchi asirda ikki arab sayyohi dunyoni har tomoniga qarab yo'l olishadi. Ko'rganlarini qog'ozga tushurib qaytib kelishadi. Bu dengizchilarning og'zidan eshitilgan to'qimalar emas, balki faqat haqiqatdan iborat ro'y-rost yozilgan bitiklar edi...


Ixtiyor,
Avstraliya.
21. VIII. 2024

☑️ @ixtiyor_avstraliya